مشاهدة النسخة كاملة : .:. دمعٍ مضى .:.
عذبة الروح
29-01-2007, 07:18 PM
بسم الله الرحمن الرحيم....
السلام عليكم ورحمة الله وبركاته....
هاذي رواية كاتبتها صديقتي..
وحبيت انقلها لكم..
واشوف رايكم فيها..
وهي طبعا بتكون خلف الكواليس .. تشوف ردودكم وتعليقكم على القصة:rolleyes:
--------------
<<<على فكرهـ ترا القصه مكونه من عدة اجزاء مو جزء واحد :icon30:
دقاايق والجزء نازل...
الوافي
29-01-2007, 07:19 PM
تســلــم عـلـى المــوضــوع..,,
عذبة الروح
29-01-2007, 07:20 PM
السلام عليكم ورحمة الله وبركاته ..
أهديكم اعزائي أول روايه لي ( دمعٍ مضى ) .. أتمنى انها تعجبكم .. وترضي اذواقكم .. واتمنى القى تجاوب ..
الكاتبه : العـذبه
بسم الله الرحمن الرحيم ..
الشخصيات :
أم عبدالله : مره كبيره بالسن .. ماعندها الا ولدين عبدالله وعبدالمحسن ..
زوجها متوفي من سنين طويله .. اللي هو ابوهم .. عايشه في بيت ولدها عبدالمحسن .. وهي اللي ربت عياله ،،
عائلة ابو خالد :
ابو خالد ( عبدالله ) : إنسان مشغول دائما .. أغلب وقته يشتغل بشركته همه الوحيد تأمين مستقبل حلو لعياله خصوصا من ناحية المادة .. مع انه طيب ويحب أهله إلا إن إنشغاله بالعمل أبعده كثير عن عائلته ،،
ام خالد ( لطيفه ) : انسانه حنونة واللي بقلبها على لسانها ماتحب المظاهر .. وسعادة عيالها أهم شي عندها بالوجود ،،
خالد : الولد الكبير لعبدالله عمره 25 سنه متزوج بنت خالته ( جواهر ) وعنده بنت ( فيً ) عمرها 9 شهور ،،
وفاء : عمرها 20 سنه ،، مصابه بمرض القلب تدرس بالجامعه قسم ( علم نفس ) أول سنة .. طيبه ، حنونة ، صادقه ووفيه مع أصدقائها .. تتميز وفاء بالطول مثل عارضات الأزياء .. شعرها ناعم لحد كتفها لونه كستنائي عيونها كبار وأغمق من لون شعرها بشوي .. خشمها يقولون انه كبير لكن بشكل حلو ومتناسق مع وجهها وشفايفها الصغيره ووجهها المدور ،
من هواياتها الرسم ..
حصه : عمرها 17 سنه تدرس بثاني ثانوي ( علمي ) اللي يشوفها مايقول انها اخت وفاء والشيئ المشترك بينهم لون العيون والشعر بس ..
حصه حلوه و شعرها طويل ومجعد ووجها بريئ وطفولي .. وعندها غمازه بالخد الأيمن .. يقولون ان دمها ثقيل بالمزح لكنها تحاول تستخفه .. خجوله وقلبها طيب تحب الصدق والضحك ..
عائلة ابو نواف ( عبدالمحسن ) (اخو عبدالله ) :
عبدالمحسن : إنسان عصبي وكثير المشاغل يشتغل في نفس شركة اخوه عبدالله .. يسمونه هامور من هوامير الأسهم ،،
ام نواف ( إبتسام ) : لبنانيه مطلقه عاشت كم سنه مع عبدالمحسن ورجعت للبنان وتركت عيالها .. اتطلقوا يوم كانوا عياله صغار وربتهم أم عبدالله ،،
نواف : عمره 22 سنه .. يدرس اداره واقتصاد سنه أولى.. علاقته مع خواته عادية يحس انه رجال البيت بما ان ابوه كثير الإنشغال ، مع ان طلعاته كثير ومايجلس في البيت إلا نادرا ، غير ملتزم بالعادات والتقاليد قلبه طيب وحنون عيونه واسعه ومكحله ،،
رهف : عمرها 19 سنه بثالث ثانوي ( علمي )
ملتزمه ، خلوقة ، طيبه ، متواضعه ، هاديه كثييير وتحب الحياه تشبه نوف لدرجه كبيره .. حتى ان بعض الناس يحسبونهم توأم .. مع انه يوجد اختلاف باللبس والتصرفات ....
نوف: عمرها 17 سنه (ثاني ثانوي- أدبي ) تدرس بنفس مدرسة بنت عمها عبدالله (حصه) .. جامعه بين الجمال الخليجي والجمال اللبناني شعرها بوي ومصبوغ بخصل شقرا .. مع بشرتها البيضا ..
حساسه .. مشاكسه .. غير ملتزمه بالدين .. وماتحافظ على صلواتها .. وهي على علم بأنها على خطأ لكن ترجوا الهدايه ..
تعشق الأشعار والخواطر وكتابتها ،، علاقتهم مع بنات عمهم مثل الخوات واكثر .. خصوصاً نوف وحصه قريبات من بعض كثير ..
ويقولون لبعض كل شيء ..
وفيه شخصيات ثانيه بتعرفونها بالرواية ..
.................................................. .......
.: بــــــدايــــــة الــــــروايــــــة :.
قامت وهي مفجوعه وقلقانه حطت يدها على قلبها .. بسم الله الرحمن الرحيم ..
جلست تتنفس شوي وهي مو قادره .. حاسه انها مكتومه مره ومتضايقه .. مسكت الجوال لقت الساع 5 الفجر ..
سمًت بالرحمن .. وجلست بالفراش شوي وهي مو قادره تفكر ..
شربت مويه وبعدين قامت عشان تتجهز للمدرسه ..
.................................................. .................................................. .................................................. ...........................
صوت المعلمة هز سكون الفصل : نــــــــــــوف
نوف رفعت راساها وهي متخرعه : هلا استاذه
الاستاذه : خير انشالله ناايمه بالفصل ؟!!
نوف: هههه لامانمت هذي يسمونها قيلوله ..
الاستاذه : اصحي الظاهر اننا بحصه ولامو عاجبك الدرس
نوف: استاذه .. مو المدرسه البيت الثاني انا ماخذه راحتي عادي .. كملي وانا اسمع لك
الاستاذه (بدت تعصب ) : اقول اصحي .. واللي مو عاجبه الدرس يتفظل برا
نوف( بصوت واطي ) : بتفظل برا
الاستاذه : شقـــلتي؟
تقاطعهم فاطمه اللي جالسه جمب نوف: استاذه تقول بركز معك كملي الدرس ..
فاطمه ( بصوت هادي ) : انتي انهبلتي ؟! ولا تبين يصير لك مثل امس
نوف : وش اللي مثل أمس .. أهاااا قصدك أنور الإداره . ههههه
فاطمه : بلا هبل .. الحصه قربت تخلص .. علينا نحو بعدها شرايك نهرب
نوف( مسويها فيها مؤدبه وماتهرب من الحصص ) : نـــهرب؟ انتي صاحيه انا مو راعيه هالحركاات
فاطمه : ههههههههههه إي .. مره مبين ماشالله عليك .. هاه شقلتي ؟
نوف: هي خاربه خاربه .. هههههههه نهرب نهرب .. تم
فاطمه : اوكي تم
خلصت الحصه وطلعوا ( نوف وفاطمه ) من الفصل على طول ..
-الا تقابلهم حصه .. وهي مسرعه ومهي لمهم -
نوف: حصوووص تعالي يادبه
فاطمه : ههههههه مستعجله البنيه
نوف: على ويــن ياحلوه ؟
حصه : هلااا بناات .. -وتجي تصافحهم-
نوف: على وين طايره ؟ ههههههه
حصه وهي مبتسمه : ههههههه بروح اشوف شعلينا حصه
نوف وفاطمه مطيريين عيونهم : شقلتي ؟
حصه : وشووو ؟
فاطمه : بتروحين وين ؟
نوف: قالت لك بروح اشوف من علينا .. هالدافوره خليها -وتمسك ايد فاطمه-
حصه : هههههه شفيكم ؟ حرام عليكم
فاطمه : حرام عليك زعلتي البنيه ..
حصه : لابالعكس مازعلت .. بنت عمي وتمون
نوف: أنا أقصد ياذكيه .. الحين حنا بنهرب من الحصه وانتي اتدورين من عليكم ..
حصه : هههههههههه ايييي قولي كيذا من زمان
فاطمه ( بصوت واطي ) : نوف اللللللحقي
نوف: وشو؟
فاطمه : جت اللي ماتتسمى امشي بسرعه نهرب .. اسمع صوتها بالسيب
نوف: احححححححححلفي؟
حصه : هههههههههههههههههه منهي اللي ماتتسمى !!
فاطمه : الأبله
نوف: يالله حصوص اجل نشوفك بعدين لازم نروح
حصه : اوكي
نوف وفاطمه دخلوا على فصل اولى متوسط اللي جمبهم .. عشان ماتشوفهم الأبله
دخلوا بسرعه وهم ماسكين ايدين بعض
نوف: السلام عليكم
ردوا البنات السلام
بنت من بنات الفصل : خير انشالله وش جابكم عندنا كل شوي ناطيين
فاطمه : اقوول اسكتي بلا مبزره .. الظاهر انه مو فصل ابوك
نوف وهي مبتسمه : افاا .. لهالدرجه حنا مزعجين خلاص نطلع ولايهمك .. بس لاتزعلين
البنت وهي منحرجه : لا مو قصدي
فاطمه ( تستهتر ) : احلفي ؟ اجل وش قصدك ؟
البنت طنشت فاطمه وماردت ..
نوف وهي تكلم فاطمه بشويش : لاتحطين عقلك بعقل البنت تراها بزر .. طقيها احسن !!
فاطمه : هههههه والله ودي
نوف: يلا مع السلامه بنوتات .. حنا طالعين .. وآسفين إذا زعجناكم
البنت : لاا تعالي
نوف وهي ملتفته ومبتسمه : نعم ؟
فاطمه : خير ؟ انشاءالله ..
البنت - تقصد فاطمه - : انتي اسكتي انا ماكلمك ..
نوف وهي تضحك : بغيت شي ؟ الا وش اسمك
البنت : اسمي فرح
فاطمه ( وهي تسحب ايد نوف) : امشي ضاع وقتنا على هالمبزره
نوف : استني
اها .. اسمك فرح؟ .. حلو اسمك
فرح: شكراُ
نوف: هاه فروحه . شبغيتي
فرح ( مرتبكه ) وماتوقعت تقولها فروحه : هاا .. لا لا ولاشي
فاطمه وهي تسحب ايدين نوف : يالله مشينا
نوف( ابتسمت ابتسامه اتجنن لفرح واطلعوا )
وهم طالعين
نوف: اشوا دخلنا للفصل ولا كان شايفتنا ،،
فاطمه : اي ،، الحمدلله عاد شيفكنا منها ..
.. بعد شوي ..
نوف: اقــوول ياحليلها هالبنيه
فاطمه وهي مستغربه : مين ؟
نوف: فرح
فاطمه : اقوووووول وش اللي ياحليلها .. والله قليلة أدب وماتربت
نوف: حرام عليييك لاتقولين كذا ههههههه
فاطمه : الا بقوول ونص .. ماشفتي كيف تكلمني
نوف: انتي ماتعرفين تكلمين الأطفال ..
فاطمه قاطعتها : الااا اعرف .. هي اللي ماتحترم اللي اكبر منها .. بعدين انا ماشفت اطفال الا كبر امي ذي
نوف: هههه تراها بزر السنه اللي راحت كانت بسادس يعني !
فاطمه : اييي خير !! بزارين هالايام ياكلونك .. تحسبينهم بزارين اول اللي الواحد تطقينه كفين يقول شكرا
نوف: ياااااساتر .. تطقينه كفين ويقول شكرا !!
فاطمه : هههههههه قصدي من الأدب مو مثل هذولا .. ولا ويعرفون اشياء انتي ماتعرفينها ..
يمه منهم ..
نوف: المهم .. هذا المقصف .. ودك بشي؟
فاطمه : مويه الله يعافيك .. ريقي ناشف
نوف: ابشري .. اي اعووذ بالله من هالحر ذبحنا ..
ماتبين آي سكريم ..؟
فاطمه : لا مابي .. خلصينا هي مويه سويتيها كل هالسالفه
نوف: هههههه .. طيب ليه مستعجله ؟
فاطمه : ضيعتي وقتنا مع هالبزارين .. والحين عند المقصف
نوف: اي اصبري .. الصبر زيييين
-اخذت واحد مويه وواحد آي سكريم .. وهم يتمشون بالساحه -
نوف: اقوول فطووم ؟؟
فاطمه : هلا
نوف: مو هذي خلووود ؟
فاطمه : الا هي .. جالسه لحالها . غريبه !! وين الشله
نوف: امشي نروح لها ..
فاطمه : يلا
راحوا عند خلود ووقفوا جمبها وهي جالسه ع الكرسي وماحست فيهم ..
نوف: هيييييه خلووود .. وين وصلتي
خلود : بسم الله علي !! من وين طلعتوا لي أنتم ؟
فاطمه : هههههههههه .. لااااا البنت رايحه فيها شتفكرين فيه .. لايكون بالحبيب
نوف استغربت من كلام فاطمه وماعلقت
خلود : أي حبيب .. الله يرحم والديك لاتذكريني بس !!
نوف: المهم أخبارك . وينك مانشوفك
خلود: اخباري ماتسرك
نوف: أفاااا بس ليه
فاطمه كانت بتتكلم بس قاطعتهم وحده من المديريات ومسكتهم وهم هاربين ..
الأبله : ماشااااءالله .. ماشااااااءالله
البنات ساكتين وماردوا
الأبله : وش مطلعكم من الفصل ؟
خلود( بشينة نفس ) : ماعندنا احد
فاطمه : وحنا بعد
الأبله : انتم ثالث ولا ثاني
نوف: حنا ثاني
الأبله : توني جايه من فصلكم .. عندكم استاذه نوره!!!!
فاطمه : والله؟ مادرينا
الأبله : الحصه باديه لها ثلث ساعه ؟ شلون مادريتوا؟
نوف: معليش استاذه .. هذانا بنروح الفصل
مشوا ( نوف وفاطمه ) للفصل .. وتركوا خلود والأبله كانت تكلمها
نوف: فطووم
فاطمه : هاا .. اف مالي خلق احظر الحصه ملييت من الدراسه
نوف: وانا بعد .. بس وش نسوي !!
فطوم بقول لك شي
فاطمه : قولي
نوف: ليش حلفتي تو ؟
فاطمه : متى ؟
نوف: تو عند أبله أسماء ليه حلفتي
فاطمه : نوف شفيك ؟ والله ماتذكر وش تتكلمين عنه ؟
نوف: لمن سئلتنا وقالت ليه طالعين .. قلتي مادري ان عندنا احد وحلفتي .. وحنا عارفين !!
فاطمه : ههههههههههههههههه .. وشو عااااادي .. ربي غفور رحيم
نوف: بس .. -وقاطعتهم الاستاذه اللي عندهم.-
الأبله : ماشاءالله بدرري
-فاطمه دخلت وتجاهلت الأبله ولاسلمت -
نوف: السلام عليكم
الابله (معصبه ) : وعليكم .. وين كنتوا ؟
نوف- اللي ضاق خلقها من تصرفات فاطمه - وقالت بنفسها خل أمشي الأمور الحين واتفاهم مع الأبله : معليش اننا تأخرنا وان شاءالله مانكررها
الأبله : تفضلي
نوف: شكرا
دخلت نوف وجلست على الكرسي و فاطمه حاطه راسها على الطاوله
الأبله : طلعوا أدب
نوف: بس اليوم عندنا نحو !!
الأبله : النحو خلص منهجه وانتم تهربون وماتدرون وين الله حاطكم
فاطمه رفعت راسها : هههههههه ابله من جد خلص النحو .. اخيرا افتكينااا
افتكيناا ونـــااسه ..
الأبله طنشت فاطمه وبدت تكمل الدرس ..
واليوم بناخذ درس عن ...
قاطعتها فاطمه : لايكون قصه حب بعد ! ههههههه كل يوم يدرسونا قصص حب
نوف: ههههههههههههه - والبنات كلهم يضحكون -
الأبله صدق انك ماتستحين ..! بعدين الظاهر مو انا اللي حاطه المنهج !!
فاطمه : أو هذا أدب .. - وتحاكي حصه بصوت واطي - : قصايد غزل وماغزل .. هههههههه
نوف : ههههههههه
بعد شوي .. الحصه رنت .. تنهدت نوف.. وقالت أخيرا خلصت الحصص على خير !!
....................................
وفاء تصوت بصووت عالي : يمممه .. يممممه
لطيفه ترد عليها : هااااه شتبييين ؟
وفاء : يمه الله يهدييك .. اليوم عندي دوام ليه ماقومتيني ..؟؟
لطيفة : شدراني مو تقولين اليوم عندك off
وفاء : لا يمه .. لااا .. الـoff يومين بالاسبوع بس ! الأحد والثلاثاء
ياااربي فاتنتي المحاضرات المهمه
لطيفه : تبين ادق ع السواق يجي يوديك
وفاء : الله يهدييك بس يايمه .. الحين الساع 11 وين يوديني؟
لطيفه : مدري عنكم انتم ودواماتكم !!
وفاء : يارربي بس .. ليتني قايله لريم تقومني
يوم قمت لقيت 5 مكالمات منها ..
لطيفه : هذا درس لك .. عشان ماتتعودين السهر مره ثانيه
وفاء (بضيق ) : ماسهرت
لطيفه : الا .. ماغير سهر ع النت
وفاء : حرام عليك يمه . الساع 2 تسمينها سهر !!
لطيفه : حنا بأيامنا 10 نايميين مو مثلكم ..
وفاء : اي يمه الاول تحوول
لطيفه : أخذتي علاجك ؟
وفاء : لاتوني
لطيفه : وش تنتظرين .. خذيه
وفاء : توني مافطرت .. مايصلح آخذه على الفراغ
لطيفه : افطري .. هذا الفطور قدامك
وفاء : مالي نفس
لطيفه ( وهي معصبه ) : اجلسي أجل لا تاخذين العلاج
وفاء : بااخذه .. ماتدرين وش يجيني الا ماخذته !!
لطيفه : وانا ليش اقول لك افطري اجل !!
كل هذا عشان كم محاضره مالك نفس ؟ .. شهالدلع
وفاء : لا مو عشان كذا ..
خلاص كل شي ولازعلك الحين افطر .. بس دقيقه بكلم ريم أول
على مابال تنفتح نفسي ههههه
لطيفه : براحتك .. أهم شي العلاااج ..
وفاء وهي تكلم ريم
وفاء : صباح الخير
ريم : الا مساء الخير وينك ماجيتي اليوم ؟
وفاء : معليش راحت علي نووومه
ريم : ههههههه .. شااطره .. وفوتي المحاضرات المهمه
وفاء : احلفي . الاختبارات قربت مابي شي مهم يفوتني
ريم : امزززح معك .. ماخذنا شي مهم اليوم .. سبحان الله ياحظك
وفاء : ههههههه .. إلا حظ أقشر قولي
ريم : شدعوه ؟ يكفي اني صديقتك وتقولين حظ أقشر ماالت عليك بس
وفاء : هههههههه
ريم : أخذتي العلاج ؟
وفاء : لاحول انتهي من امي تجيني انتي !
ريم : لاتكونين ماخذتيه !!!
وفاء : الحين باخذه لاتخافين .. اصلا انسدت نفسي من سمعت صوتك
ريم : أفاااا .. هذا وانتي الغاليه تقولين هالكلام
وفاء : أمززح معك يختي
ريم : تراه علاج انتي ووجهك
اللي يسمعك يقول عازمتك على فطور ولا شي
وفاء : هههههه انتي اللي وهقتي روحك .. بتعزميني اجل
ريم : يووه .. ليتني ماجبت طاري الفطور .. الحين ابتلشت لازم اعزمك
وفاء : ايييييي مو انا الغاليه ؟
ريم : اذكر الناس يقولون مو أنتي الغاليه ؟ واثقه من غلاتك يادبه
وفاء : اي واثقه
ريم : والله أنا الواثقه .. الدليل ماصبرتي ع فرقاي داقه علي
وفاء : هههههههههههههه .. اي والله ماصبر .. مادري وش بسوي بالاجازه .!
