مطرقة قلاويز
06-01-2008, 02:05 AM
عزيزي القارىء الكريم :
حينما تسمع صفير البعارين وتغريد الضفادع وزقزقة التماسيح تذكر ذلك المثل الشجي الرنان ..
وحينما تطير في افكارك نحو شيكوسلوفاكيا وأنت طائر تسمع دوي انفجار ذلك المثل الشجي ...
تذكر : بأن المهتوي يقطع المستوي وان القرد بعين امه غزال واني مسجل عندكم من زمان ولا قد نزلت ولا موضوع فقررت بهالليلة الظلماء اكتب لكم مويضيعن صغير كبر خشم حصيص المجرفة ..
بس قبل لا تتهور وتقرأ مويضيعي الصغير اللي كبر خشم حصيص المجرفة <--- طيب عرفنا ..
يجدر بك عزيزي القارىء الكريم الذهاب الى اقرب مرآه بجوارك .. قف امامها .. ناظر بها .. تمعن جيد(ن) بنفسك .. دقق في تضاريس وجهك ..
فاذا وجدت نفسك جميل(ن) اخرج من الموضوع .. اما اذا كنت قبيح(ن) فانصحك اذن بعدم قرأته <--- أجل وشوله كاتبه ..
____________________________________
هذا ياطويلين العمر والسلامة مرتن من المرات دخلت اتميلح بأحد التشاتات المعروفه تسان وانا بأمان الله دخل علي واحد خاص الله لا يعيدو اسمه < هكر > دخل علي وقالي بووو .. قلت بسم الله الرحمن الرحيم وش تبي سلمات يا الشيخ .. قالي انا هكر .. قلت ياهلا والله بمستر هكر مدري يا قلبي انت من اي ولايه .. قال يا حمار انا هكر ادخل جهازك .. قلت بعد تدخل جهازي بدون ماغير ما تقولي وبعدين تعال وش دعوى انت نمله يوم انك تدخل جهازي ؟؟؟ عقبها الرجال تأكد اني ما حولك احد وطلع وهو يدعي ربه العفو والعوفيه !!
المراد انها اعجبتني حركة الهكر هذي .. فقلت بخاطري ابي اصير زيه يعني بالعربي قررت اصير هكر خصوصاً يوم انى شفت فلم وتأثرت فيه قلت يمكن اسطو على بنك وبدال ماهو حسابي زيرو هالكبر يصير 5896049 يريور .. والله واقوم بعملية بحث وخذت كم لفه ودرعمت مع جماعة عطونى برنامج هكر واقوم ادور على ضحية وادور وادور الين ما لقيتها تسان اشمر ذراعى وادرعم بجهازه واقعد اقلب واقلب فى ملفاته والعب فيها واحذف منها يعني ماشي بالسليم بس مع هذا انتابتني شكوك يوم شفت ملفاته تشبه الملفات اللى بجهازى .. وكانت الكارثه يوم اكتشفت بعدين انى دخلت على جهازى نفسه يعنى انا الهكر وانا الضحية ..
ومع هذا مايئست واستمريت احاول وادور واثناء قعودي وجلوسي ودخولي وطلوعي عالنت دخلت منتدى فيه ناس يعلمون الهكر تسان يقولون لي تتعلم معنا ياالنشبه .. قلت اتعلم ليش لا .. قالو خلاص خذ نزل هالملفات عندك .. والله واخذها وانزلها على جهازي واقعد شهرين وانا مثل السبهة اكتب موضوع في الورد ولا جيت الصبح القاه مغير ولا محذوف .. واذا جيت اكتب في الماسنجر يطلع النخل في راسي اكتب عربي يقلب انقليزي !!
عاد في الأخير كلمني واحد منهم وقال لي والله ياجهازك معفوس عفسه بس انا فرمطتنه لك ورتبت الملفات من جديد .. سالته وشلون ؟؟ قال الله يخلف على جدتك لنا شهرين انا وكم واحد من المنتدى لاعبين في جهازك ومره ثانيه يالدلخ لا تقبل اي برنامج يجيك الا انت متاكد من اللي مرسله .. وماكمل كلامه الا والله واقوم وابيع الجهاز على طول واشتري واحد ثاني بس المشكلة اني نقلت كل البرامج القديمة للجديد تسان اول ماشغلته طلعت لي شاشة شات صغيرة بوسط شاشتي وبدا يتكلم معاي وقالي تدري اني اقدر اخرب جهازك واحرقه .. قلت له والله ياخوي هذي احلى هدية تقدمه للوالده بس الله يعافيك قبل لاتحرقه علمني عشان اكلم المطافي ..
همن من عقبه غسل يده وعرف ان اللي معه ما حولك احد.. ومن عقبه مااحد اخترق جهازي مدري يجوز انه علم اخوياه الهكر ان صاحب الجهاز الله بالخير مهو صاحي .. وهذا اللي مضيق صدري تشوهت سمعتي ابي احد منهم يدخل جهازي عشان اشرح له وجهة نظري وافهمه اني ماني غبي بس مافيه .. علموني وش اسوي احط معسل عند جهازي عشان يدخلونه ؟؟؟
8
8
8
8
أنا كاتبن ذا الموضوع من باب المشاركة معكم بس ..
اتمن انكم استحملوا المصاله المتراكمة في الموضوع وحاولوا إنكم ترفقون علي في الردود ..
