الترقيم؟؟؟والتلشيط؟؟والمضايقات والمعاكسات؟؟

[بنت دبي]

اخواني واخواتي
حبيت اتناقش وياكم في موضوع ترقيم البنات في الاسواق
والمضايقات والمعاكسات
؟؟؟
هل انت من اصحاب المعاكسات والترقيم؟؟؟
وما رائيك في هذا التصرف؟؟
وهل هذا يعتمد على اسلوب الفتاه؟؟؟
ام ان لا دخل لتصرفها في معاكستها
مع العلم ان احيانا تكون البنت في حالها وتتعرض للمضايقات؟؟
وبعد انا ما انكر
ان البنات صاروا يلحقون الاولاد في هذا الزمن؟؟
يله حبايبي
لا تحرموني من آآرائكم
ترى رايكم وايد يهمني
لا خلينا منكم

[مطخطخه حلوه]

تسلمين بنت دبي


على الموضوع الخطير


وبصراحه اغلب مواضيعك مواضيع هادفه


تسلم يمينك


اما بالنسبه للموضوع المطروح

خلينا نفكر بواقعيه من الجهتين

الاولى :

تلقين الواحد يرقض ورا البنت

لكن لما تشوفين البنت تلقينها كنها طالعه لعرس ما كنها رايحه لسوق

ان بغبتي عطر فيها لقيتيه وان بغيتي بخور بعد بتلقين

الساعه لمبات مو ساعه

الخواتم اشارة مررووور اي لون راح تلقينه في كل صبع

الكعب طوله متر

العبايه مو عبايه الا لوحة فنيه مو عبايه كل شي مرسوم فيها

وبعضهم اخر عبايتها تلقى اسمها بخط ضغير او لقبها


ولا بعد الوان الاظافر تقولين ملاهي اطفال


ومع كل هذا تلقينها طفشانه من كثر اللي يلاحقونها

طيب اللي يشوفونها هذولا حجر ما يحسون ما يفهمون

شي طبيعي انهم يمشون وراها والله يلوم اللي يلومهم

لاتنسين ان النساء فتنه


بس في هذه الحاله ما نلوم البنت بس ممكن يكون الغلط فيها 20%

بس الاهل اللي ما وجهوها صح الغلط راكبهم 200%

وربي اللي بحاسبهم مو انا وعلى اللي يعترضون عليهم وعلى وضعهم

لكن اذا كانت البنت عكس اللي ذكرتها فنادر تلقين احد يعاكسها

بلعكس تمر من قدام اي شخص وهي محترمه نفسها ومجبره اللي قدامها يحترمها

صح او انا غلطانه

واذا لحقها احد فهذا انسان حقير يكون كل همه خدش عرض اي انثى وناسيه ان له ام او اهل او خوات

وبعدين ربي يبلاه بعرضه


علعموم انا اسفه على الإطاله

بس اتمنى ان وجهة نظري وصلت بصوره صحيحه


اكرر اسفي بنت دبي
بس الموضوع منجد بلنسبه لي جداً مهم وحساس ولازم الكل يفهمه ويدقق فيه ويناقشه لانه موضوع من جد يستاهل النقاش

[مطخطخه حلوه]

:q9::q9:
انا مبسووووووووووووووطه
لاني اول وحده رديت على موضوعك
خيتوووو
تسلم اناملك

[بنت دبي]

فديتج حياتي
وانا بعد يسعدني ويشرفني
انك من اول
الرادين على موضوعي
وجهة نظرك صحيحه ميه بالميه
وانا معاج بس الدنيا اصبحت فيها مغريات وايد
ولو الجال ماشاف في السوق الفضائيات يعني
تغري الشباب وتوجههم لطريق الخطأ
وبعد في وايد بنات بصراحه هم اللي يحاولون يجذبون الشباب الهم
؟؟؟؟
مشكوره مطخطخه

[( الامبراطور )]

والله الي يرقمون البنات ما يستحون
والمفروض ان البنات يعلمون الشرطة
وانا الحمد لله ولا مرة رقمة بنت لاني احترم سمعتي وسمعت عائلتي
فعشان نعرف مين هم الاولاد الي يرقمون يسير الاخوان (بنت وولد ) يمشون معا بعض القصد ان الولد يكون لاخته محرم عشان لو احد رقم البنت نخلي الشرطة تدق عليهم وتعرف وين مكانهم من البطاقة حقتهم مثال : 056موبايلي نروح لموبايلي ونقول هذا الجوال حق مين ونعرف مين هو ونعرف مين عائلته ويودونة السجن

[( الامبراطور )]

مشكوووووووووووووووووووورة
على الموضوع
تسلميييييييييييييييييييييييييييييييييين

[kaka4ever]

موضوع رائع لكن اتوقع البنات هم من يجذب الشباب يعني لو تغطة البنت ولبست عبايه على الراس والله محد يفكر فيها وبالنسبه للشباب هاذي ظاهره الشباب ظواهر فيه شباب ظاهرته الكوره فيه شباب ظواهرهم التفحيط والحمد لله ما نيب منهم

[هزاع-دبي]

مشكوره بنت دبي على الموضوع وانا عن نفسي مثل اني ما ارضى على خواتي ما ارضى على بنات الناس عمري ما لاحقت بنت اصلا كرامتي ما تسمحلي .

