مطرقة قلاويز
10-03-2008, 01:24 PM
بسم الله ..
ياولد تغطو يابنات ..
سلامن من الله عليكم ورحمة منه وبركه ...
كيف الحال كلن باسمه ...
صراحتن انا مبطي عنكم ومدري للحين وش اللي خلان اجي مرتن ثانية هنا وماحبيت رجعتني تكون سكيتي لامن شاف فقعدت افكر مع نفسي كيف تصير رجعتي ثانية صراحتن ما اخفيكم ان ريحته شينه وحومت تسبدي فقررت افكر لحالي .. وفجاة جاء في بالي مثل قديم قاله لي ابوي علي الله يطول عمرهـ
والمثل ذا ينقال له (( يدربيها السيل ... ويقول ديم )) طبعا على طول جاء فبالي انتم عشاني احبكم كلكم قلت شكلهم ما يعرفون سالفته ومنه اضرب عصفورين بحجر اعلمهم بقصته ومنه شيء اجيبه معي احسن من اجي وانا ادودل يديني :D ..
.. (( .. قصة مثل يدربيها السيل وتقول ديم .. )) ..
طبعا المثل هذا ان قال قبل نحو ثلاث مائه سنه وقائله الشيخ خشمان بن حشفل الجعري انتم وكرامه شيخ شمل قبائل ( البقول ) طبعا القبيله هذي مشهوره بصنع البقل الي هو الاقط وبذلك سمّو بالبقول
اسباب مقوله هذا المثل :
كان الشيخ خشمان بن حشفل البقلي مشهور بتعدد الزيجات وماتذكر له بنت او توصف له الا هو بايع كم تنكه وخيشه بقل ومعها كم قربه سمن وملحقها برضوه بكم بربري الين يجمع قيمه المهر او جهاز البنت ثم يروح يخطبها ويتزوجها ومن كثر زواجاته تصدقون انه شيخ شمل القبيله ولا عاد صار عنده الا ثلاث معزات وناقه بدون سنام :D ..
وكان بالقبيلة البقليه شخص سمسار زوجات حريم يعني بمفهومنا حالياً خطابه وكان مشهور بين القبائل يقال له عبيّد ابو الطراخم وكل الي تعاملوا معه يقولون انه نصاب وكل وصفه للبنات خرطي وماعمره خطب لاحد وطلعت الزوجه زينه او حلوه كلهم يطلعون مثل المترديه والنطيحه وفي سنه من السنين التقى الشيخ خشمان بعبيّد ابو الطراخم لاول مره وكان الشيخ خشمان لا يعرفه ولاقد سمع عنه قاله من انت ووش جابك لعربنا قال ابو الطراخم جيت ابي اقابل الشيخ خشمان قال انا الشيخ خشمان بشحمه ولحمه بعد ذلك عرف عبيّد ابو الطراخم بنفسه ومهنته الي يشتغلها يوم عرف خشمان بشغلته وهو الي يعزمه ويذبح له وحده من الثلاث معزات الباقيات ويحطه بصدر المجلس يوم راحو الضيوف بعد ماتعشو قاله الشيخ عطني من البضاعه الي عندك يا ابو الطراخم وقصر صوتك وانت تتكلم ترا زوجتني الرابعه صاحيه ..
قام عبيد يوصف لشيخ خشمان وحده من بنات عرب الشيخ نخرور شيخ شمل قبائل القمول طبعا سمّو بذلك لأنهم من اشهر القبائل العربيه بكثره القمل حتي يقال بان القمل يطلع في شعر خشومهم من كثر زحمه القمل الي فى روسهم المهم قام عبيد ابو الطراخم يوصف ويوصف له جمالها وخصرها وانها مرشوقه القوام وعيونها وساع كنها عيون بقره وعنقها طويل وشعرها طويل وافمها خاتم سليمان بعد ماسمع الشيخ خشمان كل هذي الاوصاف قال لبو الطراخم على اذانك بررررررررب شوي وراجع وبعد مارجع قاله عبيد ولكمووووو وين رحت قال رحت وطلقت زوجتي الاستبنه علشان يشغر مكان لبنت الشيخ نخرور ويوم جاء الصبح وياخذ الباروده الشيخ خشمان ويروح لزوجاته ويهددهم بان يعطونه ذهبهم وحليهم والا طخهم بلباروده واخذ ذهبهم وباعها وقدمه مهر لبنت الشيخ نخرور وواعده الشيخ نخرور بان الدخله وكتب الكتاب في يوم الخميس القادم طبعا الشيخ خشمان ماشافها لأن وصف عبيّد ابو الطراخم مخليها ديانا لذلك ماطلب انها يشوفها ..
