$$$تحدتني ظروفي$$$$

[نبض قلبي]

السلام والرحمه
تحدتني ظروفي وأنـا فـي زمانـي حـي
وخلتني اقنـب مثـل مـا يقنـب الذيبـي
اشوف الظلام وكني اشـوف فيـه الضـي
سنى نـوره يشعشـع بـروس المراقيبـي
حداني على لا هوب شمس الرجـال الفـي
ليا من طرالي قلـت انـا راعـي الطيبـي
اعدي على هاذيـك وارهـي بذيـك وذي
واحسب ان كل(ن)في نظر عيني اصحيبـي
وانا ماني بداري وانـا يمكـن انـي عـي
ولو غرني وقتـي فانـا ساتـر(ن) عيبـي
صحيح ان بعض الناس فالوقت ما هو شي
حداه الزمـان ولاح فـي راسـه الشيبـي
وصحيح ان بعض الناس طاويه حزنه طي
كما طي شالـح عقـب مـا فارقـه ذيبـي
وصحيح ان بعض الناس ما يندرى وش هي
تكـدر مشاربهـا وتصـفـي مشاريـبـي
بعضهم يقول ابغيلي حوجت(ن) يـا خـي
وليا مـن خذاهـا قـام يشـذب عراقيبـي
حسيبي على من يحسب الناس شربة مـي
يعـذرب وهـو مليـان كلـه عـذاربـي
ما يدري عن اللى في زمانه تعـذب حـي
ليـا جـر صوتـه واعتلـى فالمراقيبـي