فـــــزاع
30-12-2007, 10:42 PM
البارحه ليلي هموم وهواجيس ******* وابعد من الجوزا علي الوناسه
نفسي وانا والليل والهم وابليس ******* كلن على الثاني يبي له رياسه
مدري هموم ولا حب ولا كوابيس ******* ولا الثلاثه كلهن فوق راسه
او ان عقلي صاير(ن) فيه تنكيس ******* وللعقل في بعض الامور انتكاسه
ويا لايمي لاتلومني قبل ماتقيس ******* اللوم للميس يزود بياسه
وانا معي عقل ومشاعر واحاسيس ****** وعيون وقلب واخلاق وشراسه
لكن حصلي من زماني متاعيس ******* وعجزت في هذا الوقت لااعرف لناسه
هذا يموهها بهرج التهاليس ****** وهذا تجاهلها عناد وخناسه
وهذا يغرك مظهره بالملابيس ****** وهذاك يلبس لبس ماهو لباسه
وهذا تذعذع له هبوب النسانيس ***** وهذاك تقول مغمغم له بطاسه
وناس تهجس من غثنا الوقت تهجيس ***** وناس تسايسها وتجي بالسياسه
وناس تبي عرش مثل عرش بلقيس ***** وناس تبي لو يوم فرقا التعاسه
والناس بالدنيا حظوظ وقواميس ***** اللي يغرف بدرام واللي بكاسه
وترى الدرى لوفيك سوا نواميس ***** يضحك على روحه ويرجع لساسه
وليا حصل لك من زمانك عواكيس ***** اصبر وللصبر الجميل انعكاسه
وتدرسك دنياك من غير تدريس ***** ماهو لزوم انك تدرس دارسه
قنعت واقنعني وكتاب الوساويس ***** لكن عقب ماصرف شيك الفلاسه
وسلامتكم تحياتي
نفسي وانا والليل والهم وابليس ******* كلن على الثاني يبي له رياسه
مدري هموم ولا حب ولا كوابيس ******* ولا الثلاثه كلهن فوق راسه
او ان عقلي صاير(ن) فيه تنكيس ******* وللعقل في بعض الامور انتكاسه
ويا لايمي لاتلومني قبل ماتقيس ******* اللوم للميس يزود بياسه
وانا معي عقل ومشاعر واحاسيس ****** وعيون وقلب واخلاق وشراسه
لكن حصلي من زماني متاعيس ******* وعجزت في هذا الوقت لااعرف لناسه
هذا يموهها بهرج التهاليس ****** وهذا تجاهلها عناد وخناسه
وهذا يغرك مظهره بالملابيس ****** وهذاك يلبس لبس ماهو لباسه
وهذا تذعذع له هبوب النسانيس ***** وهذاك تقول مغمغم له بطاسه
وناس تهجس من غثنا الوقت تهجيس ***** وناس تسايسها وتجي بالسياسه
وناس تبي عرش مثل عرش بلقيس ***** وناس تبي لو يوم فرقا التعاسه
والناس بالدنيا حظوظ وقواميس ***** اللي يغرف بدرام واللي بكاسه
وترى الدرى لوفيك سوا نواميس ***** يضحك على روحه ويرجع لساسه
وليا حصل لك من زمانك عواكيس ***** اصبر وللصبر الجميل انعكاسه
وتدرسك دنياك من غير تدريس ***** ماهو لزوم انك تدرس دارسه
قنعت واقنعني وكتاب الوساويس ***** لكن عقب ماصرف شيك الفلاسه
وسلامتكم تحياتي