اذكى غبي
10-08-2006, 06:39 AM
السلام عليكم و رحمة الله و بركاته ..
من أجمل طرائف الشعر اللي شفتها على النت ..
أحطها بين أيديكم ..و أتمنى أن تنال على إعجابكم ..
و أبدأ بالشاعر الكبير ضيدان بن قضعان عندما زار صديقه سعد فتأخر عليه في تقديم القهوه والقدوع فقال :
جاك المسير مالقى منك ترحيـب .. لاجبتلـه قهـوه ولامـن قدوعـي
ياليتني دورت غيـرك معازيـب .. جيتك جويع ورحت منّك بجوعـي
الظاهر انك ماتعـرف المواجيـب .. لاشك طبعك يختلف عن طبوعـي
حنّا لاجانا الضيف ننفض له الجيب .. ونجيبله من كـل شكـلٍ ونوعـي
عاداتنا والرزق من عالـم الغيـب .. هذا وانا ابخل واحدٍ من ربوعـي
فجاء سعد بالقدوع والقهوه ورد عليه غاضباً :
اقدع عسى يقدع على راسك الذيب .. في خايعٍ مابه من الناس دوعـي
متعطـلٍ بالبـر قبلـي تناقيـب .. من ليلة الجمعه ليـوم الربوعـي
ومروك ناسٍ غايب عنهم الطيـب .. وخلوك وحدك في مكانٍ يروعـي
ثم جاك ذيبٍ ماسنونـه بتركيـب .. ذيبٍ ولد ذيبٍ وشـرس قطوعـي
سوّى بك سواةٍ على غير ترتيـب .. يجزع لها قلب الشجاع البتوعـي
مرحوم ياعودٍ كسا راسه الشيـب .. هنديته تـذرف عليـه الدموعـي
وهذه وحده ثانيه بين سعد وضيدان عندما طرت على سعد فكره رهيبه وعرضها على ضيدان
قال سعد :
ضيدان ماودك نشكل عصابه .. نحتل بعض بنوكها والمحلات
اما يجيلي ولك قدر ومهابـه .. والا تبيتنا بيـات الشريفـات
والرجل ودك يشتهر في شبابه .. بالطيب والا بالعلوم الرديـات
ولكن ضيدان رد على هذاعلى الفكره الجهنميه بحكمه .. فقال ضيدان :
لاتحسب انّا ياسعد وسـط غابـه .. هاللي تراوالك تراهـن عمـارات
وموضوعك اللي جبت كله غرابه .. والظاهر انّه من سابع المستحيلات
واخاف لاتنبـح علينـا الكلابـه .. ثم هات نسلم من مخاليبها هـات
ويابوك ماعمري دخلـت النيابـه .. ومن العمر ماباقيٍ كثـر مافـات
وان كان تبغى الراي قبل ايغدابه .. من واحدٍ جرب جميع الحيـالات
خل الحطب للي يعرف الحطابـه .. نهارنا شمـسٍ وبالليـل لمبـات
وهذه قصيده للشاعر عبدالله اللويحان عندما زار اسبانيا لعلاج عيونه وبعد شفائه راح يمتع
نظره فيها ويمدح امانة اهلها و يشجع العالم على السياحه قائلا :
باسبانيا يامـا نظرنـا مـن الزيـن .. وين انت ياللـي تـو عجّـة شبابـه
اوقف على الشارع ضحى يوم الاثنين .. تشـوف زيـنٍ مـا يعـدد احسابـه
اشكال واجناس كمـا شـرّد العيـن .. هاك الخشوف اللي طـوالٍ ارقابـه
الا ومع هـذا مـن الغـدر امينيـن .. نزيلهـم كنّـه مـن اقـرب اقرابـه
يظهر من الغرفه ويرجع بعـد حيـن .. والله فـلا تلمـس مخابـي اثيـابـه
سيراتهم حلوه وهـم مثـل حلويـن .. لاتسمـع الشحـذه ولابـه انهـابـه
وهذه قصيده للشاعر عبدالله البراك يقول لصديقه سعود يوم شاهد بنت غنيه وتذكر حالتهما الماديه وقال :
فوق الشبح ياسعود حطت ايديهـا .. وانته وانا يا خوك نكشخ بــنيسان
انا اشهد ان الوقت مرهي عليهـا .. ماهو بمثلك في هوى الدين غرقان
وانا ادري ان دنياك بلشان فيهـا .. لاوفيـت ديّـان تذكـرت ديّـان
أتمنى أن تنال على إعجابكم ..
