زوايـا الأمـكـنــه

[$@دمعتة الذيب@$]

البسمه اللي ترتسم و تغلّـف الجـرح الدفيـن
بسمه يتيمه مـا ورهـا الا الجـروح المزمنـه
ما بقّت سيوف الهجر و البعد و رماح السنيـن
الا بقايـا ذكرياتـه فــي زوايــا الامكـنـه
يا وجد حالي وجد من جـرّب فـراق الوالديـن
بسابع سنينـه خنجـر الايـام بالصـدر طعنـه
دايم و صورة والده لاضاق فـي عينـه تبيـن
يـوم الجماعـه للمقابـر ينقلـونـه بكفـنـه
ويسرح بذكـرى والـده لـو الجميـع معيديـن
يوم ان ابوه ليا دخل هـلّا و رحّـب و حضنـه
و لامن ذكرها عند جده صد عـن جـده يميـن
يدرأ مشاعـر جـده الشايـب يخـاف يفطنـه
وجده مثل وجدي على لاماك ياصـاف الجبيـن
ياللي رحلت و من رحيلك صار لي ثالـث سنـه
و انا اكتم العبره بصدري و احبس انفاس الحنين
اخاف نظرات العتب و اخشـى كـلام الالسنـه
ودّي بوصلك بس درب الوصـل عيّـا لا يزيـن
تقفلت طرق المواصـل و الضـروف استلعنـه
وقّف بنا سير الوصل و الحل ما هـو باليديـن
ليته يفيد الدهن في سيـر المواصـل و ادهنـه
بين التقيد بالحيأ و مفارقـك و الحـض شيـن
ضاع الأمل و الياس خيّم وسط قلبـي و سكنـه
و المشكله لارحت اراجـع فـي حيـاة الاوليـن
وجدت عيش اهل الهوا حرمـان عبـر الازمنـه
بس المهم ان الوفـا يبقـى لنـا و الله يعيـن
نصبر على سهر الليالـي و الجـروح المزمنـه