ريم : والله نفس الشعووور يختي ..
وفاء : اجل ماطول عليك .. نشوفك بكرا ان شاءالله
ريم : اوكي ولاتنسين الــ
وفاء قاطعتها : العلااااااااج .. انشاءالله
يالله مع السلامه
ريم : هلا والله حبيبتي ..
لطيفه : شخبار ريم ؟ والله اني احبها هالبنت
وفاء : طيبه الحمدلله .. ماعندها خلاف ..
بعد شوي ..
وفاء : يمه عندنا خبز توست ؟
لطيفه : شوفي بالمطبخ .. واذا مالقيتي دقي على السواق يجييب
اي وقبل لا أنسى خليه يجيب حصه تلقينها خلصت ..
وفاء : تونا يمه .. مو بدري؟
لطيفه : لا .. الطريق طويل .. مدرستها بعيده .. تعرفين مشاوير الرياض ..
تلقينهم خلصوا
وفاء : سمي الحين ادق عليه ..
لطيفه : سم الله عدوك
.................................................. ....
نواف( وهم طالعيين من الجامعه ) : ياربي ياشوارع الرياض وش ذا الزحمه .. ياساتر
عبدالرحمن : انت كل يوم تردد هالاسطوانه
نواف : بعذري ياخي .. مرتاح ولا تسوق يحق لك تقول هالكلام
عبدالرحمن : هههههههه
نواف : وربي كني اشتغل سواق عند ابوك ودني جيبني ..
عبدالرحمن : هيييه لاتذلني عاد .. هي يومين على مابال اتصلح سيارتي
هههههه
نواف : بلاه من طفاقتك ماتعرف ولاتسوق صح !!
عبدالرحمن : لا والله من زين سواقتك انت عاد !!
نواف : اقول لايكثر لا أنزلك .. ههههههههههههههه
عبدالرحمن : هههههههههههههههه بلا ثقاله دم بس
نواف : هههههههه
بعد سكوت دقيقتين
نواف : هاه وين تبي نتغدا اليوم ؟
عبدالرحمن : ماهمك الا بطنك يالدب .. ماتقول تهمني مشاعر صديقي ورفيق دربي
نواف : أفااا زعلت ؟ كل شي الا زعل عبده
عبدالرحمن : لاتقول عبده يرحم والدينك
نواف : ههههههههههه .. خلاص ياالحساس
اليوم الغدا علي بباشر عليك
عبدالرحمن : ومن قال لك اني بدفع شي
نواف : صدق بعض الناس ماينتجاملون
هههههههههههههههههه
عبدالرحمن : هههههههه اخاف تذلني عنده مثل السياره
نواف : ماراح اذلك .. الا بطلعه من بطنك
عبدالرحمن : ياساتر هونت ماني متغدي معك اروح لطبخ الوالده اصرف
نواف : تعال ياخبل امزح معك
ماقلت لي قرر وين تبي نتغدا
عبدالرحمن : فرقت يعني .. دور مطعم من هالمطاعم كله نفس الشي ههههه
بس هااا نبي شي سنع ..
نواف وهو يناظر عبدالرحمن : طرار ويتشرط
عبدالرحمن : بديييينا بالمذله
نواف - وهو يفتح المسجل - ههههههههههههههههه
عبدالرحمن : حط اغنيه سنعه
نواف : انت وش عندك لك ساعه اشوفك اتامر لي .. مطعم سنع !! اغنيه سنعه !!
من زينك انت يالسنع !!
عبدالرحمن : يحق لي .. صديق اببلاش؟
نواف : خلاص انت تامر امر
-شغل الاغنيه وجلسوا يندنون معها-
نواف : اقووول ..
عبدالرحمن : هلأ
نواف : ماشفت خبر النظاره اللي اخذتها
عبدالرحمن : هههههه أي نظاره
نواف : بدييييينا .. يالبريييئ
عبدالرحمن : هههههه هذي ؟ وطلعها من جيبه
نواف : ليش ؟ كم وحده ماخذ انت ووجهك
عبدالرحمن : نظارة صديقي وامووون
نواف : حلالك ياخي
عبدالرحمن : بكم آخذها ؟
نواف : قلنا حلالك
عبدالرحمن : هههههههههههههههههههههههههههههههههههههه اقصد بكم شاريها ياذكي
نواف : ههههههه وانا اقول غريبه قال بكم آخذها
عبدالرحمن : لا بجد بكم ؟؟ تراها روعه
نواف : بـ ثلاث ألاف وخمسيه ماركه ديور هذي
عبدالرحمن : ياساتر .. وش هالفسق
نواف : وشووو؟
عبدالرحمن : احد يشتري نظاره بهالسعر !!
نواف : لااا حبيبي..!! واللي معك هالمسبحه بكم ان شاءالله ؟؟
عبدالرحمن : ههههه أمزح معك ياخي يعني ماتعرفني مجنوون شي اسمه نظارات
نواف : هههههههههه وانا اقول هذا وانت ولد عز تقول هالكلام
طيب ليش اخذتها ؟ مستكثرها علي
عبدالرحمن : لا والله .. عساها أردى ماتلبس ياخوي
بس والله هالنظاره تعز علي لانها لك
نواف : والله ؟
عبدالرحمن : وربي ..
نواف : لهالدرجه انا غالي؟
عبدالرحمن : وأكثر ..
نواف : لايكون عشان بغديييك هالكلام ؟
عبدالرحمن : ههههههه اجل كل يوم غدني وتسمع كلام حلو !!
نواف : احلــى طلعت رومانسي وحنا ماندري .. ياما تحت السواهي دواهي
عبدالرحمن : أفاا هذا جزاي اقول انك غالي ..
نواف :ههههه .. زعلت .؟
عبدالرحمن : مازعلت ياخي متعود ع ثقاله دمك
نواف : هههههههههه
عبدالرحمن : بعدين أشوفك طايح فيها أمثال اليوم .. يامثقف زمانك
نواف : هههههه .. ليش شقلت ؟
عبدالرحمن : تو تقول طرار واتشرط .. والحين تقول ياما تحت السواهي دواهي
نواف : ههههههههه اجل تحسبني دااج مثلك
عبدالرحمن : اي يااما تحت السواهي دواهي
هههههههههه
نواف : من تقول له هالمثل انت ووجهك ؟
عبدالرحمن : لك يالمثقف ..
نواف : اي على كذا اجل ماتعرف الا هالمثل وتبي تقوله .. سمعته مني ولطشته على طوول
عبدالرحمن : وقف وقف بس عند هالمطعم . .يقولون حليييووو
نواف : تامر أمر ياعبده
عبدالرحمن : قلنا لاتقووول عبده .. ولبس نظاره نواف ونزلوا يتغدون ..
..
( عبدالرحمن اقرب شخص لنواف .. وهم أصدقاء من أيام الإبتدائي .. وعلاقتهم ببعض قويه مره ولا يهزها أي شي ..
مع ان عبدالرحمن يختلف كثير عن نواف بأشياء كثيره بس انهم يفهمون بعض على طول .. ويمونوون على
بعض قوه .. ولا يتستغنوون عن بعض أبد .. عبدالرحمن انسان رومنسي وحسااس .. وحنون جداً ..
تقريباً يشارك نواف بهالصفات .. بس عبدالرحمن ملتزم بدينه
بعكس نواف ..)
.................................................. ........
رهف رجعت من المدرسه وهي مصدعه حييل .. دخلت الصاله مالقت احد .. صوتت :
نــوف.. نـــوف
نواااف .. انت بالبيت
ماحد يرد
غريبه وينهم ؟!!
قالت بنفسها :
وابوي مايحتاج ادوره اكيد مو موجود
طلعت فوق للصاله لقت نوف عند التلفزيون ..
وجدًتها طالعه من غرفتها ..
رهف : السلام عليكم
وراحت عند جدتها وباست راسها
ردو السلام
ام عبدالله : هلا ببنيتي ،، هلا بالغاليه
رهف : هلا بك يمه ..
نوف: وانا ماستاهل تبوسين راسي
رهف : ماعاد الا هي ..
نوف: ههه .. ليه تأخرتي ؟؟
رهف : شسوي .. تعرفيني انا ثالث الحين .. مراجعات ووجع راس .. بعدين ماتأخرت انتي اللي جايه بدري ..
نوف: الله يعيينك يختي .. أنتم السابقون ونحن اللاحقون ..
نوف وهي حاطه اغنيه على اعلى صوت
رهف ( وهي معصبه ) : نـــوف
نوف: نعم وشبك بسم الله ؟
رهف : اذا ماحترمتي اختك اللي توها داخله احترمي جدتك اللي تصلي
نوف: بسم الله علي توي أدري انها تصلي ..
قصرت ع التلفزيون وقالت : وش صلاته هالحزه ؟
رهف : صلاة الضحى
نوف: طيب .. طيب ..
اجلسي .. ليه واقفه
رهف : لا يختي بروح غرفتي ابدل ملابسي حررر أعووذ بالله .. الله يجيرنا من نار الآخره
نوف: آآآآمين ..
تعالي رهووف
رهف : هلاااا
نوف: بتنامين
رهف : لا بصلي اول
نوف: طيب
رهف : نوفاا
نوف: هاا..
رهف : ماشفتي ابوي؟ من زمان ماشفته
نوف: هههههههههههه
رهف : ليش تضحكين !! أنا قايله نكته !!!
نوف: لا بس.. اضحك لاني ماتذكر آخر مره شفته
رهف : وش هالكلام .!! عيب عليك هذا ابووك
نوف( باستهتار ) : عااارفه انه ابوووووووووي
رهف : ليه تقولين كذا ؟
اخر مره شفناه قبل 3 ايام نسيتي .. تعشى معنا
نوف: اقصد من قل مااشوفه ..
رهف ( بحنيه ) : ولو مايصير تقولين هالكلام عن ابووك .. ترا كل اللي يسويه عشاننا لا تنسين ؟؟ وانا متأكده انه يحبنا ولانسانا ومشتاق لنا بعد ،،
نوف( بخجل ) : عارفه .. ماكان قصدي
آسفه رهف !!
رهف : شعليه آسفه ؟
نوف: يمكن ضايقك هالكلام
رهف : لا ماضايقني
.. جلست شوي بعدين قامت
رهف : يالله بروح اصلي وانام
جدتها اللي خلصت مصليه : رهــف
رهف : هلا يمه ..
أم عبدالله : بتنامين ؟
رهف : اي .. يمه تبين شي؟
أم عبدالله : لاتنامين تغدي أول
رهف : لا يمه مااشتهي .. مهدوود حيييلي من المذاكره
نوف: لازم تاكلين من وين تحصلين طاقه اجل ؟
أم عبدالله : إيي لازم ,, وتراه أذن الظهر يابنات
رهف : طيب اتغدى ولا يهمكم
راحت رهف تبدل ملابسها وتصلي .. وجدتها ونوف نزلوا يتغدون
أم عبدالله : يالله سمي بالله يابنيتي
نوف: بسم الله .. بس وشو الغدا؟
أم عبدالله : مرقووق يحبه قلبك
نوف: مــــرقوووق .!!!!!!! كل يوم مرقوق
أم عبدالله : قولي الحمدلله ع النعمه .. بعض الناس يتمنون هاللي ماتبينه
نوف: ماقلت مابيه .. بس ملينا غيروا .. كل يوم نفس الشي .. ياحظ نواف اللي كل يوم يتغدا من مطاعم ،،
أم عبدالله ( سكتت ولا علقت )
نزلت رهف : السلام عليكم
ردوا السلام
أم عبدالله : سمي بالله يارهف
رهف : بسم الله .. الله مرقووق .. من ايدين جدتي ولالا ؟؟
أم عبدالله –مبتسمه- : اي انا اللي مسويته ياحبي لتس يارهف مو مثل نوف
رهف : ليه وش بها هالدلوعه .!!
نوف: مابي شي بس ماشتهيه كل يوم مرقوق !!
رهف : احمدي ربك وش هالكلام
نوف: الحمدلله .. عن اذنكم بروح اطلب لي برجر كنج تبين رهووف ؟
رهف : حرام عليك عندك مرقوق جدتي وتطلبين
نوف: قلت ماشتهيه وش حارك تبين اطلب لك ؟
رهف : براحتك .. لالاتطلبين لي باكل مرقوق جدتي
جلسوا رهف وجدتها يتغدون ويسولفون .. ونوف سوت اللي براسها وطلبت ..
بعد نص ساعه تغدت نوف.. ورهف نامت ..
...
الساع 7 المغرب
نوف دحلت على غرفه رهف وتفتح الباب فجأه وبقوه
انفجعت رهف : بــسم الله ..
نوف: هههههههههاااي .. - فتحت النور .. وجلست اتصفق –
قوووومي يكفي نوووم
رهف ( بعصبيه ) : نـــــــــــــوووووف
نوف( بنفس اسلوب رهف ) : نـــــــــــعـــــــــــم
رهف : سكري النور والباب بسررررعه
نوف : لا ههههههه
رهف : اوريك يادبه خليني اقووم بس واوريك شغلك
نوف : قووووووومي
رهف : يعني الواحد بهالبيت لازم يقفل غرفته ولا ماينام مثل النااس ويرتاح
نوف : قوووومي بس .. بنروح بيت عمي عبدالله
سكتت رهف وماردت
نوف( بصوت عالي ) : رررررهـــــــــــــــف
رهف : خيييييييير
نوف: قلت قووومي
رهف : منب قايمه معصي
نوف: هههه وشو اللي معصي .. شكلك تحلمين
رهف : اطلعي برااااا بسسرعه
دخلت عليهم أم عبدالله : خير يابنات وشبكم ؟
نوف: رهف عيت تقوم !!
رهف : مااعيييت
أم عبدالله : رهف حبيبتي قوومي
رهف : ليه تخربون نومتي حرام عليكم
أم عبدالله : الساعه 7
رهف قامت بسرعه : الساعه 7 وليه ماقومتوني؟
نوف: هههه وحنا وش جالسين نسوي الحين
رهف : ليه ماقومتوني للصلااه .. فاتتني صلاه العصر !!
نوف – ارتبكت-: هاااا مدري ،، كم مره قلت لك انا مالي دخل
أم عبدالله : معليش يابنيتي .. انشغلت ونسيت
قومي صلي المغرب قبل تفوت
رهف قامت : الله يهديكم بس .. الله يهدييكم
-راحت نوف تتلبس وخلصت ورهف مابعد خلصت
دخلت على غرفتها مالقتها ..-
صوتت .. رهــف .. رهــف
ماسمعت صوت
نوف بنفسها : لاتكون زعلت لاني ماقومتها تصلي !!
رهوووووف ،، ولاسمعت صووت ..
طلعت رهف من الحمام : هلا نوف!!
نوف : رهف؟
رهف : هلاااا شعندك؟
نوف( اللي شافت رهف مازعلت )
هاه لا ولاشي
تروشتي؟
رهف : اي
نوف : نعيما
رهف : الله ينعم عليك دنيا وآخره
نوف( ابتسمت )
رهف ( وهي تنشف شعرها بالفوطه ) : شفيك تتبسمين .؟
نوف: لا ولا شي
رهف : قوولي ياسخيفه
نوف: ههه ليه سخيفه ؟
رهف : من تقويمتك لي اليوم !!
نوف: هههههههههه شسوي بك ماتنفع معك الا العين الحمرا
رهف سكتت شوي وقالت : لاعاد تعيدينها مره ثانيه
نوف : مااقومك مره ثانيه يعني !!
رهف : لا مو هذا قصدي ..
نوف: اجل وشو ؟
رهف : بليز نوف.. قوميني للصلاه المره الثانيه لاتقولين مالي دخل انا اختك !
نوف سكتت ورن جوالها
وعلى طول ردت ع الجوال حتى ماترد على رهف لانها انحرجت كثير ...
حصه : هههههههههه
وصوت وفاء تسحب منها السماعه
نوف: هييه حصيص وش هالازعاج .
حصه : هلا نوفاا
نوف: هلا بك
حصه : وينكم . سنه !!
نوف: هذانا بنجي .. نص ساعه عندكم ان شاءالله
حصه : اها اوكي .. لاتتاخرون
نوف: تعالي حصيص ..
حصه : هلا
نوف: وش هالبزارين اللي عندكم ؟ عندكم احد ؟
حصه : ههههه لا ماعندنا احد
نوف: صقها انا !!
حصه : لا هذي (في)عن عشره بزارين
نوف: اهاا هم فيه ؟
حصه : يس
نوف: اوووكي هذانا جايين
حصه : يلا لاتتاخرون
نوف: طيب باااي
حصه : مع السلامه
رهف : شتقول حصه ؟
نوف: تقول وينكم .. قلت لها هذانا بنجي ..
ع فكره ترا فيه جواهر ..
رهف – ابتسمت وسكتت –
.. بعد شوي ..
رهف : تعالي نوف
نوف: هااا
رهف : شبتلبسين شوز ؟
نوف: هذا
رهف : هذا ..؟؟ هذا زبيري !!
نوف: اي ادري
رهف : بتلبسينه ؟
نوف: اييه عاجبك؟
رهف :وش هالزبيريات منين لك ؟
نوف: هههههه ليه شفيهم ؟؟
على الموضه ترا هذولي .. وش عرفك انتي !!
رهف : مايصير تلبسينهم .. ولا وبرمودا وكت بعد !! وشعرك بوي
مو زين .. كلام الناس عنك ترا بيفهمون غلط
نوف (بعصبيه ) : ياربي يا هالناااس انا مالي دخل بهم .. ماعلي من احد البس اللي يعجيني خليهم يفهمون اللي يفهمون واناا شخصي ؟!! بعدين محد غريب بيجي
وطلعت ..
نزلت رهف عند جدتها اللي تنتظرهم بالصاله .. كانت لابسه تنوره جينز أزرق غامق وتي شيرت سماوي وشعرها الرطب الين كتفها فاكته .. وحاطه قلوس وشوي كحل
أم عبدالله : وينكم ليه تاخرتوا .
رهف : معليش يمه .. يالله نروح .؟
أم عبدالله : اي يالله ..
رهف : وين نوف ؟
أم عبدالله : بالحوش طلعت
...
الساع 8 في بيت عمهم .. جلسوا يتقهوون ويسولفون ..
نوف( اللي جالسه جمب رهف تكلمها بهدوء ) : رهف
رهف : هلا !
نوف مدت لرهف شوكولاته ..
رهف - ابتسمت - : لي؟
نوف: اي لك .. حلي مع القهوه
رهف : شكرا
نوف: اعرفك تحبين التيبليرون ..
.. بعد شوي ..
نوف : رهف؟
رهف ( ابتسمت بابتسامه كلها حنان ولا قالت شي ) ..
فهمتها نوف من عيونها اللي تقول لها تكلمي فاهمتك
نوف : آسفه ..
رهف : على .؟
نوف: الكلام اللي قلته اليوم .
رهف ( حبت ان نوف بنفسها تقوله ) : أي كلام .؟
نوف - تبتسم -: اممم ,, ادري تبيني اقوله بنفسي
محد يفهمني وافهمه كثرك
رهف : ههههههه
قاطعتهم وفاء : وش عندكم تتساسرون..؟؟
حصه : اي شعندكم .. ماتملون من بعض بالبيت
نوف: ههههه ليه انتي تملين من وفاء؟
حصه : لاأأأ
رهف : خلاص اجل ههههههه
وضحكوا كلهم ..
حصه : الا ..
