عاجل جداً عاجل جداً عاجل جداً عاجل جداً عاجل جداً

[!!السفير!!]

أخواني مرتادي هذا المنتدى اضع بين ايديكم هذه الرائعه للشاعر /فهد بن شعلان الأكلبي.


يابو نايف لازم اكشف لك جميع اوراقـي
ياراع الفزعات ابيك اليـوم تفـزع ليـه
ياوريـث المرجلـه ياطيـب الاعماقـي
ياحزام الضيـق فالشـدات يـوم الهيـه
القلم مشتاق في مدحك وانـا مشتاقـي
مثـل مايشتـاق راع الصيـد للمحميـه
فيك لي هقوه ويمـك درهمـن انياقـي
مانوجهـا يـكـود لطيبـيـن النـيـه
والهقـاوي للرجـال تـزوع ماتنساقـي
وانت والله تاصل الحروه ميـه فالميـه
اطلبك وانخاك يـاراع المـزاج الراقـي
نخوة يسمع صداهـا كـل نفـس حيـه
تعب مجهودي وتفكيري وتعبـت ساقـي
والحياه دروس والحسنه تزيـل السيـه
لي ثلاث سنين وهمومي هموم عراقـي
شايلن هـم اسرتـه وبـلاده المسبيـه
هاجم المحتل بيتـه واحرقـوه احراقـي
احرقوا بيته وهو غايـب هـل الساميـه
وقتلوا كل اسرته عمـداً بنـار اطلاقـي
زوجته وامه اورعانـه (ولـد وبنيـه)
ايتذكر ضحكة اصغرهم وهـو مشتاقـي
يـوم عـود مالقـى الا لعبتـه وحذيـه
والله اني عايش في وضـع ماينطاقـي
والعـرب ماعندهـم رحمـه ولا ماويـه
والسبايـب فتنـة الشعـار والعشاقـي
الهنوف اللي لها وسـط النظـر ماريـه
كملـه ربـي بعقـل وقمـة الاخلاقـي
والجمال اليوسفـي والنظـره السحريـه
ماعترف بالعولمه ومزاحـم الاسواقـي
ولاتسمع صوت مـن يدعـون للحريـه
يابري حالـي لياشفتـه وهـز اعماقـي
بالعيون المبهمـات الناعسـات الحيـه
آتبنج وافقـد اعصابـي ويالله الواقـي
ويرتعد جسمـي مـن الاقـدام للطاقيـه
ونتقفاهـا الهـوا ياهـوه ياعمـلاقـي
ونتنطحهـا تشـوف الجـوع والحنيـه
شي من جسمه متين وشي منه دقاقـي
مقدر احصي وصفها لوشابـت القافيـه
مايميـز وصفهـا الا الشاطـر التفاقـي
والعقول اللـي ذكاهـا موهبـه فطريـه
شفت كيف الحور عين ابدع بها الخلاقي؟
اشهد انها بالوصايـف كنهـا حوريـه
واعذابـي واعذابـي مابقالـه بـاقـي
ليت مالـي فالهـوا هـاذي ولا هاذيـه
علقت قلبي يابو نايـف علـى معلاقـي
وقطعت قلبـي بعفتهـا شـوي شويـه
والظروف القاسيه هدت جميع اشواقـي
مقدر آصلهـا وهـي مامـورة منهيـه
ونبغيت افراقها عيـت تطيـق افراقـي
وهاذي اللي زادت الكيـه بقلبـي كيـه
ياهني من لايجي مـن بينهـن ارواقـي
وياهني من شرب معها دلـة العصريـه
واستلذ بسلهمة عينـه وهـرج ارقاقـي
والله انهـا للهواوي وصـفـة طبـيـه
ماعلـي لوتزعـل الحسـاد بالطقاقـي
الغلـى ماهـو علـى كيفـي ولابيديـه
لاتجيني بالنصايح بعـد جتـك اوراقـي
المهـم افـزع لنـا ياحـرب ياجاهيـه
ان تحقق حلمنا معـك اعتبرنـي باقـي
وكان حلمي ماتحقـق سوبـي مرثيـه

فــــهــــد بـــــــــن شــــعـــــلان الأكـــلـــبـــي

[جانكيزخان]

الف شكر اخوي على القصيده,,

[الوافي]

تسلللللم على القصيده,,,

[الفارس]

صح لسانك مشكوووور ماقصرت .

الله يعطيك العافيه ,,,,

[!!السفير!!]

أشكر جميع الذين ردو علي الشعر

[صهيل الخيل]

مشكور مشرفنا الله يعطيك العافية

[نبض قلبي]

الف شكر اخوي على القصيده,,

[ثلج مقلي]

مشكورررررر