يـاراكـب الـلـي كـنـهـا زول الـفــريــد

[نبض قلبي]

قصيده للشاعر / يوسف مهاوش العشيش رحمه الله ويعود تاريخها الى عام 1374 هــ
يوجهها للملك سعود يطلب فيها رخصه لإبنه عيد الذي كان يعمل بالمنطقة الشرقية آنذاك .




ياراكب اللـي كنّهـا زول الفريـد
هي منوة الطرّاش يركـب كورهـا
يم الملك وصّل سلام(ن) لي جديـد
امرفع(ن) عرشه بعـال قصورهـا
انتـم مقاطعكـم بواليـد الحـديـد
صـمّ الرمـك وتبيّـدون ظهورهـا
هو كيف تنسى واحد(ن) لوهو بعيـد
بالضلع سكاكا الجوف راس وعورها
حنا هل السابـق وربعـك بالجديـد
نقلط على القوات هـي واخطورهـا
مسكاننا بالجوف والبـاس الشديـد
تحت الطلب واليا مشـى مامورهـا
انشد طوارفكم جميع واهـل ......
هذا كلام الصـدق ماهـو زورهـا
من اول(ن) عساف والشيخ الشهيـد
وابن عقيّـل عالـم(ن) بصقورهـا
لايافهـد يافرحتـي طالبـك عيـد
من فضلكم رخصه ثلاث شهورهـا
في قشلة الدمام جـا منهـا النشيـد
وامطاوع(ن) لحكومتـه وامورهـا
على البحر يدرس وشغلـه بالحديـد
اسطول السعود اللي قوي(ن) طورها
شق السفر مسافـة(ن) دونـه بعيـد
مامن خرجية(ن) نسـوق اجورهـا
خالد تقـدم يهـدم الجمـع العنيـد
هجم على القوات شـاف سبورهـا
طير السعد يعجبك لنّه شاف صيـد
بفرايسـه تلقـى محـل ظفورهـا
زين المجنّا حاضر(ن) ماهو بعيـد
واليا اعتلى من فوق عدل زبورهـا
ابوك عَـز المملكـه هـي والعبيـد
عـفّ الجزيـره كلهـا وابحورهـا
وصلاة ربـي مالحقنـا لـه عديـد
على محمد بـان بوجهـه نورهـا