ويوم جاء يوم الخميس حضر الشيخ خشمان وربعه وجماعته لعرب الشيخ نخرور وبعد مارقصوا الدّحه والرديه أخذه ابوها بيده ودخله على زوجته جلعوده اّل نخرور ويوم شافها اليها دبا كانها اليخت حق البلوي منتفخه وسمراء اللون ووجها صاير مطار اقليمي للبعوض والحشرات وريحتها كنه ريحه حسحسه شعر جلد شكلها متطيبه بجاعد ويقوم ويطلقها اول ماشافها ويهج من الباب الخلفي لبيت الشعر ويروح يدور الخطابه عبيد ابو الطراخم ..
وبعد اسبوع دوران بين العربان وجده يوصف بنت لواحد وهو الي يمسكه من حلقه ويسحب السيف وعبيد يصااااااااااارخ انا وش سويت لك يا شيخ خشمااااااان قاله ليه تقولي بنت الشيخ نخرور حلوه وزينه وجميله وهي (( يدربيها السيل وانت تقول ديمه )) ..
هذا المثل وان شاء الله انكم استفدتوا منه :D ..
واللي عنده مثل مافهمه والا ما يدري وش سالفته يرسله لي خاص وانا انزل موضوع مستقل له :D ..
أخوكم الغائب الحاضر ..
مطرقه قلاويز
ياولد تغطو يابنات ..
سلامن من الله عليكم ورحمة منه وبركه ...
كيف الحال كلن باسمه ...
صراحتن انا مبطي عنكم ومدري للحين وش اللي خلان اجي مرتن ثانية هنا وماحبيت رجعتني تكون سكيتي لامن شاف فقعدت افكر مع نفسي كيف تصير رجعتي ثانية صراحتن ما اخفيكم ان ريحته شينه وحومت تسبدي فقررت افكر لحالي .. وفجاة جاء في بالي مثل قديم قاله لي ابوي علي الله يطول عمرهـ
والمثل ذا ينقال له (( يدربيها السيل ... ويقول ديم )) طبعا على طول جاء فبالي انتم عشاني احبكم كلكم قلت شكلهم ما يعرفون سالفته ومنه اضرب عصفورين بحجر اعلمهم بقصته ومنه شيء اجيبه معي احسن من اجي وانا ادودل يديني :D ..
.. (( .. قصة مثل يدربيها السيل وتقول ديم .. )) ..
طبعا المثل هذا ان قال قبل نحو ثلاث مائه سنه وقائله الشيخ خشمان بن حشفل الجعري انتم وكرامه شيخ شمل قبائل ( البقول ) طبعا القبيله هذي مشهوره بصنع البقل الي هو الاقط وبذلك سمّو بالبقول
اسباب مقوله هذا المثل :
كان الشيخ خشمان بن حشفل البقلي مشهور بتعدد الزيجات وماتذكر له بنت او توصف له الا هو بايع كم تنكه وخيشه بقل ومعها كم قربه سمن وملحقها برضوه بكم بربري الين يجمع قيمه المهر او جهاز البنت ثم يروح يخطبها ويتزوجها ومن كثر زواجاته تصدقون انه شيخ شمل القبيله ولا عاد صار عنده الا ثلاث معزات وناقه بدون سنام :D ..
