برمودا تحت العباه والسيقان طالعه خير ان شاء الله

[kaka4ever]

في السابق كنا نشوف ظواهر تنتشر في المجتمع ونستنكرها او ماتدخل عقولنا
لتعارضها سواء للدين الأسلامي او لعادات اجدادنا وتقاليدهم ..


كانت البنت لين البست عباه مطرزه مزخرفه ملونه قلنا عنها صايعه ومش متربيه .. او ماوراها اهل ورجاجيل ..
لان المألوف كان اللون الأسود والساتر للفتاه والي ابعد مايكون عن الفتنه وجذب الانتباه ..

اليوم .. صار الشي عادي .. او نقدر نقول تعودنا نشوفه يمكن لانتشاره بين اغلب الفتيات
او يمكن لظهور ظواهر اخرى مثل .. العبايات المخصره والي من ظهورها وحتى الان والحديت عنها لاينتهي ..

عموما .. انا ماودي اتطرق واتكلم في امور قديمه ياما تكلمنا عنها ..



لكن الظاهره الي انتشرت في الفتره الاخيره تتطلب منا التكلم عنها ومناقشتها ..

وهي ظاهره البرمودا القصير تحت العباه .. وياريت تكون العباه مسكره ..

الا مفتوحه وتظهر السيقان وفرجه للكل ..

يعني ودي اعرف شهدف الفتاه لما تلبس برمودا والسيقان طالعه ووتشمى في المجمع وبكل ثقه ؟؟

واللي يرفع الضغط لو طالعتها بنظره استغراب قامت تطالعك بنظره احتقار وكأنك غلطت عليها بالنظره

ونست ان اهي صاحبت هالتصرف واهي الي حطت روحها في هالموقف ..

والمشكله بعد لين تعرض لها احد الشباب قامت تسبه انت قلله ادب ومش متربي وووو .... الخ ..

طيب اذا اهو قليل ادب انتي وشو تناظرين ؟؟ انتي ماحترمتي نفستس ولا حشمتي الموجودين بالمكان

ليش تتوقعين من الشباب يحترمونتس ولا يسون لتس حساب؟؟ ودايما نقول : من سوا روحه سبوس العبت به الدجاج .


والشي الثاني الي استغرب منه .. ان شلون هالبنات يطلعون من بيوتهم بهالشكل ؟؟

الاهل وينهم ؟؟ مايشوفون بناتهم ؟ مايشوفون شلابسين ؟؟

اوكي خل الاهل على جنب ؟؟ البنات شلون يرضون على نفسهم ؟؟ نسوا العادات والتقاليد ؟
نسوا انه عيب ؟؟ وين الوازع الديني ؟ وين الخوف من الله ؟

كل هالأشياء صارت عاديه بالنسبه لهم ؟؟؟

عموما ماراح اطول عليكم .. بس بغيت نتناقش في هالمووضع واعرف رايكم فيه ..

وياريت اتجاوبوني على هالاسئله .. وكله في النهايه لتعم الفائده على الجميع ..


1_ هل صادف وان شفت هالظاهره امامك ؟ و أين ؟؟

2_ شرايكم بهالنوع من الفتيات ؟

3_ برأيكم شالهدف الذي يجعل الفتيات يطلعون بهالشكل ؟؟

واخيرا .. هل في كلمه تحب توجها لهالفتيات ؟ نصيحه او حتى نقد ؟؟

واسمحولي اذا طولت عليكم ..

بانتظار مشاركاتكم وارائكم بالموضوع

تحيااااااااتي..

[بنت دبي]

شكراا لك
ولغيرتك على بنت بلادك
الله يكثر من امثالك
ترى الغيره انعدمت..
والله يهديهم ويهدينا بعد
تسلم يا الغلا

[..CuTe G!rL..]

1_ هل صادف وان شفت هالظاهره امامك ؟ و أين ؟؟

لاوان شاء الله ماصادف لاني لو شفته قدامي
ودي ادفنه بمكانه الله يعافيهم ولايبلانا

2_ شرايكم بهالنوع من الفتيات ؟

اكيييييييد بنت صايعه والدين عندهـ ضعييييييييف مررررهـ

3_ برأيكم شالهدف الذي يجعل الفتيات يطلعون بهالشكل ؟؟

مادري بس اتوقع تبي تلفت انتباهـ الشباب لهـ


والله يعطيك العافيهـ عالطرح الرائع....

[kaka4ever]

يسلمووووووووووووو على الردود
اتمنا المشاركه