رهف والبنات : وشو اللي الا
حصه : الا امل من وفاء احيانا تصير ثقيله دم
رهف ( تمزح ) : ياشين اللي بدوا يستخفون دمهم لازم نضحك مره ثانيه يعني ,, ياأم دم ثقيل
ضحكوا كل البنات
حصه : والله حاله .. اردى منكم اللي يحاول ايضحكم
وقامت
وفاء : وين ؟
حصه : بروح اشوف الدادا
جواهر وهي توها داخله : منهي الدااداا عسى مب بنتي؟
حصه : ساكته ثم ضحكت بقوه هههههههههههههههه بسم الله ..
اول ماتكلمنا ببنتها نطت .
جواهر: هااا اعترفي !!
حصه : الا دادا ونص
رهف ونوف ووفاء : هههههههههههههههه
حصه : خلاص بنتك كبيره استانستي هههههه
ياليتني مثلها مدلعه .. الناس يشيلوني ويحطوني ولا وكل هذا ام الصياح ..
جواهر : بسم الله على بنتي .. لاتقولين هالكلام ترا اتعقد
حصه : من حينها معقده .. أكثر من كذا تتعقد وش تصير !!
جواهر ( متركيه على الباب ) : اييييي يحق لها تتدلع مو بنت الغاااالي
وفاء : اسكتي ياحصه طلعتي المستور .. خليها كذا ازين
حصه : هههههههههههههه
وفاء : اثرك تحبين اخوي وانا مادري ؟؟!
جواهر : شــراااايك .. احبه واموووت فيه مو زووجي ؟!!
-جت جواهر وجلست مع البنات .. وحصه راحت تشوف في-
رهف : هلااا يالله حييها .. صبوا القهوه ..
جواهر : تسلمين حبيبتي .. كلك ذووق ..
-رهف صبت القهوه لجواهر -
جواهر : يعطيك العافيه رهف
رهف : الله يعافيك
جواهر : ايي شعندكم من سوالف ؟
شخبار الدراسه يارهف ؟ بشــري عن ثالث
رهف : يوووه لاتذكريني .. الله يعيين بس
جواهر : انتي علمي صــح ؟
رهف : اي .. والله اني متحسفه اني دخلت علمي !!
حصه دخلت عليهم وقالت : تقولوون علمي .. لايكون تتكلمون عني بس
وفاء : تحسبين مافي احد علمي غيرك ياالدافوره !!
جواهر : نتكلم عن رهف ودراستها ..
حصه : طيب ليه متحسفه .. مو حلو العلمي؟
رهف : والله مره صعب ويبى له دراسه وشدة حييل .. وانا هيلي انحد
نوف ووفاء : حلووووووووه هيلي انحد ههههههههه.. وجلسوا يضحكون
رهف : قصدي انهد حيلي
وضحكوا كلهم ..
وفاء : بعذرك يختي .. مانلومك ..
حصه : ههههه طيب برايك اغير القسم احسن ؟
نوف: لااااا بعديين تجين عندي ..
حصه : وليه مااجي ( مسويه انها زعلت ) :
افااا بس يابنت العم ..
نوف : امززح معك .. تعالي انواع الدجه والوناسه مو مثلكم ماغير كرف الحمدلله والشكر
حصه : ههههه .. اي خابرتكم !!
وفاء : أحسن هذا اللي مايسمع الكلام قد قلت لك لاتدخلين علمي طيعي شوور اختك ولاطعتيني .. تستاهلين
جواهر : عاادي يمديها تغيره
نوف: اي حصووص تعالي للادبي
حصه : بس ياأذكياء مقدر الحين .. الحين حنا بالنصف الثاني أكيد بيقولون لأ .
نوف: انتي اللي ذكيه !! وحنا قلنا هالسنه .. السنه اللي بعدها انشاءالله
وضحكوا البنات كلهم ..
دخلت عليهم أم عبدالله : هاه يابنياتي شعندكم .؟؟ ضحكوني معكم ..
وفاء : هلا يمه .. تعالي حياك اجلسي معنا
نوف : يمه تبين قهوه ؟
أم عبدالله: لا يابنيتي .. اتلفت معدتي هالقهوه
رهف : ماتشوفين شر يمه ..
أم عبدالله( اللي سمعها ضعيف ): هااااا ..
رهف : أقووول ماتشوفييين شرررر ..
أم عبدالله : شقلتي .؟؟!
نوف - تبتسم - : تقوووووول مااااتشوووفين شررر يمممه
أم عبدالله : اييي ..
جواهر : حصه .. وين فيوو مو رحتي تجيبينها .؟
حصه : الا رحت اشوفها . .اثرها نايمه ..
جواهر : اجل بتقوم علي بنص الليل ياسعدي بها .
حصه : خليها تنام عندنا اليوم ..
وفاء : اييه خليها تكفين ..
جواهر : لاصعبه اليوم .. بعدين مابيها تزعجكم وانتم بتذاكرون .. مابقى شي ع الامتحانات
وفاء : خلاص اجل انا مابقى لي الا اسبوعين واخلص امتحانات و بتجيبينها ترا مالي دخل ..
جواهر: ان شاءالله ...
اذا شفت في تجاوب وردود كملت .. :cupidarrow:
عذبة الروح
29-01-2007, 07:24 PM
اذا اعجبتكم الرواية..
حددو لي يومين بالاسبوع ...مثلا (السبت..ولاربعاء)...
انزل لكم الجزء فيه :)
عذبة الروح
01-02-2007, 01:31 AM
:| ...
وينكم...
طيب انا عاذرتكم..لانه اختبارات...
وانا حطيت عند صديقتي خبر.. اني نزلت قصتها هنا..
وكل يوم تسالني عن رايكم..
بس شكله ما فيه تجاوب :(
يالله اشوفكم بعد الاختبارات
عذب الروح
05-02-2007, 09:05 AM
مشكور على الموضوع
ضيـ الفجـر ــاء
06-02-2007, 06:36 PM
لي عوده
مع روايتك
ضيـ الفجـر ــاء
07-02-2007, 04:02 AM
أجزم انني لو تحدثت لن استطيع وصف مشاعر
الاعجاب والتشجيع التي تتخللني الان
لك أسلوب قصصي ورآئي رائع
غاليتي؛؛؛
بداخلك موهبه ابرزيها واجعليها ترى النور
لنقراء خيوط نسجت من خيال متسع خط على
السطور روايه
ارغمتني على قرائه حروفها
وجعلتني اشتاق لاكمال فصولها
عزيزتي؛؛؛
حـــــــاربي للابقاء
على كنز سيفنى لو انك أهملتي
وحتى لو مجرد انك قصرتي بحق
موهبتك
فالموهبه والهوايه في نظري تعيشان
في نفق مظلم كظلام ليل دامس
وفي اول ظهور لهما تكون
كائيقاد الكبريت يشتعل لينطفي بسرعه
اذا لم تتوج الى نجاح
لا اتمنى ابدآ لموهبتك ان تكون كذالك
انما كل املي هو استمرارك في كتابه القصص والروايات
وحتى تصبحي روائيه لها شهرتها
لا تلقي بالا لي منتقد فهما نوعان الاول ينتقد وهمه مصلحتك وافادتك
والاخر ينتقد غبآ بك << حسدآ بك>>
لاضرارك واطفاء نور قلمك
الذي اجزم بان يكون بالغد
شمســـــــــا ويطغى على الغير
فقط اذا كنتي حريصه على تطوير ونمو والمحاربه لاجل موهبت وخيال قلمك فأنا
اعتبرك غاليتي كنز لايجوز ا
خبائــــــــــــــه
تقبلي مروري واعتذر على الاطاله
عذبة الروح
12-02-2007, 11:17 AM
عذب الروح ...
مشكووور على المروور...
---------------------------------------
ضياء الفجر...
مشكووورهـ اختي على المروور الرائع....
وبصراحه هاذي روايهصديقتي مو روايتي ...
بس انا استأذنت منها اني انشرها هنا ..ووافقت ..
وهي كل شوي تسالني اذا احد رد على الروايه..وشجعها ..او انتقدها ...
بصراحه اذا شافت ردك اكيييييييد بتستانس ^ـــ^
دقاايق والجزء الثاني نااازل ^ــ^
عذبة الروح
12-02-2007, 11:19 AM
الجزء الثاني اهديه لضياء الفجر ^^
-----------------------------------
أهليــن أعزائي .. مشكوورين عالتجاوب ..
وهذا الجزء الثاني ولاتهونون ..
..
كملوا السهره وراحوا رهف ونوف لبيتهم .. نواف اللي وداهم .. لانهم طلعوا متأخرين شوي ..
وهم بالسياره ..
نوف : ألله جاني بلوتووووث ..
رهف : إحلفي ..
نوف : والله ..
رهف : ...
نوف : هاللي مايستحي على وجهه رقم !!!!!ههههههههههههههههههههههههههههههههههههههههههههه ههههههههههههه
نوااااااااااف ماتستحي ترقققم ..
نواف - مستغرب ومطير عيونه -: هذي انتي !!
نوف - تهاوش - : إي أنااااااا ..
نواف : بسرعه سكري بلوتووثك انتي وإسمك اللي مثل وجهك ..
رهف : !!!!!!!!!!!!!!!!!!!!!!!!!!! .......
نوف : ليه وش فيه اسمي ..
نواف : اسمعي الحكي .. لاتخليني أعصب !!
نوف - سكرت البلوتوث- ..
رهف : وشو إسمك عاد ؟
نوف - بصوت واطي- : بنوته قمر ..
رهف - بضيقه - : !! الله يهديك انت واياها ..
نوف : ليه وانا وش سويت !! هو اللي يرقم مو أنا ..
نواف - يضحك بقلبه : .. مجنونه هالنوف ..
نوف: على طووول عرفت رقمك كله تسعات ..
نواف : ماانتهينا ..
نوف : ههههههههه
وراحوا البيت ..
..........................................
الساع 1 ..
حصه منسدحه على الكنبه اللي بالصاله وتلعب بشعرها ووفاء تشوف التلفزيون ..
حصه : افف وش ذا الطفش ..
وفاء : هههههههه وشبك طفشانه بعد !!.. تراني مالي خلقك لا صرتني طفشانه تجيبين لي النووم ..
حصه : وش هالبرنامج السخيف .. حطي لنا فيلم ..
وفاء : الظاهر اني متابعته ..
حصه : ادري ليه متابعته ..
وفاء ( شهقت وسوت نفسها متعجبه ) : وليييه متابعته ؟
حصه : ههههه اصلا انتي تلعبين ع نفسك تقولين متاااااابعه وانتي ماتابعتي .. كل هذا بس علشان ماتقومين تذاكرين
وفاء : هههههه والله انك صادقه
حصه : يختي بوقت الامتحانات يجيني حب عجييب للقراءه
وفاء : ههههه ليييه .؟
حصه : مدري اهم شي يضيع الوقت بشي غير المذاكره
وفاء : وانا بعد .. ههههه
حصه : من جد تلاقيني اطلع المجلات والروايات اللي لي قرن ماقريتها واشياء ماعمري فكرت اقراها ..
وفاء : هههههههههههههههه ..
حصه : ياربي طفشااانه ..
وفاء : ادخلي ع النت
حصه : مالي خلق ..
وفاء ( تتطنز ) : مشكله عااد الآنسه حصه .. مالقت شي تسويه
حصه : هيييييييه لاتطنزين . بعدين ماتجي انسه وحصه مع بعض
وفاء :و ليييه ؟ ماتجي
حصه : مدري اسألي هلي .. اللي مسمينك احلى اسم وانا حصه !!
وفاء : استحي بس .. نسيتي ان هذا اسم جدتي ..
حصه : لا مانسيت امزززززح
وفاء : كم مره قلت لك ترا دمك ثقييل لاعمرك تمزحين مره ثانيه
حصه : طيييييب .. وقامت
وفاء : على ويـــن ؟
حصه : بروح اجيب اللاب تــوب
وفاء : مو توك تقولين مالي خلق ادخل ع النت
حصه : ومن قال لك اني بشبك ع النت .. اصلا كل شي صاير يضيق الخلق
وفاء : لييه .. ياااساتر
حصه : هههه والله .. اذا فتحتي التلفزيون ضاق صدرك واذا سولفتي مع الناس ضاق صدرك .. واذا دخلتي ع النت ضاااق صدرك
وفاء : اعوووذ بالله .. يالكئيبه ... اضحكي الدنيا تضحك لك
حصه : ههههه والله امن جد الدنيا كلها ذبح وذبيح .. والسواليف تضيق الصدر من هالدنيا اللي صايره تخوف !!
وفاء : اي والله صاااادقه ..
.................................................. .................................................. ..........
يوم السبت .. الساع 5 الفجر .. رن المنبه . سكرته ورجعت تنام .. بعد 10 دقايق دخلت امها عليها ..
لطيفه (تقوم حصه ) : حــصه .. حــصه
ماردت
لطيفه : حـــصه .. -وفتحت الستاره-
حصه : لاااااااااا يمه حرااام عليك – وغطت وجهها-
لطيفه : قوومي .. لاتتاخرووون
حصه غطت وجهها بالبطانيه : يمه .. سكري الستاره الله يخلييييييك
لطيفه : قوووووومي
حصه : رووحي قومي وفاء .. هي اللي تاخرني
لطيفه : وفااء قاايمه ومتروشه وانتي نايمه
حصه : كم الساعه .؟
لطيفه ( ماتبي تقولها كم ) : الساعه الفجر قووومي
حصه ( قامت وجلست ع السرير وسكتت )
طلعت لطيفه من غرفتها ..
ورجعت بعد ربع ساعه
لطيفه ( بصوت عالي ) : هاوو ماااااااااقمتي !!
حصه : قااااااااايمه خلاااااااااااص
لطيفه : شلووون قايمه وهذاك نايمه !
دخل ( ابو خالد ) عبدالله ..
عبدالله ( يهز كتف حصه ) : حصه حصه
حصه : نعم
عبدالله : يلا قومي
حصه : سكتت وقامت وجلست ع السرير
طلع ابو خالد من الغرفه ولطيفه واقفه
حصه : خلاااص يمه .. قمـــــت
لطيفه : ماني رايحه لين تدخلين الحمام .. الحين تسوين سوات تو
حصه ( بصوت واطي ) : لاحول
لطيفه : شتقوليين ؟
حصه : ولاشي .. - راحت للحمام اخذت شاور وراحت المدرسه ..-
.........................................
بالكليه بعد ماخلصوا محاضرات .. الساع 10 الصبح ..
وفاء : ريم .. بروح الكافيتريا شتبين فطور ؟
ريم : خليني انا ارووح ..
وفاء : لا هذاني قايمه .. شتبغين .؟
ريم : امممم .. جايبه قهوه انتي؟
وفاء : اي جايبتها خصيصا عشانك .. انا مابي بهالحر قهوه
ريم : هههه .. ليه تجيبينها اجل ؟
وفاء : مو انتي امس قلتي اليوم علي !
ريم : ايييي بس مابي لحالي .. دامك ماتبين
وفاء تمزح : والله حاله يعني .. لازم اشرب
ريم : ههههههه اجل اتقهوا لحالي كني مهبوله !!
وفاء : اوووكي ولايهمك .. اتقهوا . بس خلصينا شتبين من الكافتيريا ؟
ريم : كالعاده ..
وفاء : ههه فلافل ؟
ريم : اي . .شفيك تضحكين !
وفاء : لا ولاشي يلا بروح اشتري
-وهي ماشيه من عند الدرج .. الا تجي هذيك البنت وشوي الا تطيح من العتبه . وتمسكها وفاء-
وفاء : بسم الله عليك ..
البنت : ههههههههههه يووه فشيله
وفاء : هههه لافشيله ولاشي
البنت : هههه بغيت اطيح . وطاح وجهي قبل
وفاء : لااا عاادي تصير لاحسن البنات
البنت : هههه - وحطت عينها بعين وفاء وطيرت عيونها وقالت : لاااااا ماااااصدق وفاااااء
وفاء : ههه اي وفاء .. تعرفيني ؟
البنت : افااا بس انااا العنووود
وفاء وهي مستغربه : العنوود ؟ معليش ماعرفتك
العنود : انا العنود بنت صديقة امك فوزيه
وفاء - تسلم عليها - : اهاااااااااا .. هلااااااا والللللللللله وغلاااااااا
العنود : هلا بك حبيبتي .. ياربي .. على طووول عرفتك ماتغيرتي ابد ..
وفاء : هههههههههه .. معليش اني ماعرفتك .. متغيره كثير ومن زمان ماشفتك !!
العنود ( بثقه ) : اي بعد ماتزوجت احلوووويت
وفاء : هههههه ماشاااااءالله تزوجتي ؟ مبرووووك
العنود : ههه الله يبارك فيك .. اي من شهرين بس
وفاء : وانتي ساكنه بالرياض ؟
العنود : اي انا واخوي فهد .. هو يدرس بالرياض
وفاء : فــهــد .. ههههههه تذكرته
العنود : اي تذكرتي ايام الطفوله وانتي ام خمس سنين يلعب معك ومايخلي احد يضربك ..
وفاء : هههههههههههههه .. اي نكته ايام الطفوله
العنود : هههههههه
وفاء : امي ضايق صدرها عشان خالتي فوزيه نقلت لجده .. من 5 سنين صح .؟ وانقطعوا عن بعض
العنود ( نزلت راسها ) : اي .. بس الوالده توفت الله يرحمها
وفاء ضاق صدرها : احسن الله عزاك .. الله يرحمها .. متى هالكلام ؟
العنود : قبل سنه تقريبا ... كانت بدايه خطوبتي .. وكنا محددين الزواج واجلته .. وقال زوجي
انه بياجل الزواج لسنه .. لانه يدرس برا السعوديه .. والحين تزوجت ..
وفاء : اهاا الله يوفقك ياعمري
العنود : ويوفقك ... وانتي تزوجتي ولا لا.؟
وفاء : لا ماتزوجت ..
العنود : عقبااالك ..
وفاء : ههههه وشو؟
العنود : تتزوجين ..
وفاء استحت وحبت تغير الموضوع : ههههه ..
اجل لو اقوول لامي بتفرح كثير .. لازم نشوفك ..
العنود : على ايش.؟
وفاء : انك عايشه بالرياض .. وهي تحبك لان امك الله يرحمها غاليه عليها ..
العنود : الله يسلمك ويسلمها .. يلا انا لازم الحق ع محاضرتي قبل تفوتني ..
وفاء : طيب ..
العنود : انتم بيتكم نفسه ماتغير ولا ؟
وفاء : لاا ناقلين عنه ..
العنود : والله . ماشاءالله .
وفاء : اي .. بس كيف انتلاقى ؟
العنود : عطيني رقم موبايلك ..
وفاء : اوكي - وعطتها الرقم -
وفاء اشترت فطور وراحت عند ريم ..
وقفت وراها وحطت ايدينها فوق عيونها ..
ريم ( انخرعت ) : هييييي ( وحطت إيدها فوق ايدين وفاء )
وفاء : حزر فزر انااا ميييين ؟
ريم :عااارفتك قبل تهرجين
وفاء : يانصابه ,, كيف عرفتي
ريم : اصاااابعك طوال ههههههه
وفاء طيرت عيونها وجلست : حلوووه .. شلون اصابعي طوال بالله ؟
ريم ماقدرت تتكلم من الضحك : ههههههههههههههههههههههههههههههههههههههههههه
وفاء تستهبل : احسها اهانه هذي !!
ريم : ههههههههههههههه لا والله .. ياغبيه انا اتمنى اصابعي مثلك
هالشيء من علامات الجمال ولا ماتدرين ؟!!
وفاء : ايييييي .. هههههههه مررره
ريم : هههههههههه
وفاء : ماتدرين من لقيت تو وانا رايحه اشتري فطوور !!
ريم : مين؟
وفاء : العنوود بنت جيراننا ببيتنا القديم
ريم : احلفي؟
وفاء : والله .. انا بالبدايه ماعرفتها .. ههه اصلا جت بتطيح من عند العتبه اللي عند الدرج ومسكتها .. وعرفتني ..
ريم : احــــــلـــى يالبطله ..
وفاء : ههههه ...
ريم : اييي كملي ,,
وفاء : هم كانوا ناقلين لجده .. عشان ابوها غير شغله .. وانقطعت علاقتهم بنا ..
