Meedoo
04-05-2008, 06:46 PM
بسم الله الرحمن الرحيم
السلام عليكم ورحمة الله وبركاته
يا اخوان هاذي قصه حقيقيه والله حصلت معايه هي قصه مضحكه لكن راح ازيد من عندي بعض الجمل والمفردات الحلوه وراح تكون هالزياده بين قوسين .
في الصيف الماضي كنت مسافر خارجالمملكه المهم عرفت من اهلي انه زوج خالتي تعب ونقلوه للمستشفى وطلعت عنده المراره والحمدلله سوى العمليه ونجحت لكن المهم في الموضوع سالفتي وانا رايح له في البيت لاني رجعت من السفر الفجر .
وكنت تعبان ونمت الى المغرب المهم صحيت من النوم كأني مفجوع وبسرعه رحت وصليت المغرب وشغلت السياره ابغى اروح له لاني كنت مره ولهان عليه .
المهم اني وانا ماشي شغلت الراديو( الله يفضحك راديو عاد قول اف ام قول سيدي او شريط كاسيت )
المهم كنت مشغل Fm وداعس وشوي وتجي اغنيه لنانسي بنت عجرم الخوري من فخذ الخوره في لبنان تحياتي وحبي وتقديري للشعب اللبناني الكريم.
اغنية شخبط شخابيط لخبط لخابيط مسكه اخوه الكبير ورفع فيه. وانا اروح جو معها واقعد اغني واهز راسي وبعد كذا تذكرت اني جيعان وماكلت شي على عشاي البارح قلت مالنا في هالسوبرماركت
يمكن نلقى شي ناكله وادخل على الهندي وانا اردد الاغنيه (واقعد اهز عنده واقوله رئصني ياصديق)وهو فاك خشته مايدري وش السالفه مغير مهايطه معي .
واروح واخذ فطيرة لوزين بالجبن وبيره( لعنبو ابليسك يلعن ام الذوووووووووووق وش جاب اللوزين للبيره) واعشق واجيك ماشي وبنت عجرم تهايط وانا مغير اهز راسي معها
المهم وصلت بيت خالتي واطلع الدرج وانا اردد الاغنيه يوم دخلت المجلس ولا مليان رجال واسلم بصوت عالي وكلهم يقومون ( ايه هين كلهم اقول كثر منها ) واسلم على زوج خالتي واربت على كتفه واقوله معليش تكبر وتنسى يافتى( تكفى يابو لهب اربت على كتفه اقول لايكثر كمل القصه بس)
المهم يوم رحت اسلم على ضيوفه مادريت الى انا اشوت كاسة الشاهي برجلي وينتثر على الرجال والرجل الثانيه تجي بصحن التمر ويتوزع على المجلس كله وكل اللي في المجلس يناظروني واروح للرجال واعتذر منه وهو يقولي لاعادي حصل خير وهو والله وده يفقع وجهي ويناظرني بحقد وانا ابتسم قلت خلني اقهره شوي
ويصب لي ولد خالتي الشاهي واقعد اشرب وشوي وينتثر على ثوبي ( تبهذلت بهذله ذاك اليوم والسبب شخبط شخابيط لخبط لخبيط)
ويوم رجعت البيت واعلم العيال قال واحد منهم خل نانسي تنفعك انت وجهك لو الرجال اللي وسخت ثوبه رفع فيك قدام الرجال .
.................................................. .................................................. ............................
سين سؤال : كم مره قلت كلمة (المهم)؟
اللي يجاوب صح راح اعطيه هديه
الهديه: بوسه على الخدين خخخخخخخخخخخخخخخخخخخخخخخخخخخخخخخ
بس الهديه ماتصلح غير للعيال لان البنات مانقدر (الطريق مراقب بالرادار)
وهاذي كل القصه اللي عجبته ابغى اسمع رده واللي ماعجبته ابغى اسمع انتقاده بس تكفون من دون تجريح.
السلام عليكم ورحمة الله وبركاته
يا اخوان هاذي قصه حقيقيه والله حصلت معايه هي قصه مضحكه لكن راح ازيد من عندي بعض الجمل والمفردات الحلوه وراح تكون هالزياده بين قوسين .
في الصيف الماضي كنت مسافر خارجالمملكه المهم عرفت من اهلي انه زوج خالتي تعب ونقلوه للمستشفى وطلعت عنده المراره والحمدلله سوى العمليه ونجحت لكن المهم في الموضوع سالفتي وانا رايح له في البيت لاني رجعت من السفر الفجر .
وكنت تعبان ونمت الى المغرب المهم صحيت من النوم كأني مفجوع وبسرعه رحت وصليت المغرب وشغلت السياره ابغى اروح له لاني كنت مره ولهان عليه .
المهم اني وانا ماشي شغلت الراديو( الله يفضحك راديو عاد قول اف ام قول سيدي او شريط كاسيت )
المهم كنت مشغل Fm وداعس وشوي وتجي اغنيه لنانسي بنت عجرم الخوري من فخذ الخوره في لبنان تحياتي وحبي وتقديري للشعب اللبناني الكريم.
اغنية شخبط شخابيط لخبط لخابيط مسكه اخوه الكبير ورفع فيه. وانا اروح جو معها واقعد اغني واهز راسي وبعد كذا تذكرت اني جيعان وماكلت شي على عشاي البارح قلت مالنا في هالسوبرماركت
يمكن نلقى شي ناكله وادخل على الهندي وانا اردد الاغنيه (واقعد اهز عنده واقوله رئصني ياصديق)وهو فاك خشته مايدري وش السالفه مغير مهايطه معي .
واروح واخذ فطيرة لوزين بالجبن وبيره( لعنبو ابليسك يلعن ام الذوووووووووووق وش جاب اللوزين للبيره) واعشق واجيك ماشي وبنت عجرم تهايط وانا مغير اهز راسي معها
المهم وصلت بيت خالتي واطلع الدرج وانا اردد الاغنيه يوم دخلت المجلس ولا مليان رجال واسلم بصوت عالي وكلهم يقومون ( ايه هين كلهم اقول كثر منها ) واسلم على زوج خالتي واربت على كتفه واقوله معليش تكبر وتنسى يافتى( تكفى يابو لهب اربت على كتفه اقول لايكثر كمل القصه بس)
المهم يوم رحت اسلم على ضيوفه مادريت الى انا اشوت كاسة الشاهي برجلي وينتثر على الرجال والرجل الثانيه تجي بصحن التمر ويتوزع على المجلس كله وكل اللي في المجلس يناظروني واروح للرجال واعتذر منه وهو يقولي لاعادي حصل خير وهو والله وده يفقع وجهي ويناظرني بحقد وانا ابتسم قلت خلني اقهره شوي
ويصب لي ولد خالتي الشاهي واقعد اشرب وشوي وينتثر على ثوبي ( تبهذلت بهذله ذاك اليوم والسبب شخبط شخابيط لخبط لخبيط)
ويوم رجعت البيت واعلم العيال قال واحد منهم خل نانسي تنفعك انت وجهك لو الرجال اللي وسخت ثوبه رفع فيك قدام الرجال .
.................................................. .................................................. ............................
سين سؤال : كم مره قلت كلمة (المهم)؟
اللي يجاوب صح راح اعطيه هديه
الهديه: بوسه على الخدين خخخخخخخخخخخخخخخخخخخخخخخخخخخخخخخ
بس الهديه ماتصلح غير للعيال لان البنات مانقدر (الطريق مراقب بالرادار)
وهاذي كل القصه اللي عجبته ابغى اسمع رده واللي ماعجبته ابغى اسمع انتقاده بس تكفون من دون تجريح.