أخوكم ..
مطرقة قلاويز ,,
حينما تسمع صفير البعارين وتغريد الضفادع وزقزقة التماسيح تذكر ذلك المثل الشجي الرنان ..
وحينما تطير في افكارك نحو شيكوسلوفاكيا وأنت طائر تسمع دوي انفجار ذلك المثل الشجي ...
تذكر : بأن المهتوي يقطع المستوي وان القرد بعين امه غزال واني مسجل عندكم من زمان ولا قد نزلت ولا موضوع فقررت بهالليلة الظلماء اكتب لكم مويضيعن صغير كبر خشم حصيص المجرفة ..
بس قبل لا تتهور وتقرأ مويضيعي الصغير اللي كبر خشم حصيص المجرفة <--- طيب عرفنا ..
يجدر بك عزيزي القارىء الكريم الذهاب الى اقرب مرآه بجوارك .. قف امامها .. ناظر بها .. تمعن جيد(ن) بنفسك .. دقق في تضاريس وجهك ..
فاذا وجدت نفسك جميل(ن) اخرج من الموضوع .. اما اذا كنت قبيح(ن) فانصحك اذن بعدم قرأته <--- أجل وشوله كاتبه ..
____________________________________
هذا ياطويلين العمر والسلامة مرتن من المرات دخلت اتميلح بأحد التشاتات المعروفه تسان وانا بأمان الله دخل علي واحد خاص الله لا يعيدو اسمه < هكر > دخل علي وقالي بووو .. قلت بسم الله الرحمن الرحيم وش تبي سلمات يا الشيخ .. قالي انا هكر .. قلت ياهلا والله بمستر هكر مدري يا قلبي انت من اي ولايه .. قال يا حمار انا هكر ادخل جهازك .. قلت بعد تدخل جهازي بدون ماغير ما تقولي وبعدين تعال وش دعوى انت نمله يوم انك تدخل جهازي ؟؟؟ عقبها الرجال تأكد اني ما حولك احد وطلع وهو يدعي ربه العفو والعوفيه !!
المراد انها اعجبتني حركة الهكر هذي .. فقلت بخاطري ابي اصير زيه يعني بالعربي قررت اصير هكر خصوصاً يوم انى شفت فلم وتأثرت فيه قلت يمكن اسطو على بنك وبدال ماهو حسابي زيرو هالكبر يصير 5896049 يريور .. والله واقوم بعملية بحث وخذت كم لفه ودرعمت مع جماعة عطونى برنامج هكر واقوم ادور على ضحية وادور وادور الين ما لقيتها تسان اشمر ذراعى وادرعم بجهازه واقعد اقلب واقلب فى ملفاته والعب فيها واحذف منها يعني ماشي بالسليم بس مع هذا انتابتني شكوك يوم شفت ملفاته تشبه الملفات اللى بجهازى .. وكانت الكارثه يوم اكتشفت بعدين انى دخلت على جهازى نفسه يعنى انا الهكر وانا الضحية ..
ومع هذا مايئست واستمريت احاول وادور واثناء قعودي وجلوسي ودخولي وطلوعي عالنت دخلت منتدى فيه ناس يعلمون الهكر تسان يقولون لي تتعلم معنا ياالنشبه .. قلت اتعلم ليش لا .. قالو خلاص خذ نزل هالملفات عندك .. والله واخذها وانزلها على جهازي واقعد شهرين وانا مثل السبهة اكتب موضوع في الورد ولا جيت الصبح القاه مغير ولا محذوف .. واذا جيت اكتب في الماسنجر يطلع النخل في راسي اكتب عربي يقلب انقليزي !!
عاد في الأخير كلمني واحد منهم وقال لي والله ياجهازك معفوس عفسه بس انا فرمطتنه لك ورتبت الملفات من جديد .. سالته وشلون ؟؟ قال الله يخلف على جدتك لنا شهرين انا وكم واحد من المنتدى لاعبين في جهازك ومره ثانيه يالدلخ لا تقبل اي برنامج يجيك الا انت متاكد من اللي مرسله .. وماكمل كلامه الا والله واقوم وابيع الجهاز على طول واشتري واحد ثاني بس المشكلة اني نقلت كل البرامج القديمة للجديد تسان اول ماشغلته طلعت لي شاشة شات صغيرة بوسط شاشتي وبدا يتكلم معاي وقالي تدري اني اقدر اخرب جهازك واحرقه .. قلت له والله ياخوي هذي احلى هدية تقدمه للوالده بس الله يعافيك قبل لاتحرقه علمني عشان اكلم المطافي ..
همن من عقبه غسل يده وعرف ان اللي معه ما حولك احد.. ومن عقبه مااحد اخترق جهازي مدري يجوز انه علم اخوياه الهكر ان صاحب الجهاز الله بالخير مهو صاحي .. وهذا اللي مضيق صدري تشوهت سمعتي ابي احد منهم يدخل جهازي عشان اشرح له وجهة نظري وافهمه اني ماني غبي بس مافيه .. علموني وش اسوي احط معسل عند جهازي عشان يدخلونه ؟؟؟
8
8
8
8
أنا كاتبن ذا الموضوع من باب المشاركة معكم بس ..
اتمن انكم استحملوا المصاله المتراكمة في الموضوع وحاولوا إنكم ترفقون علي في الردود ..
أخوكم ..
مطرقة قلاويز ,,