هالكلام من خمس سنين .. امها تقول انها توفت الله يرحمها .. كانت غاليه علينا
ريم ( متحمسه ) : الله يرحمها .. وش بعد كملي ؟
وفاء ( دمعت عينها – وعطتها ريم مناديل سكتت شوي ) : اي وبس .. واخذت رقمي
ريم : اهااا ..
فطرت ريم .. ووفاء مافطرت ..
الساع 2 الظهر .. وفاء دخلت البيت .. ولقت امها وحصه جالسين بالصاله
وفاء : السلام عليكم ..
ردوا امها وحصه السلام ..
جلست وفاء جلست وتنهدت : ماشاءالله عليك انتي .. من متى جايه !!
حصه : هههههه من 12 ليه .؟
وفاء : ليه تطلعون بدري وحنا لا ؟
حصه : ههههه ايامك وخذتيها بالثانوي .. شتبين محتره !!
وفاء ( حطت راسها ع الكنب وغمضت ) ... آآه
لطيفه : وشبك من دخلتي وانتي تتنهدين .. وآآه !!
وفاء : لايمه .. بس لو اقول لك من لقيت اليوم بالكليه ماتصدقين !!
لطيفه : من لقيتي؟
حصه : مـن ؟ مــن؟
وفاء : سبحاااان الله بدينا باللقافه ياحصيص ..
لطيفه : خلي اختك تسولف شفيك ؟!
حصه ( حضنت امها ) : الله لايحرمني منك يمه . .انتي الوحيده اللي تفهميني بهالبيت ..
لطيفه : يابعدي انتي ..
وفاء قامت : خلاص اخليكم بمسرحية الأم وبنتها .. بروح
لطيفه : تعااااااااالي
وفاء : هلا
لطيفه : ماقلتي لي من لقيتي ..؟
جت وفاء وجلست جمب امها ..
اول ابيك تحظنيني مثل حصه !
قاطعتهم حصه : انا احظنك بس اهرجي ..
لطيفه حظنت وفاء بكل حنان .. وابتسمت وفاء
حصه : يااارب اتهرج ..
وفاء : الحين انتي كل هذا ميته تبين تعرفين السالفه وش لقفك !!
لطيفه : هههه يلا قولي
وفاء : العنود ,, يمه
لطيفه : منهي العنود؟
وفاء : العنود بنت خالتي فوزيه الله يرحمها ..
لطيفه غصها قلبها : وشووو
وفاء : جيراننا القدام يمه .. خالتي فوزيه توفت ..
لطيفه : توفت ؟؟ لاحول ولاقوة الا بالله
حطت ايدينها على راسها .. وجلست تبكي
وفاء : يمه .. شفيك .. هذي سنة الحياه ..
حصه بصوت واطي : وانتي ماعندك اسلوب يالخبله كذا تقولينها على طول بدون مقدمات ..
وفاء : شسوي طلعت غصب من لساني ..
حطت ايدينها على كتف امها .. يمــه تكفين طلبتك لاتصيحين ..الله يرحمها ..
رفعت راسها وعطتها حصه مناديل ..
جلست تمسح دموعها ..
لطيفه : شلون توفت ؟- وكملت صياح-
وفاء : مادري يمه ماسألت العنود .. خفت أضيق صدرها ..
لطيفه : الله يرحمها .. كنت حاطه امل اني اشوفها هالصيفيه .. لي كم يوم والله وانا احلم بها كثير تقول ليه نسيتيني .
حصه : يـمه ,, يمكن انها محتاجه للدعاء
لطيفه : الله يرحمها ويغفر لها ..
وفاء وحصه : آمين .. يارب
وفاء : بس عندي خبر حــلو ,,
حصه : قــولي ,, بسرعه
وفاء : العنود متزوجه ماشاءالله ..
امها و حصه : مـاشاءالله
لطيفه : الله يوفقها ..
وفاء : آمــين ... من شهرين بس .. واخذت رقم موبايلي ..
وقلت لها لازم انتشاوف ان شاءالله ..
لطيفه : هي ساكنه بالرياض؟
وفاء : اي بالرياض ..
حصه : انا ماتذكرها زين بس اتذكر شعرها طويل وكانت تربطه جديله صح؟
وفاء : أي .. اصلا انتي جنيه فيه شي ماتتذكرينه
حصه : اذكري الله
وفاء : ههههههه .. بس قصته مره قصير .. كاريه لحد كتفها .. وصابغته .. نحفت مره بعد .. اتجنن ماشالله .. تغيرت كثير
انا اول ماشفتها ماعرفتها .. بس هي عرفتني !
حصه : اهااا
وفاء باست راس امها وقامت : يالله يمه بروح انام
لطيفه : اصبري .. تغدي اول
وفاء : لا يمه ماشتهيه .. مالي نفس ..
لطيفه : براحتك . بس لاتنسين الصلاه جزاك الله خير ..
وفاء : ان شاءالله .
.................................................. ................................................
الساع 8 العشاء .. نواف واصدقاءه بالاستراحه ..
فيصل : اقوووول نووواف ..
نواف وهو يطقطق بالجوال : هلأ
فيصل : تلعب بلووت ..؟
نواف : لا مالي خلق .. مشغووول
قاطعهم عبدالرحمن : الحين ابو البلوت عندك وتقول لنواف ..
نواف : ياخي العب أحد ماسكك !!
فيصل : شمشغول فيه الله اكبر .. بزنس مان على غفله !!
نواف : قاعد اتفرج ع بلوتوثات ..
جا فيصل عند نواف ..
فيصل : ورناا طيب
نواف : ههههههه لاممنوع البزارين .. رح العب بلوت
فيصل : ورنا يرحم والديك
نواف : قلنا لأ .. ليش انت مزعج !
فيصل : خلاص ماني موريك اللي عندي ..
نواف : ههههههه امزح معك .. امسك الجوال كله بكبره حلاالك
فيصل : لا خله معك انا برسل لك صورة وحده .. يحبها قلبك
قرب عبدالله وقال : وانااا واناااا
قاطعهم عبدالرحمن : هييه وش عندكم انتم ؟
فيصل : تعال شف .. هذي منشوره صورتها بالبلوتوث
عبدالرحمن ( يوزع الورق ) : استح انت واياه
عبدالله : شحارك تعال وشف ..
عبدالرحمن : الحين هذي لو هي وحده من محارمكم
ولا لو هي اختك ولا اخته .. ترضى لها هالشي ؟
فيصل : هههههههههههه لاتخاااف مهي اختي ولا هي اختك
وضحكوا كل الشباب
عبدالرحمن : الله يهديكم
عبدالله : الحين انت مسوي فيها مطوع !!
عبدالرحمن : ماني مطوع .. بس اعرف حدودي
فيصل : ايي هين .. تعرفها صح
عبدالرحمن ( بدي يعصب ) : شـــــقــصدك ؟
عبدالله : انا اقوول لك ..
يعني دايم اللي ينصحنا اردى منا
عبدالرحمن – عصب وبجديه- : حــــدك عاااد ..
فيصل : اقوووول .. رح شف نفسك اول .. بعدين تعال انصح
عبدالرحمن : لاااااتعقلون ابد .. اردى منكم اللي ينصحكم
فيصل : الحين بدال ماتوزع الورق قم صل بعد شوي بياذن
عبدالرحمن ( عصب من جد ) : انا مازكيت نفسي على أحد .. وبعدين توه مااقام للصلاه ..-وقام-
قام نواف بسرعه ولحقه ومسك ايده ..
نواف : عبـدالرحمن ؟
عبدالرحمن التفت وهو معصب : نعم ؟
نواف : شفيك زعلت .؟
عبدالرحمن : مازعلت انا طالع مع السلامه .. وراح للباب
رجع نواف اخذ جواله وبوكه ولحق عبد الرحمن .. اللي حسبه عبدالرحمن تخلى عنه
طلع للحوش مالقاه .. طلع للشارع لقاه يمشي ..
نواف : عــبده
عبدالرحمن مايرد ..
ركض نواف عنده ..
نواف : عبده .. عبده ماتسمعني اناديك ؟
عبدالرحمن : ماسمعتك .. ليه لحقتني .. ارجع للشباب لاتخليهم عشاني ..
نواف : إنتظر .. وش فيك تمشي وين رايح .؟
وقف عبدالرحمن : مافيني شي بروح للبيت
نواف : ههههه تروح رجل ؟
عبدالرحمن : اي اروح رجل .. ليش مااسويها
نواف ( اللي يعرف عبدالرحمن زين وانه مايفكر صح لاصار معصب وبيشوف وش يرد عليه ) : بس بيتكم بعيد ؟
عبدالرحمن : لا بعيد ولا شي ..
نواف : افاااا بس ... تروح رجل وسيارتك موجوده
عبدالرحمن : سيارتي ماطلعت من الورشه
نواف : عبده .. سيارتي هي سيارتك ..
عبدالرحمن : مابي اعطلك معي .. انا بروح للبيت . وانت ودك تقعد مع الشباب
نواف : من قال لك ودي اقعد ؟
عبدالرحمن : تصرفاتك اللي تقول !!
نواف : وش فيك زعلت .؟ وربي ماشفت الصوره
عبدالرحمن : انا مابيك تطلع ع محارم الناس .. عشان ماتصير لمحارمك ..
نواف : طيب طيب ولايهمك .. هذاني بمسحها.. وماراح اشوفها .. كل شي ولازعلك
عبدالرحمن : لأ .. يانواف
نواف : وشو اللي لا
عبدالرحمن : مو كل شي ولا زعلي .. كل شي ولازعل الله عليك ..
نواف : طيب ..
امش معي .. -ومسك ايده-
عبدالرحمن : وين ؟ ماني راجع للاستراحه .. وهي لفيصل من حيني مالي خلقه ..
نواف – مبتسم-: وانا قلت لك ارجع ؟!
عبدالرحمن : أجل وين ؟
نواف : امش معي للسياره .. اوديك للي تبي ..
يالله .. مشينا
-عبدالرحمن مشى وهو ساكت-
جلسوا يدورون بشوارع الرياض .. لين أذن وراحوا لمسجد ونزلوا يصلون ..
وكملوا لف بالشوارع ..
رن جوال نواف ..
عبدالرحمن : المزعجه يتصل بك ..
نواف : اهووه .. (ورد)
نواف :هلااا ..
نوف : هلا نواف .. مشغول ؟
نواف : وش تبين ؟
نوف : معي أغراض لصديقتي ابي اوديهم ..
نواف : وين السواق ؟
نوف : السواق أدري ماراح يدل .. ماعمره وداني لبيتها ..
نواف : وصفي له !!
نوف :ماعرف .. بتوديني ولالا ؟!!
نواف : عطيني رقمها توصف لي هههههه
نوف :..!!
نواف : ماتقدرين تعطينها اغراضها بكرا بالمدرسه ..؟!
نوف : لا مقدر اخذهم للمدرسه ..! ممنوع
نواف :ألله .. وش بتعطينها ..
نوف : لاحول ..
نواف : خلاص اسمعي .. جايك بعد ساعه .. ان ماطلعتي بروح تسمعين !!
نوف : اف .. طيب مع السلاااامه !!
..
نواف : الاهل يبوني أوديهم ..
عبدرالحمن - مبتسم - : طيب ودهم ..
نواف : طيب أنا بودي اختي بعد ساعه ..
عبدالرحمن - مبتسم -: نزلني أي مكان وودها ..
نواف : شششدعوه انت ووجهك ..
عبدالرحمن : أجل وش قصدك .؟ ههههههه
نواف : قصدي .. وش تبينا نسوي بهالساعه ..
عبدالرحمن : مايمديك تروح لأي مكان الا بياخذ منك ساعه .. ماتعرف الرياض وزحمتها ..
نواف - وهو يطالع قدام ويهوجس - : ندوج يعني ..
عبدالرحمن : ندوج .. ههههههههههه
تمشوا شوي بعدين راح للبيت .. دق على نوف عشان تطلع وماردت .. ولاطلعت ..
نواف دق مره ثانيه ..
نوف : هلا ..
نواف - بصوت عالي - : وين اللي بتطلع بعد ساعه .. يلا انا عند الباب ..
نوف : طيب بسم الله هذني جايه ..
طلعت نوف ووقفت عند الباب بعدين دقت على نواف :
نواف : يلا سنه !! وش عندك واقفه !!
نوف: تعال ابيك تشيل معي الأغراض ..
نواف : لاحول طيب ..
...
نواف : دقيقه عبده الحين بجي .. - ونزل-
نواف جا ومعاه دبدوب كبييييير لونه أبيض وماسك قلب أحمر .. وكيسين .. ونوف معاها كيس ..
نواف -ركب- : شفت كل هذا عشاني ..
عبدالرحمن : اي ماشاءالله ..
نوف - ركبت - : السلام ..
ردوا السلام ..
نواف : وين اوديك ؟
نوف - مستحيه وماتوقعت يكون معاه احد - : امم .. حي ال(**)
نواف : طيب ..
الكل ساكت .. وبعد نص ساعه ..
نواف : هذانا وصلنا .. أي بيت ...
نوف - بصوت وطي - : دقيقه خل بكلمها ..
نواف يضرب باصابعه على الدريكسون : ...
نوف - تتكلم بصوت واطي - :هلا عايشه ..
عايشه : هلا والله ..
نوف : اسمعي عيوش .. انا قربت من البيت .. بس ماني عارفه اي بيت بيتكم ..
عايشه : شوفي بنهايه الحاره .. بيت لونه بني .. جمبه جمس عنابي ..
نوف : اها طيب ..خليك واقفه عند الباب .. الحين بجي طيب ؟
عايشه : طيب .. باي ..
نوف : باي ..
..
نواف : ها أي بيت ..
نوف - بصوت واطي -: بيت بني ..
نواف - بصوت عالي - : بيت وشو ؟!
نوف : بييت بني .. بنهايه الشارع ..
عبدالرحمن - مطير عيونه من اسلوب نواف وساكت ...
نواف - بشينه - : هذا ..
نوف - بصوت واطي ومتفشله - : هي تقول جمبه جمس عنابي ..
نواف - قدم شوي -:!!!
نوف: ...
نواف : يمكنه هذا .. شوفي الباب مفتوح ..
نوف : اي هذا اخوها الصغير .. دقيقه بنزل شوي ..
نواف : بسرعه لا تنامين ..!
- نوف ساكته وأخذت الأغراض ونزلت - ..
عبدالرحمن : هههههه .. يلعن أبو الأسلوب ..
نواف : وش ؟
عبدالرحمن : الحين أنت دايم اتعامل خواتك كذا !!
نواف - مبتسم - : لا اليوم مزين لها خدمه ..
عبدالرحمن : حرام عليك ياخي ..
نواف : ....
عبدالرحمن : ...
نواف : شفت نامت .. هذا وانا قايلها لا تتأخرين ..
عبدالرحمن : حرام عليك توها نازله ..
..
عايشه : هلالالا نوفاا ...
نوف : هلا والله .. _ وسلمت عليها -
عايشه : ألله وش جايبه ..
نوف :هذولي عشان غرفتك الجديده .. يلا مابي أتاخر .. نواف اللي جايبيني ..
عايشه : أهاا .. طيب ياقلبي مشكوره ماتقصرين ..
نوف - مبتسمه - : العفو .. تستاهلين أكثر .. يلا باي ..
عايشه : باااي .. ثانكيووووووو
- جت نوف ركبت وهي ساكته ووداها نواف البيت -
.................................................. .........
ايش توقعاتكم للجزء الجاي ..؟!!
الرحال
12-02-2007, 12:37 PM
مشكور على القصة الرائعة واصل ابداعك
عذبة الروح
12-02-2007, 03:54 PM
الزاحف...
مشكور على المروور..
وتابع الاجزاء الباقيه :)..
وعلى فكره تراني بنت :>
عزة نفسي تكفيني
13-02-2007, 02:54 PM
مشكورة على الرواية الحلوة
استمتعنا
الله يعطيك العافية
واصلي إبداعك
عذبة الروح
13-02-2007, 10:55 PM
عزةنفسي تكفيني...
يسلمووو ع المروور ^^
ضيـ الفجـر ــاء
16-02-2007, 03:57 AM
غذبة الروح
مشكوره قلبو على الاهداء
بصراحه انا مالي خيال واسع بالتوقعات
لكني وبكل صراحه استمتعت كثييييييييييييييييييييييييير
وانا محلقه بين سطور روايه صديقتك ومتحمسه للباقي
من جد صاحبتك لديها موهبه لازم تشوف النور
هذا من رايي الشخصي
بنتظاااااااااااااااااارك عزيزتي
عذبة الروح
16-02-2007, 01:41 PM
مشكووورهـ ضياء الفجر على المروور...
وتأكدي ان كلامك يوصل لصديقتي اول باول ^^
ودقااايق والجز الثالث ناازل ^^
عذبة الروح
16-02-2007, 01:44 PM
الــجزء الثــالث ..
الساع 5 الفجر دخلت وفاء على غرفه حصه ..
وفاء وهي تهز كتف حصه : حصوووص .. حصوووص
حصه سـاكته وبسابع نوومه ..
وفاء : حــــــــــــــــصه .. حـــــــــــــــــــــــصه ,,
حصه : همممم
وفاء : قومي الساع 5
حصه : ماني رايحه
وفاء : اقولي قومي وبسررعه ,,
حصه ( بصوت عالي ) : قلت ماني رايــحه !!
وفاء : وليش إن شاءالله ماتروحين ؟!!
حصه : بـــــس مااالي خلق ..
وفاء : بكيفك .. وطلعت
وهي طالعه الا تقابل امها ..
لطيفه : قــامت ؟!!
وفاء : تقول ماني رايحه ..
لطيفه حطت ايدها ع صدرها : بسم الله على بنتي وش بها ..
وفاء (تطمنها ) : هههه .. يــمه ,, يــمـه مافيها شي ..
لطيفه : وليه مااتداوم ؟
وفاء : تقول مالي خلق ..
لطيفه دخلت على حصه ..
لطيفه تهز كتف حصه : حــصه ,, حــصه ..
حصه : هاااااااا
لطيفه : قووومي .. لاتتأخرين
حصه : ياربي منكم .. قلت ماني رايحه
لطيفه : وليه ماتروحين ؟
حصه : مابي يمه .. تعبانه ومالي خلق !!
لطيفه : قومي صلي وتتنشطين
حصه : طيب الحين اقوم ..( وقامت )
لطيفه : إلبسي تسمعين ..
حصه : ياربي يمه .. قلت مااني راايحه
لطيفه : اجيب لك بنادول ..
حصه : لااا .. بصلي وانام ..
لطيفه : بكيييفك
وطلعت وهي تحاكي نفسها الله يهديك بس ..
.................................................. .................................
رهف ونوف بالمدرسه ..
نوف: يوووه وش عنده ذا .. تأخر !!
فاطمه : أنتي متى قلتي له يجي؟
نوف: قلت له 1
فاطمه : دقي ع البيت ..
نوف: أدق وترد جدتي ههههههه .. وش بتسوي لي هي .
فاطمه : ههههه .. طيب ع الشركه
نوف: اي صح .. الحين حصه موجوده .. اروح معها ..
فاطمه : طيب رهف وينها ؟
نوف: مع صديقاتها بالساحه .. قالت لي اذا جا السواق قولي لي ,,
فاطمه : طيب .. إمشي نشوف حصه
نوف: يلا
وهم رايحين لفصل حصه .. مالقوا الا بنت .. وسألتها نوف عن حصه ..
وقالت لها انها غايبه ..
نوف: مالي الا ادق ع الشركه .. انتي بتطلعين صح ؟ ولا كان جلست معك ..
فاطمه : اي بعد شوي بتجي الباصات ..
نوف: طيب .. تعالي معي عشان أدق ..
فاطمه : خل ناخذ شناطنا من الفصل أول
وراحوا الفصل ..
فاطمه دخلت واخذت شنطتها .. ووقفت عند الباب تنتظر نوف
نوف جلست اتدخل اغراضها بالشنطه ..