وكان بالقبيلة البقليه شخص سمسار زوجات حريم يعني بمفهومنا حالياً خطابه وكان مشهور بين القبائل يقال له عبيّد ابو الطراخم وكل الي تعاملوا معه يقولون انه نصاب وكل وصفه للبنات خرطي وماعمره خطب لاحد وطلعت الزوجه زينه او حلوه كلهم يطلعون مثل المترديه والنطيحه وفي سنه من السنين التقى الشيخ خشمان بعبيّد ابو الطراخم لاول مره وكان الشيخ خشمان لا يعرفه ولاقد سمع عنه قاله من انت ووش جابك لعربنا قال ابو الطراخم جيت ابي اقابل الشيخ خشمان قال انا الشيخ خشمان بشحمه ولحمه بعد ذلك عرف عبيّد ابو الطراخم بنفسه ومهنته الي يشتغلها يوم عرف خشمان بشغلته وهو الي يعزمه ويذبح له وحده من الثلاث معزات الباقيات ويحطه بصدر المجلس يوم راحو الضيوف بعد ماتعشو قاله الشيخ عطني من البضاعه الي عندك يا ابو الطراخم وقصر صوتك وانت تتكلم ترا زوجتني الرابعه صاحيه ..
قام عبيد يوصف لشيخ خشمان وحده من بنات عرب الشيخ نخرور شيخ شمل قبائل القمول طبعا سمّو بذلك لأنهم من اشهر القبائل العربيه بكثره القمل حتي يقال بان القمل يطلع في شعر خشومهم من كثر زحمه القمل الي فى روسهم المهم قام عبيد ابو الطراخم يوصف ويوصف له جمالها وخصرها وانها مرشوقه القوام وعيونها وساع كنها عيون بقره وعنقها طويل وشعرها طويل وافمها خاتم سليمان بعد ماسمع الشيخ خشمان كل هذي الاوصاف قال لبو الطراخم على اذانك بررررررررب شوي وراجع وبعد مارجع قاله عبيد ولكمووووو وين رحت قال رحت وطلقت زوجتي الاستبنه علشان يشغر مكان لبنت الشيخ نخرور ويوم جاء الصبح وياخذ الباروده الشيخ خشمان ويروح لزوجاته ويهددهم بان يعطونه ذهبهم وحليهم والا طخهم بلباروده واخذ ذهبهم وباعها وقدمه مهر لبنت الشيخ نخرور وواعده الشيخ نخرور بان الدخله وكتب الكتاب في يوم الخميس القادم طبعا الشيخ خشمان ماشافها لأن وصف عبيّد ابو الطراخم مخليها ديانا لذلك ماطلب انها يشوفها ..
ويوم جاء يوم الخميس حضر الشيخ خشمان وربعه وجماعته لعرب الشيخ نخرور وبعد مارقصوا الدّحه والرديه أخذه ابوها بيده ودخله على زوجته جلعوده اّل نخرور ويوم شافها اليها دبا كانها اليخت حق البلوي منتفخه وسمراء اللون ووجها صاير مطار اقليمي للبعوض والحشرات وريحتها كنه ريحه حسحسه شعر جلد شكلها متطيبه بجاعد ويقوم ويطلقها اول ماشافها ويهج من الباب الخلفي لبيت الشعر ويروح يدور الخطابه عبيد ابو الطراخم ..
وبعد اسبوع دوران بين العربان وجده يوصف بنت لواحد وهو الي يمسكه من حلقه ويسحب السيف وعبيد يصااااااااااارخ انا وش سويت لك يا شيخ خشمااااااان قاله ليه تقولي بنت الشيخ نخرور حلوه وزينه وجميله وهي (( يدربيها السيل وانت تقول ديمه )) ..
هذا المثل وان شاء الله انكم استفدتوا منه :D ..
واللي عنده مثل مافهمه والا ما يدري وش سالفته يرسله لي خاص وانا انزل موضوع مستقل له :D ..
أخوكم الغائب الحاضر ..
مطرقه قلاويز