لو كان عمري فديني فدوتك عمري لاكن عمري بدين الي ترجيته انه يرد الزمان الي على خبري. [الأرشيف]

العاشق المحروم

09-02-2008, 05:52 PM

ياللي على البال / كلمات سمو الشيخ ناصر بن حمد الخليفة

ياللي على البال تطري وانت ما تدري
وش ذنبه الي يحبك وانت خليته
وش ذنب قلبن رسملك حبه العذري
وش ذنب دمع على طاريك هليته
******************
لو كان عمري فديني فدوتك عمري
لاكن عمري بدين الي ترجيته
انه يرد الزمان الي على خبري
واعيش ليلك وحلم كم تمنيته
******************
يوم ان قلبك بصدري وانته في صدري
طيفن سكن بالحشا واثري الحشا بيته
للأيام تجري وعمري بالشقا يجري
حتى الشقا منك رافقته وحبيته
********************
اصبر على حالتي ويملني صبري
واعيش في لوعتي واقول ياليته
والليل في ناظري يا صاحبي يسري
والشعر لجل الهوى جبته وغنيته
******************
واذا تكلم عذولي قلت له عذري
ان الهوى يذبح العاشق وانا جيته
ولا انته ماتدري انك كل ماتطري
يصيح بين الحنايا شي خلي

هي فعلاً كلمات اغنية قديمة(شوي)....لكن جميلة وقمة في الروعة
اتمنا الاستمتاع بسماع عذب مفرداتها.....وترا غناها سلمان حميد
نجم نجوم الخليج 2004