وهي اتدخل أغراضها إلا تلقى كرت لونه زهري .. جوا الشنطه
مسكته واستغربت .. من وين هالكرت جا بشنطتي !!
دخلت فاطمه : وش هالكرت ؟!!
نوف : مدري لقيته بشنطتي .. أفتحه ؟!!
فاطمه ( سحبته منها وفتحته ) : ولا بعد !!
جلست تقراه ..
هههههههههههههههههههههههههههااااي
لااااا لااااااا ماااااااصدق ههههههههههه
بطني بينفجر من الضحك
نوف ( بإستغراب ): وشووو؟! ( واخذت الكرت )
مسكت الكرت وجلست بتقراه ..
الخط خط طفولي وحوسه مره .. والكلام مكتوب باللون الأحمر ..
حاولت تقرا .. بس ماقدرت من صوت ضحك فاطمه العالي ..
مسكته وركزت ..
أحبك يانووف يامعشوقتي الوحيده .. أنتي حبيبتي ولاحد غيرك ..
أحبك وأمووت فيك ..
حبيبتك .. فرح ( وعلى الكرت ستيكرات ورسوم طفوليه ) ..
نوف : ههههه هذي فرح فديتها ,,
فاطمه : هههههههه هالبزره ذي لا ومعشوقتي بعد .. اللي يسمع مسلسل مكسيكي !!
صدق بزران آخر زمن !!
نوف: فاطمه .. لاتقولين كذا !!
فاطمه : اي يحق لك تقولين هالكلام دام لك معجبين إمشي نهزئها تكفين !!
نوف: وشو نهزئها ؟!! تستهبلين ؟
فاطمه : لا أستهبل ولا شي .. أنا أتكلم جد الجد
نوف(عصبت) : فاطمه ! البنت صغيره ولاتعرف هالخرابيط
لاتفتحين عقلها على شي ماتعرفه !!
فاطمه : آآخ بس .. والله يا أنا ودي أطيح فيها تكفيخ
نوف: فطوووم .. ياويلك تقولين لها شي سامعه .!!
فاطمه : ....
نوف: أسمعه يصوت علي . بطلع
فاطمه : يوووه خسااره .. كنت احسب المزيون بيجي
نوف( بإستغراب ) :من هو المزيون ؟
فاطمه : نواااااااااف ..
نوف: هه تبينه ؟
فاطمه : ياليت بس نطري ع باله ..
نوف( ماعلقت وقالت في باالها اكيد انها تمزح ) : ونادت رهف وطلعوا
.................................................. ....
.. بعد اسبوعين ..
وفاء : ياربي في رقم غريب يدق علي من اليوم العصر ..
حصه : يمكن وحده من البنات ..
وفاء : لا ماظن .. كان ترسل مسج وتقولي مين ..
حصه : ههههههه يمكن تبي تهبل بك ..
وفاء : ههههههههه ..ماظن ..
حصه : طنشيه .. لين يمل ..
وفاء جاها مسج .. فتحته ..
( أهلين وفاء .. كيفك ؟ أنا العنود ..هذا رقمي ..
معليش اذا ازعجتك .. )
وفاء : هههه فشيييله . هذي العنود ..
حصه : ههه احلفي ..
وفاء : اي ..
حصه : عاادي قولي لها انك ماتردين ع الارقام الغريبه ..
وفاء : ايي .. خل ادق عليها ..
..
العنود : هلااا والله ..
وفاء : هلا عنود كيييفك .؟
العنود : بخييير الحمدلله . .انتي شلونك ؟
وفاء : طيبه الله يسلمك ..
العنود : شلون الأهل .. طيبيبن ؟
وفاء : كلهم بخير ويسلمون عليك .. وانتي ؟
العنود : طيبين الحمدلله ..
وفاء : كيف امتحاناتك ؟ ان شاءلله حلوه ؟
العنود : الله يستر .. للحين مادري ..
ايام الامتحانات كنت تعبانه شوي ..
وفاء : اهاا ماتشوفيين شر ان شاءالله ..
العنود : الشر مايجييك .. وانتي بشري ؟
وفاء : لا الحمدلله حلوه ..
العنود : شكلي ازعجتك وانا أدق ..
وفاء : ههههه لاا والله عادي .. بس أنا مارد ع الارقام الغريبه ..
العنود : اهاا ..
وفاء : شلونك مع الكليه والحر ؟
العنود : هههه .. متنا من هالحر .. الله يعيين بس ..
وفاء : اي هههههه
-جلسوا يسولفون شوي -
العنود : الوالده جمبك ؟ ودي اسلم عليها ..
وفاء : اي دقيقه اناديها ..
وفاء نادت امها ..
لطيفه : السلام عليكم ..
العنود : عليكم السلاام .. هلا والله خااالتي ..
لطيفه : هلا بك يابنيتي .. شلوونك ؟
العنود : بخيير الله يسلمك .. انتي خالتي شلونك ؟
لطيفه : طيبين الحمدلله .. ماعندنا خلاف
( قعدوا شوي يسلمون على بعض )
لطيفه : الله يغفر للمرحومه ..
العنود : جزاك الله خير ..
لطيفه : والله انك غاليه علي مثل وحده من بناتي .
العنود : وانتي ياخالتي بعد ..
لطيفه : متى تجيننا .. ترا البيت بيتك ..
العنود : اممم (قاطعتها لطيفه )
لطيفه : شرايك بالاربعاء هذا ؟
العنود : اشوف خالتي اذا حصل لي ..
لطيفه : اذا ماقدرتي عدي نأجلها ..
العنود : لا ان شاءالله اقدر .. انا ودي اشوفكم ..
لطيفه : خلاص ..حياك لله ..
العنود : طيب انا ماودي اطول عليك .. واذا ماقدرت قلت لكم ..
لطيفه : ان شاءالله..
العنود :يلا توصيني شي ..
لطيفه : سلامتك ..مع السلامه ..
العنود : الله يسلمك هلا بك ..
...
وفاء - تبتسم -: متى بتجي ؟
لطيفه : قلت لها الاربعاء .. واذا ماقدرت بتقول لنا ..
وفاء : امم حلو الاربعاء . يارب تقدر تجي ..
حصه دخلت فجأه ..وهي تركض
حصه : يممممممممممه .. يمممممممممه
لطيفه – مطيره عيونها- : وشو .. خيييير ان شاءالله ..
وفاء : شصاير بسم الله ..
حصه وقفت - متنحه شوي -
حصه : ههههههههههههههههههههههههههههههههههههههههههه
وفاء : وش فيييييك ؟
لطيفه : ليش ماتتكلمين ..
حصه : مااافي شي . ماافي شي
وفاء : وش صاير اجل .. وش فيك تركضين ..
- حصه بحركه سريعه قربت من امها وهي تبتسم وحضنتها -
حصه : بس بقول لماااامي شي ..
لطيفه - مبتسمه - : قولي حبيبتي ..
وفاء - مطيره عيونها وهي على اعصابها - !!!
حصه : ماااامي أحبك ..
لطيفه : هههه يابعد امك انتي ..
وفاء - معصبه -: سخاااااااااااااافه ..
حصه - وهي جمب امها وحاضنتها -: اي قولي كذا يالمقهوره
وفاء - قامت وضربت جبهة حصه - : يالبزره .. جننتيني ..
حصه : هههههههه .. حمدلله والشكر ..
.....................
وهم بالمدرسه .. معروفه شلة نوف باشهر شله بالمدرسه ..
وكل البنات يتمنون يجلسون معهم .. يمكن لأن اشكالهم حلوه بس .. ولبسهم كان حلو .. وع الموضه ..
والمكان على قولة نوف استرااااتيجي .. بوسط الساحه وكل البنات يشوفونهم ..
عايشه : نوووفااا .. اليوم القهوه عليك ؟
نوف : اي .. جايبه 3 زمزيات..
خلود : جايبه تشوكلت ولانشتري .؟
نوف : لا جايبه .. كل اللي تبون ..
.. بعد شوي ..
نوف : طبعاً تعرفون وين حاطتهم مايحتاج اقول لكم ؟
فاطمه : بالمقر السري .. ههههههههه
نوف : اي
ضحوا كلهم ..
عايشه - تحط قلوس وماسكه المرايه - : والله يا أنا مشتهيه القهوه .. بشكل مو طبيعي
خلود : واناا .. مشتهيتها قوه
رنت الفسحه ..
خلود : بتحضرون ؟ اناصراحه مالي خلق ابدد
عايشه : وانا .. ماني حاضره ...
فاطمه : count me in
جت وحده من المعلمات تقومهم ومعروفه هالشله بالذات لازم تجلس فوق روسهم ..ولا مايقومون ..
عايشه : روحوا الفصل .. لاهدت الاوضاع طلعنا ..
فاطمه : حلووه .. ههههههه
راحوا البنات لفصولهم .. الأبله ماكانت جايه ووقفوا بالسيب اللي عند الفصل ..
فاطمه : يلا امشي نوف ..
نوف : وين ؟ بتهجين ؟
فاطمه : ههههه اي ..
نوف : انا بحضر من زمان ماحضرت ..
فاطمه : تعالي يالخبله .. بنتقهوا ..وناسه
نوف : لا مو مشتهيه .. بطني يعورني ..
فاطمه : خخخخ .. بكيييفك .. انا بطلع ..
طلعت فاطمه .. ونوف دخلت للفصل ..
عبير - اللي كانت جالسه على طاولتها ومبتسمه-: نوف
نوف - مبتسمه - : هلااا
عبير : طلعت فطوم ..
نوف : اي بتهج !!
عبير: وانتي غريبه ؟؟
نوف - تستهبل -: لازم اسوي اثبات وجود .. لو يوم.ههههه
عبير : هههههههه حلللللوه .. طيب تعالي اجلسي جمبي ..
نوف : تيب ...
عبير - مبتسمه -: حلوه تيب ..
- نوف جلست جمب عبير-
نوف : ايي شخباارك ؟
عبير :طيبه .. انتي كيفك .؟
نوف : بخير الحمدلله ..
دخلت الابله وشرحت الدرس وطلعت نوف ..
وراحت لمكان الشله المعروف .. والبنات كانوا يتقهوون
نوف : سلااام بنوتاات ..
عايشه : هاا ياالدافووره كيف الحصه ..
نوف : خخخ .. والله حلووه ..
ماشاءالله من اللي عازمكمم ؟
فاطمه : ههههه .. أنتي ..
نوف مطيره عيونها:...أنا ...!
خلود : شفيك نوف ؟
نوف : ياخبووول .. مو هذولي اللي انا جايبتهم ..
عايشه : لااااا لااا تقولين ..
نوف : واللللله ..
- البنات تركوا الفناجيل -
خلود : وعع .. وش شربنا حنا اجل ..
نوف : مدري عنكم .. انا قلت لكم تعرفون المكان اكيد..وفاطمه قالت المقر السري .. قلت اي ..
خلود : وشوووووووو المقر السري الله يعافيك ..!!!
نوف : عند البوابه .. المكان اللي نتغبى فيه لاهربنا ..
عايشه : الله يقرفك بس .. وش اللي شربناه هذا هااا ..
فاطمه : الله يستر لايجينا تسمم ..
نوف : ههههههه احسن .. تستاهلوون .. هذي آخره الهج ..
جت بنت ووقفت عندهم رفعوا روسهم لقوها واقفه وتناظرهم بتعجب ..
البنات سكتوا ..
نوره : الظاهر هذولي زمزمياتنا !!
الشله كلهم : ....
نوره : قلة أدب !!
الشله : ههههههه
نوف : معليش .. كانوا يحسبونهم اللي انا جبتهم ..
عايشه : خذي قهوتك مانبي شي ..هههههههه
فاطمه كانت جالسه جمب نوره .. وضحكت بقوووووووه ..
عايشه : والله !
خلود : قهوتك وخذيها .. وش تبين بعد .؟
نوره : ....
فاطمه : تبيننا نجيب لك كيلوا قهوه ودرزن زمزميات جبنا ..
نوف قامت : معليش .. نوره صح ؟
نوره : اي ..
نوف : امسحيها بوجهي .. حقك علي
نوره : لا معليش ..وخلت الزمزيات وراحت ..
والبنات حطوهم على جنب ..
عايشه : قررررررررف ..
خلود : الحين مادري شلون تجرأت تجي وعماتها يتقهوون ..
نوف سكتت -بقلبها - : ياربي .. ليه انتم كذا .. حرام الي تسوونه ..
( نوف كانت دايما تحس بضعف قوي .. وماتتجرأ تنصحهم يمكن لانها تحبهم .. مع انها عارفه ان الحق مع نوره )
.................................................. ..........
انتظر توقعاتكم ...
وحتى لو ماتعرفون ^^
ضيـ الفجـر ــاء
17-02-2007, 07:45 PM
والله قرف اتقهو من زمزميات غيرنا
هههههههه
موقف صراحه
المهم
بالنسبه لنواف وعبد الرحمن يرجعون لاخوياهم
اما العنود اتوقع انه يصير لها شي وتعتذر عن الجيه
والله اعلم
مشكووووووووووووووره
من جد استمتعت واتمنى توقعاتي صح
ننتظرك
عذبة الروح
17-02-2007, 09:08 PM
مشكووره ضياء الفجر على المروور .
والله محد شجعني انقل القصه واكمل نقلها الا انتي :$..
اممممـ الحين بنزل جزء وشوفي توقعاتك صح او لا ..
لاني من زماان قاريه الجزء :> ..فا ناسيه اللي صار خخخخ
انتظريني
عذبة الروح
17-02-2007, 09:16 PM
--------------------------------------------------------------------------------
الــجزء الــرابع ...
في بيت عبدالمحسن ..
دخلت رهف على غرفة نوف .. اللي كانت مشغله الاستريو على صوت عاااااااالي وجالسه عند التسريحه تحط ميك أب ..
رهف: نوووف وش ذاااااااااا
نوف : هلاااا .. الأماااااكن ..
رهف - سكرت الاستريو- : بالله .؟
نوف :اي الأماكن .. حلوه صح ؟ ليه سكرتيه ..
رهف : أنا ماسألك عن الاغنيه ياخبله .. ليه مطوله الصوت على اعلى شي ..
نوف - تستهبل - : عشان أنطرب مع الأماااااااااااكن .. آه .. الأمااااااكن
رهف :لاحول . .الله يهدييييييييييييك صح صحي ..
نوف : ههههههه وش عندك انتي ؟
رهف : أنتي اللي وش عندك .. ماشاءالله متروشه ومتلبسه ووتزينين وين رايحه ؟
نوف : بروح بيت فطوم
رهف : مااشاءالله .. وأنا آخر من يعلم هااا .؟
نوف - تبي ترفع ظغط رهف -: لازم أستأذن منك
رهف : ...!!
نوف : امزززززززح .. انتي كنتي نايمه شلون اقول لك ؟
رهف : طيب .. سألتي ابوي .؟
نوف : خخخخخ .. ابوي داري عنك بس .. ماسمعتي بآخر خبر ..
رهف : وشوو ؟
نوف : ابوي مسااافر ..
رهف : وين رايح ؟ ومن قال لك ؟
نوف : رايح المانيا عنده شغل ..
رهف : ...
نوف : ...
رهف : طيب من قاال لك ؟
نوف: نواف.. يقول انه راح اليوم الصباح ..
رهف : غريبه ماقال لنا ..
نوف : ومن متى ماشاءالله وهو يقول لنا ..
رهف : ...... طيب .. طيب انتي متى بتجين ؟ لاتتأخرين ..
نوف : مدري ..
رهف : من بيجي طيب ؟
نوف : كل الشله .. عايشه وخلود وانا وعبير ..
رهف : طيب .. وانا بجلس لحالي يعني .؟
نوف : ههههه عندك جدتي ..
رهف : ياحبي لهااا..
.................................
في بيت فاطمه البنات كلهم جوا ..
جت الشغاله تضيفهم .. ومدت العصير لنوف ..
فجأه .. بدون إحساس الشغاله المسكينه انكب العصير منها على نوف ..
وصرخت فاطمه عليها : عمااااااااااااااااااا ..
نوف قامت على طول ومسحت العصير ..
الشغاله- متفشله وخايفه -:soorey .. nooP
نوف - ابتسمت- : it is ok
فاطمه : الحين انتي عميا ماتعرفين تقدمين العصير لعمتك ولا ونوب بعد .. يلااااا فارقي عن وجهي ..
طلعت الشغاله وهي ساكته ومتفشله ..
نوف : عادي فطوم .. ماصار شي ..ليه تفشلينها ..
فاطمه : وش اللي عاادي .. هذولا ماينفع معهم الا العين الحمرا اللي اتادبهم ..
نوف : طيب ماصار شي .. العصير زل من يدها ..
وراحت عند المغسله تمسح العصير اللي على ملابسها ..
فاطمه : نوووووف
نوف : هلاااا ..
فاطمه : جوااالك يرن ..
نوف : مين ؟ انا مشغوله دقيقه ..
فاطمه : مكتوب .. نواف
نوف : عطيه رفض هالمزعج شيبي ..
فاطمه : طيب طيب ..
نوف -عطت جوالها لفاطمه- : امسكيه .. اذا دق عطيه رفض الحين بجي ..رجعت نوف بعد عشر دقايق ..
لقت عبير وعايشه وفاطمه يضحكوون بقووه ..
نوف : شعندكم ؟ ضحكووني معكم ..
عايشه : ههههه ولا شي .. ؟
نوف – ابتسمت وجلست -
كلمت نواف ..والبنات مايستحون وبدوا يستهبلون ويصارخون عشان تطلع اصواتهم ..
قامت نوف لاخر المجلس وجلست تكلم ..
نوف : هلا نواف ..
نواف : هلا بك .. وين انتي فيه ؟ ووش هالازعاج اللي عندك
نوف : انا ببيت صديقتي ..
نواف : ومالك اخو تستأذنين منه لاصار ابوك مسافر ..
نوف : معليش .. ماجا ببالي ..
نواف : لاتعيدينها سامعه .. أي مكان تبين تطلعين له قولي لي اذا كان ابوي مسافر ..
نوف : طيب طيب .. أنا آسفه ماراح اعيدها ..
نواف : قلتي لرهف عن ابوي ؟
نوف : اي قلت لها ..
نواف : طيب لاتتأخرين عند البنت .. حدك 11 سامعه ؟
نوف : ياااربي .. طيييييب
نواف : يلا تبين شي ؟
نوف : لا سلامتك .. باي ..
نواف : مع السلامه ..
رجعت نوف وجلست مع البنات ..
عايشه : شيبي ؟
نوف . .آآه .. كان بيسألني عن شغله ..
.................................................. .............
الساع 2 بالليل ..
كانت جالسه لحالها .. بمكان كله ظلما ..خايفه كثير وترتجف .. فجأه شافت سراب الناس اللي تعرفهم ..
شافت نواف .. وشافت أمها وابوها .. شافت حصه .. ورهف ووفاء ..وفاطمه ..وعمها
كانت جالسه على الارض .. وحاطه يدينها على راسها وتبكي .. وتبكي ..
وتحاكي كل الناس اللي جمبها ..وتصيح ..
لااا .. لاااا تكفوون لاتخلووني .. واطيافهم تمر جمبها .. وتناظرها ببرود ولا ترد عليها .. كأنها ماتشوفها ..
قامت تركض راحت لامها .. يمه .. يمه لاتخليني تكفين .. يمه لاتخليني ..حاولت تلمسها وتقرب منها ..
لقتها سراااااب .. وكأن امها بالحلم ماتشوفها ولاتدري انها موجوده ..
راحت لنواف : نوااف انت اخوي لاتخليني طلبتك لاتخليني .. والتفت نواف ببرود للجهه الثانيه ولاكانه يشوفها ..
راحت لرهف : حاولت تمسك يدها .. وقدرت تحس فيها هي الوحيده.. رهف .رهف
انا خاايفه لاتخلووني .. رهف تكفين لاتخليني .. يارهف ..
رهف وعيونها كلها حزن ودموع : حبيبتي .. انا لازم اروح ..