[اياد جمال]

مشكوره بنت دبي على الموضوع الحساس
موضوعك خطير ويثير جدل رهيب
من ناحيه الترقيم طبعا من جهتي لم أرقم فتاه بحياتي كلها لاني اعتبرها قمه السخافه وقله العقل
بس برأيي الترقيم صار من ضروريات الحياه في يومنا هذا
لان معظم البنات في السناتر والاماكن العامه يجولون ويبحثون عن شباب ترقم
وايضا للشباب نصيب كبير بالموضوع
من جهه الشباب
الشاب بيطلع موتر يديد من الوكاله منهم بيدفع كاش ومنهم ع البنك والدوام خلي يولي بيسير الوافي حصرا يرقم؟ ليش لان ما يجي غير البنات اللي معاهم بيزات وايد
وطبعا هو فاضي اشغال وهمه الوحيد بالدنيا يرقم ويتعرف ويحجز تذاكر سينما ويهديها مجانا لاي بنت تتطالع فيه
اما النصف الثاني بشوفه بيكون بحاله وما بيطالع غير دربه حتى لو كان كاشخ وايد همه ينهي اشغاله واعماله بس
من ناحيه البنات ( الله اكبر )
والله كأنهم سايرين عرس أي مكياج وأي عطورات وأي لبس
طبعا مو بكلهم بس الاغلبيه منهم
وكمان الوافي لنفس السبب
والبنت اذا تطالع شب وما رقمها بتمر جانبه وبتقول شايف روحك شيخ ؟؟؟
والشباب من كثر المناظر وقله عقلهم وزياده الترقيم
صار يفتكر نفسه برنس زمانه ويقدر يرقم اي بنت
طبعاا هاد الشي بيرجع اساسه للتربيه بصغره والاصدقاء اللي بجانبه وتربيه البشكارات الجيده واموال الاهل الطائله بدون اي مجهود او تعب او تفكير الاهل بمستقبل اولادهم طبعا بعدم سؤال البنت وين سايره وين راده مين ربيعتها شو سمعتها وسمعه اهلها
همها تتعرف وبس تترقم تتكلم يعني هدايا وبيزات بتسير بتحجز اي شي غالي من اي سنتر وبتقول للخاروف اللي رقمها سير جيب حاجزه بالمكان الفلاني وطبعا الخاروف خاروف
ومشكوره بنت دبي واسف للاطاله وتقبلي مروري

[بنت دبي]

الامبراطور منور يا الغلا لا عدمنا مرورك
كاكا فور ايفر مشكور اخوي وما قصرت في ابداء رايك



اياد:
ردك بصراحه رهيب
والله اني ضحكت ضحك وانا اقراه
لأنه فعلا يمثل الواقع ومش اي واقع
خصوصا لانك من دبي
يعني بالضبط قلت كل اللي يصير
مشكور يا الغالي ولا عدمنا مرورك العطر

[بنت دبي]

نسيتك يا ولد بلادي
منور بردك يا هزاع ولا خلينا من مرورك

[كول بس عاقل]

قايلك دوووم تعجبني موااضيعك بنت دبي

بقولك انا اشاب ادرس في الثانوي والحين محسوبه نسبتي عشان مابقى شي وادخل الجامعه انا اذاكر وكل شي

بعدين في الويك اند وش اسوي اقعد ويييين بافيكيشين(بالعطلة الرسميه)وش اسوي اقعد ابلبيت مااقدر اوكيه

هذا مو عذر اني اروح اغازل لا والله الشباب مافيه مكاناررووح له حتى اذا قمت ادور وقفوني الشرطه وليش

تدور هنا وشعندك ويقوم تحقيق طيب انتم ماعطيتونا ولامكان خلاص الولد يطفش واااه وعندما يطفشش الولد

خلاص كل شي يروح يبدا يسوي اي شي عشان يستمتع فمنهم من يذهب للتفحيط ومنهم من يذهب للمغازل

ومنهم من يذهب لاقدر الله الى المخدرات انا مااغازل وانا انسان اكره جدا جدا التفحيط ولاكن والله اللي