سلااام
منقول
من أجمل طرائف الشعر اللي شفتها على النت ..
أحطها بين أيديكم ..و أتمنى أن تنال على إعجابكم ..
و أبدأ بالشاعر الكبير ضيدان بن قضعان عندما زار صديقه سعد فتأخر عليه في تقديم القهوه والقدوع فقال :
جاك المسير مالقى منك ترحيـب .. لاجبتلـه قهـوه ولامـن قدوعـي
ياليتني دورت غيـرك معازيـب .. جيتك جويع ورحت منّك بجوعـي
الظاهر انك ماتعـرف المواجيـب .. لاشك طبعك يختلف عن طبوعـي
حنّا لاجانا الضيف ننفض له الجيب .. ونجيبله من كـل شكـلٍ ونوعـي
عاداتنا والرزق من عالـم الغيـب .. هذا وانا ابخل واحدٍ من ربوعـي
فجاء سعد بالقدوع والقهوه ورد عليه غاضباً :
اقدع عسى يقدع على راسك الذيب .. في خايعٍ مابه من الناس دوعـي
متعطـلٍ بالبـر قبلـي تناقيـب .. من ليلة الجمعه ليـوم الربوعـي
ومروك ناسٍ غايب عنهم الطيـب .. وخلوك وحدك في مكانٍ يروعـي
ثم جاك ذيبٍ ماسنونـه بتركيـب .. ذيبٍ ولد ذيبٍ وشـرس قطوعـي
سوّى بك سواةٍ على غير ترتيـب .. يجزع لها قلب الشجاع البتوعـي
مرحوم ياعودٍ كسا راسه الشيـب .. هنديته تـذرف عليـه الدموعـي
وهذه وحده ثانيه بين سعد وضيدان عندما طرت على سعد فكره رهيبه وعرضها على ضيدان
قال سعد :
ضيدان ماودك نشكل عصابه .. نحتل بعض بنوكها والمحلات
اما يجيلي ولك قدر ومهابـه .. والا تبيتنا بيـات الشريفـات
والرجل ودك يشتهر في شبابه .. بالطيب والا بالعلوم الرديـات
ولكن ضيدان رد على هذاعلى الفكره الجهنميه بحكمه .. فقال ضيدان :
لاتحسب انّا ياسعد وسـط غابـه .. هاللي تراوالك تراهـن عمـارات
وموضوعك اللي جبت كله غرابه .. والظاهر انّه من سابع المستحيلات
واخاف لاتنبـح علينـا الكلابـه .. ثم هات نسلم من مخاليبها هـات
ويابوك ماعمري دخلـت النيابـه .. ومن العمر ماباقيٍ كثـر مافـات
وان كان تبغى الراي قبل ايغدابه .. من واحدٍ جرب جميع الحيـالات
خل الحطب للي يعرف الحطابـه .. نهارنا شمـسٍ وبالليـل لمبـات
وهذه قصيده للشاعر عبدالله اللويحان عندما زار اسبانيا لعلاج عيونه وبعد شفائه راح يمتع
نظره فيها ويمدح امانة اهلها و يشجع العالم على السياحه قائلا :
باسبانيا يامـا نظرنـا مـن الزيـن .. وين انت ياللـي تـو عجّـة شبابـه
اوقف على الشارع ضحى يوم الاثنين .. تشـوف زيـنٍ مـا يعـدد احسابـه
اشكال واجناس كمـا شـرّد العيـن .. هاك الخشوف اللي طـوالٍ ارقابـه
الا ومع هـذا مـن الغـدر امينيـن .. نزيلهـم كنّـه مـن اقـرب اقرابـه
يظهر من الغرفه ويرجع بعـد حيـن .. والله فـلا تلمـس مخابـي اثيـابـه
سيراتهم حلوه وهـم مثـل حلويـن .. لاتسمـع الشحـذه ولابـه انهـابـه
وهذه قصيده للشاعر عبدالله البراك يقول لصديقه سعود يوم شاهد بنت غنيه وتذكر حالتهما الماديه وقال :
فوق الشبح ياسعود حطت ايديهـا .. وانته وانا يا خوك نكشخ بــنيسان
انا اشهد ان الوقت مرهي عليهـا .. ماهو بمثلك في هوى الدين غرقان
وانا ادري ان دنياك بلشان فيهـا .. لاوفيـت ديّـان تذكـرت ديّـان
أتمنى أن تنال على إعجابكم ..
سلااام
منقول