نوف : لااا انا مقدر اعيش من دونك يارهف لاتخليني .. لاتخلييني ..
ونزلت عند رجلين رهف .. ومسكتهم وجلست اتصيح واتصيح وتردد لاتخليني .. نزلت عندها رهف وحضنتها ..
قامت مفجوعه .. وهي تتنفس بصعوبه وتبكي ..بسم الله الرحمن الرحيم ..
ياربي ... وش هالحلم .. تعوذت منه .. وقرت المعوذات ونفخت بالثلاث على يمينها ..جلست شوي بسريرها ..
شافت الساعه 2 ..
قامت بتشرب مويه . السيب ظلما .. غرفه نواف قدامها .. وبعدين غرفه رهف ..
تعثرت بالارض وبغت تطيح ..بـأغراض نواف اللي جمب بابه ..
نواف صاحي .. واللمبه مولعه بغرفته .. جت بتطق عليه ..
سمعته يكلم ويضحك بصوت عالي : يعني اقول لك فوفو ..
....
نواف : هههههه .. اي اجل قد اختي ..
.....
نواف : انا طيب .. دامي اسمع هالصوت الحلو ..
....
نواف : ههههههههههههه ..يقولون ..
....
ابتعدت عن بابه .. كالعاده تكليم ..
شربت مويه ودخلت لغرفه رهف لقتها نايمه بهدوووء ..
راحت نامت جمبها على سريرها .. وحظنتها وبوستها على خدها وتغطت معها ..
رهف - ابتسمت - : هممممم .. نوف؟
نوف : اي .. ابي انام جمبك .
رهف : .....
نوف - بقلبها - : الله لايفرقنا ..
ونامت جمب رهف ..
.............................................
في بيت ابو خالد ..
وفاء : يمه تراني شفت العنود اليوم بالكليه .. تقول بتجينا إن شاءالله يوم الاربعاء ..
لطيفه : الله يحييها ..
.................................................. .................
يوم الاربعاء العنود بالطريق ..بتجي لبيت بو خالد .. ومضيعيين ..
فهد :خلصيناااا دقي على أحد منهم يوصف لك ..
العنود : انا وش جابني معك .. ليتني رايحه مع محمد -زوجها-..
فهد : هههههه .. اقووول لااايكثر وبسررعه دقي ..
العنود : طيب طيب .. الحين ادق على وفاء ..
فهد - غص قلبه - : وفاء ؟ ياقدمهااا .. هههههه
العنود : اي .. والله انهم ذووق كلهم ..
فهد - مبتسم وهو يتذكر وفاء-: اجل ليش ماتخطبينها لي ؟
العنود - استانست وماصدقت - : تبي اخطبها لك ؟
فهد : اممممم .. هي حلوه
العنود : هذا اللي هامك ؟
فهد : هههههههه .. كانها ماتغيرت من يوم كانت بزر فهي حلوه ..
العنود : اي حلوه ماشاءالله ..
فهد - يستهبل -: خلاااص اخطبيها الحين ..
العنود : ترا أسوييها .. هههههههه
فهد: ماتلاحظين زوديتها .. دقي ع البنت بسرعه ..
العنود : هههه .. واقولها .. اخوي يبي يخطبك ؟
-فهد لف وجهه للعنود اللي كانت جالسه جمبه ناظرها شوي بعدين ضحك من دون شعوره :بسرعه بس .. تحسبيني فاضي لك ..
العنود : ههههههه طيب ..
فهد : حطي سبيكر .. اذا عجبني صوتها خطبتها ..
العنود : حلوه ذي !
..
وفاء : هلا عنود ..
العنود : هلا والله ..
وفاء : شلونك ؟
العنود : طيبه الحمدلله .. انا بالطريق جايه .. بس مضيعين شوي ..ابيك تدليني ..
وفاء : اممم .. انتم وينكم الحين ؟
العنود - تسأل فهد - : حنا باي حي؟
فهد : الـ**
العنود قالت لوفاء ..
وفاء : اي اي . وقفوا عند اول بيت .. اللي لونه بيج .. هذا هو بيتنا ..
العنود : اللي ببدايه الشارع ..؟
وفاء : ايييي .. عليك لمبه ..
العنود : ههههههه .. - تحاكي فهد -اول بيت فهد
فهد : بدايه الحي ولا نهايته ؟
العنود : وفاء بدايه الحي ولانهايته ؟
وفاء : لا بدايته .. اول بيت على يمينك ..
العنود : طيب انا جايه الحين ..
وفاء : حياك . ننتظرك ..
وسكرت منها ..
...
راح فهد عند البيت : لااا حلووه .. وتعرف توصف صح ... خلاص ابيها ..
العنود : طيب نتكلم بعدين الحين انا بنزل ..
فهد : يلا فارقي .. هههههههه
العنود : اي بطلع بكرامتي احسن . مع السلامه ..
فهد : مع السلامتين .. ههههههههه
........................................
رنت العنود الجرس وفتحوا لها ..
وهم يتقهوون ..
لطيفه : حيا الله من جااانا ..
العنود : الله يحييك ويسلمك ..
وفاء : أجل زين دليتوا ..
العنود : اي .. انا فهمت على وصفك صح .. بس اللي ضيعناه البيت مو الحاره ..
وفاء : اي ..
العنود : ماشاءالله .. حلوه حارتكم ..
وفاء : اي .. كل اللي حولنا بيوت جدد ..
دخلت حصه .. تفاجئت العنود لما شافتها ..
حصه : السلام عليكم ..
ردوا السلام .. وسلمت حصه على العنود ..
العنود : ياربي هذي حصه .. مااااصدق
حصه - مبتسمه - ..
العنود : ماشاءالله .. كبرتي وصرتي قمر ..
حصه - مبتسمه - : الله يسلمك . هذا من ذوقك والله .
..
قرب وقت العشا ..
العنود - تفكر - : فهد .. متقبل فكره خطوبه وفاء .. والبنت حلوه ماشاءالله وماناقصها شي لامال ولا جمال .. واهم شي من هذا كله ..
اخلاقها ودينها .. وتربيتها اللي انا اعرفها زين .. وانا اعرفهم من زمان وعلاقتنا معهم زينه ..
..آآه ..الله يرحمك يمه .. متي وانتي ماشفتيني لا انا ولا فهد نتزوج
ليتك اليوم جمبي وشاورتك .. كنتي بتفرحين ..
قاطع تفكيرها صوت وفاء ..
وفاء : عنود ..
العنود : هلا وفاء ..
وفاء : يلا تفضلي ع العشا ..
.................................................. ................
بعد اسبوعين بيوم الخميس قرروا يطلعون المزرعه مع بعض ( عبدالله وعبدالمحسن ) وعيالهم ..
طلعوا من الظهر بيتغدون ويسهرون بالمزرعه ..
راحوا كلهم بسياره وحده مع سواق عبدالله.. وحطوا كل الأغراض بسياره ثانيه مع سواق عبدالمحسن ..
نوف : حصه جايبين الدباب ؟
حصه : اي جايبينه.. أكيييييد ..
رهف : أنا ماني راكبه معك ياوفاء .. عقب هذيك المره ..
وفاء : خوااااافه .. ههههه
رهف : ههههه حرام عيك .. أنتي اللي تطيريين .. وانا صراحه مابعت نفسي ..
وفاء : هههههه ..اجل لو تركبين البانشي وش تسوين ؟
نوف : واااااااو .. أنا أحبه هذا يجننن ..
وفاء : تراه بالمزرعه عقب آخر مره ..
نوف : والله ؟
وفاء : اي ..
حصه : متى آخر مره جينا .. ما أخذناه ..
وفاء : يووه .. تكلمت الذكيه عااد ..انا ماقلت حنا .. هههههههه
حصه : أجل مين ؟
وفاء : عقب خاالد .. يوم يعزم أصدقائه بالمزرعه ..
حصه : أهاا .. على طاري خالد .. بيجوون يمه ؟
لطيفه : اي .. بيلحقوناا..
عبدالمحسن : نوف ..
نوف : سم يبه ..
عبدالمحسن : كلمي نواف .. خليه يجي للمزرعه ..
نوف : الحين ؟
عبدالمحسن - بعصبيه -: لا بكرا .. اي الحين أجل متى ؟
نوف -تفشلت- ..
حصه - تضرب كتف نوف وبصوت واطي - : ههههههههه لقطي وجهك ..
نوف - بصوت واطي -: اسكتي انتي .. ناقصتك أناا ..
رهف ووفاء : هههههه
نوف ..تكلم نواف ..
نواف : الوو
نوف : هلا نواف ..
نواف : هاا .؟
نوف : طيب اصبر بسلم أول .. شلونك ..؟
نواف :ههههههههه طيب .. أنتي شلونك ؟
نوف : ههههه .. بخير .. إسمع .. حنا بنروح المزرعه الحين .. يقول ابوي تعال..
نواف : والله حاله .. يعني ماتكتمل الطلعه الا بي..
نوف - بصوت واطي -: اسمعني .. تراه معصب .. تعال ..
نواف : لا حووول .. طيب..
نوف : بقول له انك بتجي ترا .. وانا مالي دخل سامع ؟
نواف : طيب طيب يلا ..
نوف : مع السلامه ..
..
عبدالمحسن : وش يقول .؟
نوف : بيجي يبه ..
راحوا المزرعه والجو كان يجنننننن .الغدا جايبنه معهم من البيت .. جلسوا شوي بعدين تغدوا ..
نوف : حلو لبسك حصه .. هذا البنطلون اللي من next
حصه : اي .. صدق حلو ؟
نوف : اي يجننن مره كيووت ..
لطيفه : حلوو .. بس مو مع هالبلوزه ..
حصه : وشبها البلوزه ؟
لطيفه : شوفي كل ايدينك طالعه..
وفاء : البلوزه طالعه مع موديل البنطلون جناان .. لانها كت وطويله ..ع الموضه ..
رهف : حلو التطريز اللي بالبنطلون من تحت .. مناسب مع لون البلوزه ..
حصه : اي
....
الساع 6 جت جواهر ..
جواهر : السلالالالام علييييكم ..
كلهم ردوا السلام وقاموا يسلمون ..
حصه سلمت على جواهر بسرعه وراحت تركض ..
جواهر : هييه .. هييه وين يالمرجوجه؟
حصه : بروح اشوف في .. مشتاقه لها ..
وفاء : هههههه .. جيبيها تسمعين .. مو تاخذينها وتنسين ان لها اهل غيرك ..
حصه : طيب .. بس وينها هي ؟
جواهر : بالحوش عند الشغاله ..
راحت حصه تركض .. ومرت على مجلس الرجال على انو مافي احد غريب .. وهي طالعه من عند الباب مسرعه مررره..
الا تصدم بواحد طوييل .. وطاحت هذيك الطيييييحه ..
حصه وهي منزله راسها - على بالها انه خالد - : آخخخخ.. تكسرت ..
نواف : بسم الله على قلبك ..
حصه - انقبض قلبها يوم سمعت الصوت - : ...
رفعت راسها على طول بتشوف مين .. واول مارفعت راسها الا تلقاه نواف ..وتنزله على طول ..
نواف : هههههه ماتعرفنا ؟
حصه حطت ايدينها فوق راسها - كانها بتستر على نفسها بس شكلها كاان نكته مرره وهي وخايفه ومرتبكه كثير -
نواف : هههههه .. طيب انا اخليك ياحلوه .. وراح وهي جالسه على الارض بنفس الحركه وحاطه ايدينها على راسها ..
نواف راح لانه شافها تفشلت مررره ولاكان ناوي يقومها لانه جريء ومايستحي.. وحصه قامت على طول ..
حصه : ياااربي فشيييييله .. هذا نواف .. من جد قليل أدب .. ومايستحي على وجهه ..
رجعت عند الحريم دخلت بهدوء وهي تتذكر الموقف ومبتسمه وتضحك من جواتها .. الا يقاطع تفكيرها صوت وفاء ..
وفاء: ويييييين في؟
حصه - كانت منسجمه وهي تتذكر الموقف -: وجع .. خرعتيني .. تبينها روحي جيبيها ..
وفاء : مو رحتي تجيبينها ؟
حصه - مرتبكه - : مادري .. انشغلت ..
نوف : وش رحتي تسوين الله يعافيك ؟
حصه : هاا .. كنت اكلم وحده ..
رهف : تعالي اجلسي .. ليش واقفه بنص الغرفه بسم الله عليك ..
حصه - بعد ماحست بنفسها - : هذني جايه ..
جواهر : خالتي .. ترا خالد بيسوي العشا ..
حصه : وش بيسوي ..؟
نوف : تكلمت الدبه .. يوم جا طاري الاكل ..
حصه : حرام عليك . ههههههههه
جواهر : ههههه .. مدري اظن باربيكيو ..
نوف : يمممي .. ههههههه
حصه : من هي الدبه هااا..هذا وانتي توك متغديه ..!!
ضحكوا كلهم ..
..............
الساع 8 العشاء .. البنات ركبوا بالدباب واستانسوا مرره ..ونواف ماقدر يشيل حصه من باله ..
اول ماشافها عرف انها هي .. لانه مشهوره بالرجه والركض .. من يوم كانت صغيره ..
ويقول في باله : يااربي .. هذي حصه .. أتذكر يوم كنا صغار كانت تلعب مع العيال .. وشووشتها كانت دايم طايره ..
كانت مزعجه وبس اتصيح .. والحين كبرت وصارت قمر ..ياحلو شعرها .. يجنن
نواف عقب هواجيس و هواجيس .. يكلم نفسه .. انت ماتستحي .. اترك البنت في حالها ..وطلع بالحوش ..
.....
دق خالد على جوال حصه ..
حصه : هلا خالد ..
خالد : هلا بك ..شوفي حصه ..
حصه : ها ؟
خالد : ابيك تجيبين لي ولاعه الحين ..
حصه : من وين اجيب لك ؟
خالد : اسئلي امي ..
حصه : وذا مالقيت ؟
خالد : مدري عنك .. ههههههه .. احفري الارض وطلعي لي ..
حصه - بقلبها - : والله البلشه !!
طيب طيب .. بشوف ..
خالد : يلا لاتتاخرين لازم ابدا بالعشا من الحين ..
...
حصه : يمه في ولاعه ؟ خالد يبي ..
لطيفه: اسئلي الشغلات ..
حصه سئلت الشغلات ومالقت ..
حصه : ياربي .. طيب كبريت مافي ؟
دخلت رهف للمطبخ : شتدورين حصه ..
حصه : ادور ولاعه ولا كبريت خالد يبي ..
جواهر دخلت : ماظن انهم جايبين .. خالي قايل لخالد يجيب كل اغراض العشا معه ..
حصه دقت على خالد : خالد مالقيت ..
خالد : وشو ؟
حصه : مالقيت لاولاعه ولا كبريت ..
خالد : طيب طيب .. اسمعي .. جيبي لي من سيارتي .. في ولاعه تلقينها بالدرج ..
حصه : مفتوحه السياره ؟
خالد : اي ولاتتاخرين بسرعه ..
..
طلعت حصه بالحوش .. من باب الحريم اللي على جنب ..
الحوش مشترك بين الرجال والحريم .. كان نواف واقف من بعيد بس حصه ماشافته ..
التفت يمين ولا يسار اذا في احد .. وماشافت نواف لانه هو اللي تتغطى
عنه بس .. .. تطمنت ..وقالت .. الحين يصير لي مثل اليوم بعد .. ويطلع لي احد ..
ركبت السياره .. ونواف كان يراقبها من بعيد بس هي ماتشوفه ..سبحان الله يالصدف ..
مرتين اشوفها بنفس اليوم .. انا طلعت ابي احاول انساها .. الا هي طالعة لي .. آآه بس .. أخذت عقلي هالبنت ..
حشى مهي بشر .. قمر ..
حصه دورت مالقت ..
دقت على خالد ..
حصه : خالد مالقيت ..
خالد : انتي وينك الحين ؟
حصه : بسيارتك ..
خالد : هذني جاي لاتروحين . عشان اوريك الولاعه بعيونك ..
خالد طلع .. ولقا نواف بيدخل ..
خالد ركب بالسياره وهو معصب وسكر الباب بسرعه : ماشاااءالله علييييييك ..
حصه : وشو ؟
خالد : طالعت لي كذا بلا عبايه ولا شي .. تحسبيننا بالبيت ..!
نواف واقف عند باب الرجال .. شكله شافك وشبع منك بعد ..
حصه -بقلبها - لا حول مرتين بنفس اليوم -: وش اسوي انت قلت لي .. اطلعي بسرعه .. ان شاءالله انه ماشافني ..
خالد - طلع الولاعه من الدرج - : وهذي وشي .؟ يلا فارقي عن وجهي ..
حصه : طييببب أعصاااااابك .. - وراحت عند الحريم -
جلسوا يسولفون شوي ..
بعدين دخلت ام عبدالله عليهم .. وهي تضحك ..
رهف : شفيك يمه ..
ام عبدالله : هذا نواف .. يقول يبي يتزوج ..
نوف ورهف: هههههههههههههههه
حصه - بقلبها - : الله يعيين اللي بتاخذك ..
.................................................. .....................
ايش تتوقعون هل نواف بدا يحب حصه ولالا .. وايش راح يكون شعور فهد لو عرف ان العنود ناويه تخطب له وفاء .. تابعوا الاجزاء الجايه وانتم تعرفون
ضيـ الفجـر ــاء
17-02-2007, 10:57 PM
اتوقع ان نواف فعلا غزاء قلبه الحب
واعجبته حصه
اما عن فهد اعتقد انه مايتزوج وفاء
تسلمييييييين والله بداء الحماس الحين
ننتظر يوم الخميس للباقي
**نبض الخفوق**
17-02-2007, 11:15 PM
مشكوووووره عذبه الروح القصه مبينه حلوه
اقراها وبردلك قريب لاني توني شفتها
مشكوووووووره
دمتي بود
الوافي
18-02-2007, 04:10 AM
الله يعطيكي العافيه على القصه
بقراها ولي عودة ...
دمت بود
عذبة الروح
19-02-2007, 02:25 AM
ضياء الفجر..
بعض توقعاتك صحيحه ^ـــــــــــــــــــــــ^..
انتظريني الخميس الجاي مع الجزء^^
-----------------------
نبض الخفوق..
الوفي..
انا بنتظاركم...
واشوف تواقعاتكم^^
ضيـ الفجـر ــاء
19-02-2007, 10:45 AM
بنتظارك !!!
عذبة الروح
19-02-2007, 07:05 PM
شوفوا
عدوا معاي ..
الثلاثاء ..الاربعاء ...
والخمييس بيكووون الجزء عندكم :>
الطائـر الجريـح
20-02-2007, 09:46 AM
مشكوره والله استمتعت بالروايه وبنتظار الخميس للتكمله
الف الف شكر
واعتقد الاخت ضياء الفجر ماقصرت
وانتي بعد ماقصرتي بنقلك لروايه صديقتك
مشكوووووورهــ
اخوك
الطـــــــــــائر الجريح
عذبة الروح
20-02-2007, 07:45 PM
الطائر الجريح...
مشكووور على المروور...
ومتابعتك للقصه ^^
انتظر الخميس مع الجزء^ــ^
عزة نفسي تكفيني
22-02-2007, 12:21 AM
مشكوووورة على نقل رواية صديقتك مره جنـــان يالله متحمسة متى يجي الخميس ..
ما أقدر أصبر للخميس الرواية مررة خيال ماشاء الله على صديقتك إبداعها مرة حلو؟؟؟؟ طيب لو سمحت كم جزء الرواية ....طويلة أتمنى تكون كذلك....
أنتظر الخميس بفارغ الصبر أرجوا إنك ماتتأخرين..
بنتاظرك والشوق يتملكني لإكمال الرواية الأكثر من رائعة...
مشكوووووووووووووووورة لك ولــ صديقتك""
عذبة الروح
22-02-2007, 02:19 AM
عزة نفسي تكفيني...
مشكووورهـ على المروور ..والمتابعه...
وتاكدي ان اعجابك للروايه يوصل لصاحبتها ^^...