يفحط واللي يغازل انا مالومهم صراحه بذات المغازل الحين والله العظيم ان البنات هي اللي تغازل يمي بالله

مع اهلي كنت رايح فيوم راحو في السوق طبعا ياكلو كنت شبعان واخذت اختي الصغيره وادور في الدور الثاني و الله العظيم ان البنت هي اللي تجي وت

تجي وتستهبل وتقولي تبي رقمي لو كان عندك اي شي يعني شوووفو قد ايش قلة الحياء رايح ادور باختي

وتجي تغازلني واختي عمرها 2سنتين والله اني مسكت اختي وقلت يارب انك تخليها من افضل البنات

خلقا ولاخلاقا


وغراسيس بنت دبي على الموضوع الحلو

[بنت دبي]

كول
منور يا قلبي
بردك .. وما قصرت
وبصراحه ما اعرف شو اقولك عن البنات
بصراحه ما يستحون؟؟ كيف تقدر تلحق الريال؟؟
والله انا عن نفسي ..وايد اتضايق لما اطلع ويلاحقوني
ويضايقوني؟؟ وساعات اقول احسن اجلس في البيت؟

لا تحرمنا يا كول من مرورك الراقي

[@رايح جاي@]

دااااايم تتحفينا بنوتة دبي بالمواضيع الختييييييييرة

بالنسبة لي أنا الحمد لله ما أغااازل ولا أرقم

ب اللي أشووووفه ان البنت هي السبب الرئيسي في كون الشباب يرقمون

يعني بعطيكم مثالين و أنتو أحكموا

1-بنت في السوق بلحالها كعب 5 متر أظاف ألوان و أشكال عباية لو خلتها في البيت أحسن ساعة كشااااف مو ساعة
خواتم من كل الاشكال والعطر بس شم العطر يدووووخ الواحد اذا شمه يلحقه غصب هذا المثال الاول

2-بنت في السوق مع محرمها عباية فضفاااضة وقفازات ومافيه ولا شي يبين

تتوقعون مين اللي بيلحقها الولد

مشكووووووووووورة يا أميرة بنت دبي

[@رايحه جايه@]

انا صراااحه يوم قريت الموضوع تحمست للجواب


بس يوم قريت ردووود اخوااني
ما باقي شيء اقوووله






ماشاءالله عليهم كفو و وفووو




وثاااانكس على الموووضوع اللي يطرح النقاش بين الاعضاااء






ما باقي كلام اقووله الا


الله لا يبلانا بالبنات اللي ما يستحووون

والله يستر علينا


وصراحه الشباب هذي الايام ما ينلامووون باللي يشوفونه في هذولي البات
العبايه صارت فستااان مو عبايه للستر

صارت مخصره وملياااانه الواان والغطى اللي على الوجه (النقاب) واصل لحد الخشم ما ادري وش غطت الحين


والمكياااج ياعيني على المكياج الوجه ملياااان مكياج لو كبيتي عليها مووويه كان تنزل الوااااان لاتعد ولا تحصى


و الخواااتم والساعااات والحجاب اللي كله زخارف واشياء تلمع وعطووووور

ياخي شلووون يحطون كل هذا بعدين يتضايقون من المعاكسات والمغازل





ولا بعد ذاك اليوم كنت انا وامي رايحين المجمع عشان افصل مريوول للمدرسه
الا وحده قبلي ما تقدر تحرك يدينها من ضيق العبايه على يدها

ما تقدر ترقيها ولا تمدها ما ادري ليه تعذب روووحها

وبعدينعقب ما خلصت من التفصيل للمريول
رحت محل عشان اشتري ملابس عادي كالعاده

الا اشوووفها في المحل اللي دخلته
اعجبتها بدله كانت عاليه ما تقدر تجيبها

ليه ما تقدر تجيبها عشان الكم مرررررررره كان ضيق
حاولت تجيبه اهجزت

قامت نادت الهندي عشان يجيب لها القطعه





انا ما اقدر اقووول الا الله لا يعذبنا لا دنيا ولا اخره

وثااانكس قلبووو مره ثانيه على الموضوع الحلو :cupidarrow:


وسوووري على الاطاااله
س المووضوع يحمس
هع هههههه خخخخخ

[بنت دبي]

رايح جاي
رايحه جايه
حياتي انتوا
نورتوا الموضوع
شكراا لكم
لابداء ارائكم
اللي كلها عقل ما شاء الله عليكم
لا عدمنا مرورك

[حزن الأمواج]

مـــــــا شـــــــــاء الله عليهم الاعضاء قالوا كل اللي بخاطري
بس بقول كلمه صغيرررررروره
مشكوره بنت دبي على هالموضوع القوي

[بنت دبي]

وانا بقولج كلمه وحده
فديتج
انتي وينج