والروايه اجزائها واصله العشرين تقريبا ...
انا بنزلها لكم ..لحد ما نوقف وياها بالجزء الاخير ^^
ويمكن تخلص منزله الاجزاء وانا للحين انقلها لكم ^ــ^..الله اعلم
وانا احتمال ما ادخل الخميس..اللي هو اليوم مدري بكرا ^ــــــــــــــــــ^...
عشان كذا قلت بنزل الجزء الفجر ..واذا جوا يشوفوه^o^
دقااايق والجزء عندكم
عذبة الروح
22-02-2007, 02:21 AM
الـــجزء الــخامس ..
بعد اسبوع ..
العنود وفهد جالسين عند التلفزيون ..
العنود : فهد ..
فهد : هاا
العنود : ودي اكلمك بموضوع ..
فهد : شعندك .. قولي ..
العنود : .........
فهد : يارب اتكلم ..
العنود : تبي تتزوج ولالا ..
فهد : ههههههه .. لهالدرجه مثقل عليك ..
العنود : ماتبيني اخطب لك وفاء ..
فهد : وفاء ؟
العنود : اي وفاء .. بنت خالتي لطيفه ..
فهد : انا تعبان الحين .. نتكلم مره ثانيه ..- وطلع لغرفته ونام-
العنود - مستغربه - وتكلم نفسها : غريبه .. فرق بين كلامه يوم يوديني والحين .. انا ماصدقت انه فتح السالفه هذاك اليوم ..
يمكن كان يمزح ولا يستهبل ..لازم اقنعه قبل تطير البنت وتصير لاحد ثاني ..
- العنود - ماحبت اتضايق فهد بهالموضوع حتى ماتكرهه بالزواج - لانو من يوم توفت امه وهم مافتحوا السالفه .. على اساس انها كانت بتخطب له ..
بس توفت عقبها بيومين ..وعقبها مافتحوا موضوع الزواج..الا يوم يوديها لبيت بو خالد ..
.................................................. ........
بعد شهرين خلصت الامتحانات الشهريه وقرب الفاينل .. تكررت الزيارات بين بيت بو خالد والعنود ..
العنود حامل .. بشرت لطيفه وبناتها ..وراحت لهم أكثر من مره ..
العنود جالسه بالصاله هي وزوجها ..
محمد : معقوله ياالعنود .. شهر كامل فيه كائن حي ببطنك ولا درينا ..!
العنود : هههههههههه .. طيب هالكائن الحي ودك يكون بنت ولا ولد ..
محمد- مبتسم- : اللي يجي من الله .. حياه الله ..
العنود : ودي ببنت عشان البسها واشتري لها اشياء .. انا اذا رحت السوق انجن اذا شفت اغراض البنات ..
محمد : ههههههه ..
.. بعد شوي ..
العنود - بقلق -: اقول محمد ..
محمد : عيون محمد ..
العنود : تسلم عيونك حبيبي ..ماشفت فهد اليوم لي كم فتره ماشفته ؟!
محمد : لا والله ماشفته ..
العنود : أنا خايفه عليه ..
محمد : طيب دقي على جواله ..
العنود : دقيت كم مره موبايله مقفل ..
محمد : جربي الحين .. يمكن يرد ..
العنود كانت بتدق على فهد .. فجأه الاه داخل ..
فهد : السلام عليكم ..
محمد والعنود : وعليكم السلام ..
محمد : الطيب عند ذكره ..
فهد : الله يسلمك .. وش تقولون عني .. اعترفواا
العنود : ههههههه .. طيب تعال اجلس ليه واقف ..
جا فهد وجلس ..
محمد : يلا أنا أستاذن ..
فهد : وين ؟ وين ؟
محمد : واحد من الشباب عازمني .. مابي أتاخر عليه ..(وقام)
العنود : الله معك ..
.. طلع محمد ..
جلس فهد عند وفاء وهم ساكتين .. بعد شوي ..
العنود - بحنان-: وش فيك ياخوي .. حالك مضايقني ..
فهد : ليه وش فيني ؟
العنود - خنقتها العبره-: طالع شكلك .. شلون صاير .. من يوم توفت امي ..وانا ماشوفك
ولا اجلس معك الا نادر .. دايم متضايق .. ومهمل نفسك ..
فهد : مافيني شي يختي .. تطمني ..
العنود : شلون اتطمن .. وانت ماتجلس بالبيت ابد.. من زمان ماشفت ضحكتك .. ولهانه ع الجلسه معك
فهد - بداخله - : آآآه وش اقول ووش اخلي ياعنود ..
العنود : فهد . والله ماتهوون علي اشوفك كذا واجلس ساكته - وبدت تبكي -
فهد : بس ..ياعنود ..قطعتي قلبي ليه تبكين ؟
العنود : أبي اشوفك متزوج .. ابي اشوفك مبسوط مثل عيال الناس .. اللي صار لامي المفروض مايمنعك من الزواج ..
امي كانت تبي تشوفك متزوج ومبسوط بحياتك ..
فهد : بتزوج بالعنود .. بس لاتبكين ..
العنود - ابتسمت غصب عنها - : يعني تبي تسكتني ..
فهد : لا وربي .. بس الله يرزقني ببنت الحلال ..
العنود : بنت الحلال موجوده ..
فهد : من هي ؟
العنود : شرايك بوفاء ..
فهد : آآه مدري ياعنود .. اللي تشوفينها مناسبه اخطبيها لي ..
العنود - فرحانه ومو مصدقه - : والله ؟
فهد - مبتسم - : والله .
العنود : الله يسعدك ياخوي .. ويرزقك اللي تستاهل لك .. يعني اكلم الناس ؟
فهد : اي كلميهم ..
.................................................. ...................
بعد يومين . كلمت العنود لطيفه وقالت لها انهم يبون وفاء لفهد ..
لطيفه : والله ونعم بكم .. وفهد ماينعاب .. بس لازم آخذ راي البنت ..
العنود : الله يسلمك .. ماعليك زود .. أكيد حق وواجب ..
لطيفه : خلاص .. أسبوع ان شاءالله ونرد لكم ..
....
لطيفه كلمت ابو خالد .. وقالت له ..
عبدالله : انتي شرايك ياأم خالد ؟
لطيفه : والله انا اشوف الناس مابهم شي .. ونعرفهم من زمان
عبدالله : أنا رايي من رايك .. بس لازم نسأل عن الرجال أول .. قبل ناخذ راي وفاء ..
لطيفه : اي .. أكيد ..واسأل خالد .. قبل
عبدالله : ان شاءالله ..
.. بعد يومين ..
عبدالله – يصوت-: حصه .. حصه ..
حصه : نعم يبه ؟
عبدالله : نادي وفاء ..
حصه : طيب ..
..
وفاء : سم يبه ..
عبدالله : تعالي يابنتي بكلمك بموضوع ..
وفاء : طيب .. (وقربت من ابوها )
عبدالله : مثل ماتعرفين انتي كبرتي .. وصرتي مره ..
وفاء : ...!!
عبدالله : قبل اتكلم يابنتي .. تأكدي ان اهلك يحبونك .. واننا مانفكر بيوم نجبرك على شي ماتبينه ..
وفاء : شصاير يبه ؟
عبدالله : في ناس متقدمين لك ..
وفاء -نزلت راسها واستحت - : ......
عبدالله : أنا وامك وخالد .. كلنا مانعيب الرجال .. بس انتي اللي بتتزوجين ونبي رايك .. عشان نرد لهم ..
وفاء -مستحيه وساكته -
عبدالله : فكري وقول لي لي ..
لطيفه : طيب قول لها من هو الرجال ..
عبدالله : هههههه .. نسينا أهم شي ..
لطيفه : الرجال يابنتي .. فهد ولد المرحومه خالتك فوزيه ..
وفاء : .........
لطيفه : فكري يابنيتي .. خذي راحتك ..
وفاء : طيب - وقامت -
حصه كانت بتدخل للمجلس .. ووفاء بتطلع ..ومنزله راسها ..
حصه : وفاء ؟
وفاء - بحزن - : نعم ؟
حصه : شفيك ؟
وفاء : مافيني شي .. - وراحت -
حصه - دخلت للمجلس لقت امها وابوها جالسين - : السلام ..
ردوا السلام ..
حصه - جلست جمب امها وبصوت واطي -: يمه ..
لطيفه : نعم حبيبتي ..
حصه : شفيها وفاء ؟
لطيفه : مافيها شي ..في ناس متقدمين لها ..
حصه : مااااااااااااااااااشاااااااااااااااءالله وأنااا آآآخر من يععععلم هاااا
لطيفه : توه ماصار شي يابنيتي ..
حصه : لييييه ماقلتواا لـــي ؟
عبدالله : حصه .. وفاء ماعطتنا رايها بتفكر أول ..
حصه - قامت وهي زعلانه وراحت لغرفه وفاء - ..
طقت الباب .. محد يرد ..
سمعت صوت وفاء تبكي ..
حصه : وفااء حبيبيتي .. افتحي ..
وفاء : ...
حصه : تكفين وفاء افتحي لي ..
بعد دقيقه ..
فتحت وفاء .. وجلست ع السرير ..حصه سكرت الباب ..
حصه : شصاير وفاء ..
وفاء : مافي شي .. - وجلست تبكي -
حصه - مسكت كتفها - : فهميني .. تكفين شصاير ؟
وفاء : مابي أتزوج ..
حصه : طيب .. حبيبتي .. اهلي مو جابرينك ..
وفاء : ...
حصه : وفاء تقدرين ترفضين ..
وفاء : ....
حصه : ممكن أعرف ليه ماتبين تتزوجين ؟
وفاء : ماتخيل شكلي عايشه في بيت غير بيت هلي ( وجلست تبكي )
حصه : ههههههههههههههههههههههههه . الله يقطع بليسك .. بس كذا .. خوفتيني يادبه ..
وفاء : لاتضحكين ..
حصه : طيب .. من هو اللي متقدم لك ؟
وفاء : فهد اخو العنود ..
حصه : احححححلفي ..
وفاء : وليش احلف ؟
حصه : العنود طييييبه مرره ..
وفاء : وانا بتزوج العنود ولا اخوها .
حصه : هههههههههه .. اقصد .. زين بتكونين قريبه منها ..
وفاء : أشوفك وافقتي عني ؟
حصه :هههههههه
وفاء : أنا مبسوطه ببيت اهلي .. مابي اتزوج ..
حصه : هههههههههههه .. اهم شي يختي .. لاتستعجلين تراها عشره عمر ... فكري زين
.................................................. ......................
بعد ثلاث ايام دخلت لطيفه على وفاء بغرفتها لقتها جالسه وماسكه مجموعه الوان بيدها تحاول تمزجها سوا ..
وفاء : هلا يمه ..
لطيفه : شلونك حبيبيتي .؟
وفاء : طيبه ..
لطيفه :وش هالرسمه الحلوه ؟
وفاء : صدق يمه ؟.. أفكر أمسحها
( كانت راسمه بنت واقفه لحالها على جبل عالي مره ..شعرها طويل وكأن في ريح جايه من الجمب والبنت شعرها مغطي كل وجهها من الجمب
والجمب الثاني مابان منه الا خدها ..نازل منه دموع ..الرسمه كانت باللون اللحمي ودرجات البيج كلها الا شعر البنت باللون الاسود اللي عطا اللوحه شكل مرره حلو
ومميز ..
الريح كانت تعبر عن خوفها من المستقبل وترددها عن فكره الزواج .. والدموع تعبر عن فكره فقدها لاهلها .. والجبل يعبر عن مستقبلها وطموحها )
لطيفه : لا والله حلووه مره .. ياويلك تمسحينها ..
وفاء :ههه طيب ..
لطيفه :ها يابنيتي فكرتي بموضوع الخطبه لازم نرد للناس ..
وفاء : ....
لطيفه : صلي صلاة استخاره .. وعلميني برايك ..
وفاء : طيب يمه ..
لطيفه : وترا الرجال ماينعاب ..
وفاء : ......
توضت وصلت صلاة استخاره ..
حست انها ارتاحت كثير .. وتقبلت الفكره ..
...
بعد يومين وافقت وفاء .. وقرروا ان الخطبه بتكون بعد أسبوع ..
.................................................. .........
الساع 3 الظهر .. والشمس كلها داخله لغرفته .. وعلى وجهه ..حط ايديه على عيونه وفتحها بكسل ..
ياربي امس نمت ولا سكرت الستاره مسك الجوال .. لقى 4 مكالمات من العنود .. ومسج
( فهد .. اليوم الخطبه لاتنسى )
قام أخذ شاور وراح للحلاق يزبط نفسه شوي .. لانه من زمان ماحلق ..
.................................................. ...........
الساع 6 ..
ابو خالد : وفاء ترا الناس بيجون بعد ساعه .. خليك جاهزه عشان يشوفك فهد .. -وطلع -
وفاء -فوق وتصوت لحصه تحت -: حصصصصصصه ..
...
بعد شوي ..
وفاء : حصصصصه .. وججع ..
حصه : نعععععم شتبين ؟
وفاء : تعاااااااالي فوووق بسرعه ..
حصه - جايه وهي تركض - : هااا وشو ؟
وفاء : تعالي قولي لي وش البس ؟
حصه : ههههه وكل هالازعاج عشان وش البس ؟
وفاء - بضيقه - : لاتكملين الناقص .. من حيني خايفه وضايق صدري
- وجلست - ..
حصه : طيب طيب .. أنتي وش رايك ؟
وفاء : مدري .. أفكر ألبس التنور الجينز اللي من teranova مع البلوزه السوداء اللي من mex
حصه : امممم .. حلوه التنوره .. الكحليه صح ؟
وفاء : اي اي هذي شرايك ؟
حصه : اي حلوه .. بس البلوزه وشي ؟ ماعرفتها ..
وفاء : اللي من teranovaaaaaaa
حصه : طيب اهدي الحين يشوفك الرجال يخترع ..
روحي البسي واقول لك رايي .. بسرعه يلا
وفاء : لاتدفين طيب ..
حصه : ههههههههههههه
-لبست وفاء .. وكان شكلها يجننننننننن ..
البلوزه كمها طويل سوداء .. مع تنوره جينز طويله لونها ازرق .. وفيها كسرات من تحت ..-
حصه : حلوو . بس غيري البلوزه ..
وفاء : ليه ؟ مو حلوه ؟
حصه : الا .. بس البسي لون غير الأسود ..
وفاء :أقوول طسي عن وجهي يلا ..
حصه : هههههههههههه بقعد على قلبك ..
وانسدحت ع السرير ..
وفاء ماحطت أي ميك أب .. وكان شكلها حلو كثير .. لبست ساعه فضيه .. وخلت شعرها عادي
بدون أي شي .. كانت توها متروشه وكان حلو شكله ..
حصه : امشي ننزل تحت .. طفشت لك ساعه تحوسين بدولابك وملابسك ..
وفاء : هذا وانا ماتزوجت للحين ..
حصه : اخاف يهون الرجال لاشافك ..
وفاء : من يحصل له .. بالطقاق لاهون ..
حصه : امززززززززح .. مو بس بتعجبينه بيخق عليك بععععد ..
وفاء - بلا مبالاه - : ايي ..
حصه -تستهبل -: أقول مايصير أدخل معك ؟
وفاء : هذا اللي ناقص .. بتلحقيني هناك بعد ...
حصه : ههههههههههه
ونزلوا ..
................
خالد : تجهزتي ترا الرجال جا ..
وفاء - خايفه وساكته - : .......
حصه : ههههههه يلا روحي سلمي وسلمي لي عليه ..
وفاء : اسكتي انتي مو ناقصتك ..
خالد : بعد شوي بجي طيب ؟ خليك جاهزه
وفاء : طيب ..
لطيفه : تعالي اجلسي جمبي يابنيتي ..
- جت وفاء وجلست جمب أمها -
لطيفه - ماسكه شعر وفاء - :ألله وش هالحلاوه ..بنتي قمر ماشاءالله ..
وفاء - بحركه مفاجئه حضنت امها - : يمممه خااايفه ..
لطيفه : من وشو خايفه حبيبتي ؟
حصه - تبي تقهر وفاء-: من البعبع فهد اللي بياكلها ..
وفاء : خايفه ادخل .. أستحي
لطيفه : عادي حبيبتي .. لاتخافين
جا خالد : يلا وفاء ...
وفاء قامت ولحقتها حصه
حصه : تعالي طيب .. ليه آخذه جوالك ؟ هاتيه يالخبله
وفاء - مدت جوالها لحصه وهي خايفه -: تعالي معي حصه ..
خالد - عصب - :اقوووول تراك زودتيها يلا تعالي .. الرجال الا متى بينتظر ..
حصه - تبي تقهر وفاء -: هههههههههههههههههههههههههه يوم انا اقولك بجي تقولين لاا هههههههه
راحت وفاء ..
لطيفه : اصبر خاالد ..
خالد -بضيق- : نعم يمه ؟ ماصارت خلوا الرجال يشوف البنت
لطيفه : خلها تقدم العصير لفهد .. دقيقه بجيبه من المطبخ ..
خالد ( اللي كانت غيرته قوييه مره .. مع انها شوفه السنه .. ومو حرام ): بلا عصير بلا حركات فاضيه .. مايحتاج وشوله ؟
حصه : يعني جواهر ماقدمت لك عصير ههههههههههه
خالد - ناظر حصه نظره معصب سكتتها -
- وفاء واقفه ببلاهه تنتظرهم يحركونها-
جابت الشغاله العصير وعطته لوفاء ..
وفاء أخذت العصير وجت بتدخل .. سبقها خالد .. بعدين وقفت عند الباب ..
خالد - مسك ايد وفاء - : يعني وش بيصير بياكلك إمشي خمس دقايق واطلعي ..
دخلت وفاء وهي منزله راسها - بصوت واطي -: السلام عليكم ..
ردا ابوها وفهد السلام ..
( فهد تفااااااجئ مرررره من جمال وفاء .. وماتوقعها كذا أبددددددد - وهو كان مررره حلورر مزبط نفسه وحاط سوالف ولابس ثوب وغتره )..
وقفت ببلاهه بعيده شوي عن فهد .. مستحيه تقرب له العصير ..
خالد : قدمي لفهد العصير .. -وقدمت له -
فهد : شلونك وفاء ..
وفاء ( منزله راسها ) : طيبه
- وراحت وجلست بالكنب الثاني -
فهد بباله - طيب ارفعي راسك خلينا نشوف هالحلاوه - : شلون الدراسه ..
وفاء : طيبه ..
خالد : يقول لك .. وشلون الدراسه !!!!!!!!
وفاء - انحرجت - : آه تمام الحمدلله ..
فهد - ابتسم - : بأي سنه انتي ؟ ( مع انه عارف بس يبيها تتكلم )
وفاء : بالجامعه .. علم نفس .
خالد - بقلبه - : هالخبله .. ان ماهون الرجال ..
فهد : ههههههههه عارف .. أقول لك بأي سنه .؟
وفاء - تفشلت قوه - : أولى ..
خالد اللي كان قدام وفاء ناظرها نظره يعني خلاص قومي ..
وفاء : يلا مع السلامه ..
فهد : ههههههههههه .. الله يحفظك
....
طلعت وفاء .. لقت حصه جالسه عند الباب ..
وفاء : ياااربي خاااايفه مررره ..
حصه : ياكاافي وش قال لك اللي يخلي ايدينك ترتجف ..
وفاء : امشي بالصاله مايصلح نوقف هنا ..
وراحوا ..
وفاء - استوعبت وش كانت تقول - : ههههههههههه فشييييله .. تفشلت مرررره طااح وجهي ..
حصه : ههههه ليه وش سويتي .؟
وفاء: تخيلي كان يقول لي شلون الدراسه قلت طيبه !!
حصه : ههههههههههههه عاادي
وفاء : ياربي مو على كذا بس .. جا خالد الملقوف قال يقول لك وشلون الدراسه ؟
قلت انا .. تمام الحمدلله .. بعدين قال فهد .. بأي سنه أنتي ؟ قلت له بالجامعه علم نفس ..
ههههههه .. بعدين يوم جيت أطلع كملت الناقص قلت مع السلامه !! مدري وشلون طلعت من لساني فشيييله .. شكله بيهون ..
حصه : هههههههههههههههههههههههههههههههههههههههه منتي صاااااااااااااحيه أبدددددددددد .........
ههههههههه ههههههههههههههههههههه
وفاء : لاتضحكين .. حرام عليك تفشلت مره ..
حصه : وهو وش قال لك ؟ يوم قلتي مع السلامه ؟
وفاء : قال الله يحفظك .
حصه : اييي .. أجل على كذا عجبتيه ..هع
وفاء : الله يستر ..
جا خالد ..
خالد - بجديه - : منتي صاحيه ابد ؟ محششه انتي ؟
وفاء : وش سويت ؟
خالد - ضحك من غير شعوره-: هههههههههههههههههههههههههههههه
حصه : ههههههههههههههه
خالد :ليتي مصورك بالجوال تشوفين نفسك .. خسااااره الرجال هون ..
وفاء : ......
حصه : !!!!
وفاء : أزين أقعد ببيت أهلي ..
خالد : أمززززززززززح كانك للحين موافقه مبروووك
حصه : احححححلف ؟ وحضنت وفاء وباركت لها ..
دخل أبو خالد ولطيفه : وباركوا لوفاء ..
وفاء : الله يبارك فيكم ..
خالد : خلاص الحين بنعلن الخطبه ..
لطيفه - جلست جمب وفاء وحضنتها وهي تبكي - : الله يوفقك يارب ..
وفاء : الله لايحرمني منك يمه ..
عبدالله : طيب .. الحين وشوله الصياح ؟
خالد : كل شي يصير لازم يصيحون ..
لطيفه : دموع الفرح ..
وفاء : هههههه .. خلاص يمه يكفي صياح ..
وفاء راحت لغرفتها ..
دخلت حصه على غرفه وفاء وهي تركض .. حطت راسها بحجر وفاء وجلست تبكي ..
وفاء : حصه حبيبتي شفيك بسم الله عليك ..
حصه : مااابي .. مااابي
وفاء : وشو اللي ماتبين ؟
حصه : مابي تتزوجين وتخليني ..
وفاء : هههههههههههههههههه .. حرام عليك خوفتيني
حصه : لاتضحكين .. مابي تروحين وتخليني .. ماابي
وفاء :ههههههههه .. بكون موجوده بالرياض ان شاءالله ..
حصه - رفعت راسها وعيونها كلها دموع- : من قال لك . ؟ يعني الحمدلله ماراح تسكنين بجده ؟
وفاء : مدري ماظن لان فهد اخذ الدوره بالرياض ..
حصه : بس هو خلص الدوره ..
وفاء : مدري .. مدري ياحصه ..
........
وفاء كلمت ريم ( اللي لها درايه بالموضوع من بدايه الخطبه لانها اقرب صديقه لها )
وفاء : ريم .. خلااص انا بتزوج
ريم : مبروووووووك يااااعمري ..
وفاء : الله يوفقك ..
ريم - بدت تصيح - الله يوفقك ويسعدك يارب ..
وفاء: وش عندكم انتم كل شوي صايح لي أحد ..
ريم : ...
وفاء : خلاص .. لاتصيحين .. انتهي من امي وحصه تجيني انتي ..
ريم : شسوي غصبِ علي ..
خالد طق الباب على غرفه وفاء ..
وفاء : ريم أكلمك بعدين ..طيب؟
ريم : طيب .. مع السلامه ..
- وفاء فتحت الباب لخالد -
خالد : مبروووك ..
وفاء : الله يبارك فيك ..
خالد : وش فيك طلعتي فوق على طول .. كنت بكلمك ..
وفاء : ؟؟
خالد : ترا الملكه بعد شهر ..يعني تقريبا قبل الامتحانات النهائيه ..والزواج بالاجازه ..
وفاء : طيب ..
خالد : الله يوفقك يارب ..يبي لك اتجهزين من الحين وعساه يمدييك ..
وفاء : الله يعين ..
- وطلع -
- الكل بارك لوفاء وهناها ع الخطوبه -
.................................................. ................
انتظر توقعاتكم:)
عزة نفسي تكفيني
22-02-2007, 11:33 AM
يوووه يالله حمستين بسررعة نزلي الجزء الي بعده أبغى اعرف وش صار.............
وكمان وش صار على نواف وحصة؟؟؟؟؟؟؟؟؟؟؟؟؟؟
مشكووووووورة مره حلوووووووووووووووة
بنتظارك.......................
عذبة الروح
22-02-2007, 02:55 PM
عزة نفسي تكفيني...
مشكووورهـ على المروور^^..
انا دخلت بسرررعه... لاني بروح الاستراحه الحين^^..ولقيت ردك..
قلت برد عليك..
بصراحه ما اقدر انزل جزء الا الخميس الجاي ..انتظريني ..
ودامك متحمسه ..يالله قولي لنا توقعاتك عن الجزء الجاااي ^ــ^
عزة نفسي تكفيني
22-02-2007, 09:44 PM
ما أتوقع أصبر للخميس الجاي الرواية مرة مُحمِسة......
أتوقع: نواف يتزوج حصة...
و يصير شئ (...........) لوفاء ؟؟؟؟
ما أقدر أحدد شئ معين لآن في بالي اشياء كثيرة........
توقعاتي صحيحة..
مشكوووووورة بنتظارك الخميس...
عذبة الروح
23-02-2007, 12:59 AM
امممممممممـ
تقريبا فيها شي من الصحه ..
بس المرهـ الجايه ابي توقعات عن الجزء كله ^ـــــــ^<<<طرار ويتشرط مشكووورهـ على المروور والمتابعه
عزة نفسي تكفيني
23-02-2007, 04:19 PM
أبشر ي من عيوني. ......
بس أنتي نزلي الجزء وتشوفين الي يسرك إن شاء الله.,
عذبة الروح
23-02-2007, 09:07 PM
عزة نفسي تكفيني..
تسلم عيوونك ^^
امممممــ
شو رايكم انزل جزئين بالاسبووع بدل جزء..
يعني يصير الخميس والاثنين..
ردوا علي اذا حلوو كذا بديت من هذا الاسبوع..
واذا كنتوا تبغون بس الخميس براحتكم ^^..
اختكم
عذبة الروح ^ــ^
عزة نفسي تكفيني
25-02-2007, 04:26 PM
حلو كذا يومين بالأسبوع مناسب....
(لو يحصل كل يوم تنزلين جزء أحسن بعد)
؟؟؟؟( من الحماس ما قتل)؟؟؟؟
على راحتك أبدئي بأي يوم من الأسبوع لكن علمينا قبل...
مشكووووورة..
عسكريمه مشويه
25-02-2007, 07:43 PM
يؤيؤيؤيؤيؤيؤ
ماشاء الله تبارك الله
والله احسنه مو شي صارت شيات
ماشاء الله ياليت صديقتي مثل صديقتك
ماأقدر أقول شي
روووووووووووووووووووووووووووووووعــــــــه
طيب عندي اقتراح
ليش ماتنزله بألم الأمارات
والله روعه
عشان يدرون أنا عندنا بنات يكتبن قصص خياليه
طيب سؤال أخير
بسنه كم صديقتك؟؟<<<ملقوفه
خخخخخخخخخخخخخخخخخخخخخخخخخخخخخخخخ
عذبة الروح
26-02-2007, 02:25 AM
عزه نفسي تكفيني..
ههههههههههه
خلاص راح انزله الاثنين والخميس ..
ولا الله يخليك لا تقتلين روحك من الحماس وبعدين انا وصديقتي نرووح فيها ^ــ^
--------------------------------------
عسكريم مشوي...........
مشكووورهـ ع الاطرااء ^ـــ^
ياحلييلك ..انا قايلة لها من زمااااااااان تنزله بالم ونزلتها ...
وسؤالك الاخير ..
عادي يحق لك تعرفين ^^..
بس اسالها اذا عادي عندها قلت لك..
وعلى فكر هي مو صديقتي صديقتي ..يعني بنفس فصلي..لا هي تكون صديقة اختي ^ــ^ بس انا اعتبرها صديقتي ^^
مشكووره على المروور..
ويا هلا فيك متابعه معنا ^^
عذبة الروح
26-02-2007, 02:12 PM
الجزء السادس بين يدينكم ^^
-------------------------------------------------------------------
الــجزء الــسادس ..
بعد شهر بالمدرسه ..
نوف وهي طالعه من الفصل .. لقت وحده تصوت لها من بعيد ..
عبير: نووف نووف
نوف - مبتسمه -: هلااا
عبير : أبغاك شوي ممكن ؟
نوف - استغربت - بس ابتسمت -: ممكن ..
وراحوا جلسوا على الكراسي اللي بالساحه ..
عبير : والله مدري شقول لك يانوف .. اخاف تفهميني غلط ..
نوف : لا عبير شدعوه انا اعرفك زين .. ؟؟؟؟
عبير : نوف .. أنتي غاليه علي كثير .. والكلام اللي بقوله لك .. نصيحه لا أكثر ولا أقل .. ومابغاك تزعلين لاني بتكلم بصراحه ..
نوف : وانتي بعد والله ,, ان شاءالله ماراح ازعل ..قولي ..معليش
عبير :شلتك ..
نوف - مبتسمه- : الشله المبجله .. شفيهم ؟
عبير : أنا خايفه عليك من هم .. صدقيني يانوف انا أعرفهم زين .. من قبل تجين أنتي بهالمدرسه ..
نوف : من أي ناحيه خايفه علي ..
عبير : بصراحه .. بصراحه .. سمعتهم خربانه مره .. والبنت الزم ماعليها سمعتها ..
نوف : صحيح كلامك البنت ألزم ماعليها سمعتها.. بس أنتي شفتي منهم شي ..
عبير : والله مو بس انا يانوف صدقيني .. كل بنات المدرسه يتكلمون عنهم ..خصوصا عن فاطمه ..
ويقولون انها ... - وسكتت -
نوف - ضاق صدرها -: شفيها فاطمه ؟
عبير : والله مدري كيف اقولها لك .. بس انا سامعه الخبر من وحده اعرفها زييين وماتكذب ..
نوف : طيب وشو الخبر؟
عبير - تقولها وهي منزله راسها ومستحيه - : يقولون انها تكلم اخوك ..
نوف - اخترعت- : انتي وش تقولين . من وين لك هالكلام ..من اللي قال لك ؟
عبير : يشهد ربي اني ماكذب .. وانا ماقول لك هالكلام عشان اسبب بينكم فتنه او افرقكم .. بس ابيك تعرفين صديقتك صح ..
نوف -عورها قلبهاوتقول في بالها - :لا لا ماتسويها فاطمه ..وتذكرت هذاك اليوم يوم سمعت نواف يكلم ..ويقول يعني اقوللك فوفو ..
عبير : نوف ..
نوف منزله راسها وساكته ..
عبير: أنا آسفه وحبيت احذرك بس لانك تعزيين علي .. وانتي تتذكرين من متى انا اعرفك من مدرستنا القديمه ولايمكن أكذب عليك ..
نوف : طيب .. عبير .. مشكوره ..
.........................
راحت نوف وجلست مع البنات ..
نوف :خلاااص .. يكفي حش بخلق الله ..
خلود : خليناا مبسووووطييين ..
فاطمه - وهي تأشر على بنت -: شوفوا بلوزه هذي تكفون .. قرااااااوه
عايشه : اي الحمدلله والشكر .. مدري من وين مطلعتها .. ههههه
خلود : يمكن من ابو ريالين هههههههه
جلسوا كلهم يضحكون ..
والبنت اللي أشرت عليها فاطمه .. وقفت من بعيد اتطالعهم وعرفت انهم يتكلمون بها ..
نوف : بالعكس . حلوه بلوزتها .. انا عاجبتني ..
عايشه : آآآخ .. أنا انسدت نفسي من شفتها .. ماني مشتهيه فطور
( كلهم ضحكوا )
نوف- بقلبها -:سبحان الله يالغروور
مرت فرح هي وصديقاتها ..ابتسمت لهم نوف ..
عايشه - اللي معروف عن الكبر والغرور صدق انها حلووووه بس مغرووره - تاشر على شلة فرح وبصوت عالي - تعااالي بنت .. تعااالي
( عايشه معروفه بالشخصيه القويه بين البنات ) ( فرح ماحبت تحرج نفسها هي وصديقاتها وجوا .. واكتملت الفرحه بقرب نوف )
نوف - اتستغربت - ....
فرح - مبتسمه- : نعم ؟
عايشه - مدت لها فلوس - : خذي اشتري لي ..
نوف - تفاااجئت - : .....
خلود : واناا بعد .. ومدت لها الفلوس ..
فرح - ناظرت نوف نظره سريعه وجت عينها بعين نوف - واخذت الفلوس ( كأنها بتسوي هالشي عشانها )
فجأه قامت نوف واخذتهم من فرح :.. انا بشتري شتبون .؟
فاطمه : ليش تعبين نفسك .. وعندك هذولا ..
نوف - ابتسمت - : فرح حبيبتي .. مشكوره انا بشتري ..
فرح : طيب .. وابتسمت
طبعا نوف ردت الابتسامه وراحوا ..
نوف بعد ماراحوا البنات - : ليش تنادينهم عايشه ؟
عايشه : عاادي .. وش سويت ؟
نوف - معصبه بقوه - : بنات الناس مو خدم عندك ..
عايشه : طيب طيب ... افف .. شكلنا ماراح نفطر اليوم ..
نوف : .......!!!
فاطمه : تعالي نوف ..
نوف - بشنه نفس - : نعم ؟
فاطمه : حصه اليوم ماجت صح ؟
نوف : اي ماااجت ليييه ؟
فاطمه : ولاشي . بس وش فيك زعلانه ؟
نوف : مافيني شي وراحت ..
(نوف هالفتره كانت متضايقه كثير ..خصوصا انها اكتشفت حقيقه البنات اللي هي تجلس معاهم ..
وعرفتهم زين .. وانهم ماهمهم الا المصالح والمظاهر ..ولو هي ماكانت.. بنت عز ولا كانت حلوه .. كان مافكروا يجلسون معها ..
لانهم مايحبونها لذاتها .. وهي ملت منهم ومن تصرفاتهم .. خصوصا عقب ماشكت ان نواف يكلم فاطمه .. بس هي مو قادره تصدق ..
ولا قالت لفاطمه شي ..لانها ماتأكدت .. بس شاكه كثير لانها دايما تنادي فاطمه بفوفو .. ولافكرت بكيف اخذت رقمه ..لأنها مو صعبه على
فاطمه بس فكرت بـمو معقوله فاطمه تسويها )
.................................................. .......
رجعت نوف للبيت لقت نواف جالس مع جدته ويسولف معها ..
نوف : السلام عليكم ..
ردوا السلام ..
نواف - هذي استهبالاته مع جدته دايما - : يمه.. ترا في واحد حاجزك .. صراحه شايب لأطه = لقطه
ام عبدالله - تضرب نواف بالعصا - : بس ياولد وش هالكلام عيب ..
نواف : أي .. أي .. طيب خلاص بنقول له لأ
أم عبدالله: ....
نواف : يعني السكوت علامة الرضا ؟
ام عبدالله: هااو .. انت ماتتوب من سوالفك ..
نوف - بعالم ثاني وجالسه تفكر بكلام عبير وببالها تقول : لو كان الكلام صدق .. الشرهه مو عليك يافاطمه الشرهه على اخوي ..
نواف : نووف .. وين وصلتي .؟
نوف - تجاهلته - : يمه جت رهف ؟
ام عبدالله: أندري عنك انااللي مفروض اسئلك ..
نوف : اي صح نسيت .. هي طالعه قبلي اليوم ..
نزلت رهف ..
رهف : السلام عليكم ..
ردوا كلهم السلام ..
رهف : تغديتوا عني ؟
ام عبدالله: لا ننتظرك ..
رهف : يلا .. تعالي نوف
نوف : مو مشتهيه ..
رهف : عشان خاطري ..
نوف راحت وجلست على الطاوله بس ماكلت شي وشربت عصير ..
خلصوا متغديين .. نواف قام يغسل .. فجأه رن جواله ..
نوف انتهزت الفرصه وشافت الرقم وكأن احد عطاها كف وقالت بقلبها : لاا ياربي مو مصدقه .. هذا رقم فاطمه ..
جا نواف واخذ الجوال وحطه سايلنت وطلع فوق ..
نوف ساكته ومو قادره تفكر .. معقوله يافاطمه تسوينها .. معقوله !! لا ماني قادره اصدق ..
آآه ياقلبي .. وطلعت فوق لغرفتها.. وجلست تبكي .. - نوف ماحبت تقول لرهف شي حتى ماتضايقها .. خصوصا انها
حذرتها كثير من شلتها .. لكن نوف ماكانت تسمع لها )
.................................................. ...................
جالسين بالصاله ..
وفاء : أقوول يمه ..
لطيفه : هلاا
وفاء : نبي نطلع نتمشى طفشناا ..
حصه : اي يمه تكفين .. ملينا من البيت نبي نغير جو ..
لطيفه : بكرا مدرسه .. خلوه يوم الإربعاء ولا الخميس..
حصه : لااااا يممه .. تكفين نبي نطلع ..طففففشش
لطيفه : انتي منهبله اشوفك .. اليوم غايبه وطفشانه بعد !
وفاء : هاا يمه طلبتك .. تكفيين
لطيفه : طيب بس ماتتاخرون .. وين تبون تروحون
وفاء : نروح اي مول ..
لطيفه : من بيوديكم ؟
وفاء : السواق طبعا ..
لطيفه : لاا
حصه : ليه يمممه .. من يودينا اجل ؟
لطيفه : خالد موجود .. عند ابوك برا
وفاء : اكيد انه طالع .. ماظنتي يجلس للحين ..
لطيفه : دقي عليه وشوفي ..
وفاء : طيب ..
دقت على خالد ..
وفاء : هلاا خالد .
خالد : هلا بك ..
وفاء : شلونك ..
خالد : طيب الحمدلله انتم شخباركم ؟
وفاء : بخير ..
خالد : هاا شتبين يالمصلحجيه .. اكيد تبين شي ..
وفاء : هههههه .. اممم
خالد : خلصينا .. انا عند الشباب لاتطولينها
وفاء : نبيك تودينا
خالد : لوين بعد !
وفاء : لمول ولا كافيه ..
خالد : والسواق وينه ؟!
وفاء : أمي عيت نروح مع السواق تقول خلوا خالد
خالد : امي تحسبني موجود بالببيت .. بس انا بعيد مره
وفاء : يعني وشو .
خالد : مقدر اوديكم ..
وفاء : اهيء اهيء .. قهر نبي نطللع
خالد : وانتم ماتملون من الاسواق .. يــكــفي !
وفاء : طيب كافيه تكفى ..
خالد : والله مقدر انا بعيد .. اطلعكم مره ثانيه
وفاء : طيب طيب .. يلا مع السلامه
خالد : هلا
..
وفاء : يمه خالد يقول مقدر اوديكم بعيد
لطيفه : خلاص اجل مو لازم تطلعون ..
حصه : قهررر .. نبي نطلع مع اي احد ان شاءالله تاكسي..
لطيفه : هههه مابقا الا هي ..
( لطيفه من النوع الشديد ع بناتها وماترضى يروحون مع السواق لحالهم ..واذا بغوا يروحون لاي مكان لازم تروح معهم ..حتى المدارس )
حصه : وش السواة الحين ؟
لطيفه : اقعدوا .. هو لازم تطلعون ..
وفاء : طيب تعالي معنا يمه ..
لطيفه : والله ماني قاعده ادور بهالاسواق انا الحين صرت اتعب على طول وماتحمل ..
حصه : هذي نوف تدق ..
حصه : هلاا والله
نوف : هلاا بك .. شخبااارك ؟
حصه : بخيير الحمدلله انتي شلونك ؟
نوف : تماام .. سلامااات ليه غايبه ..
حصه - حطت ايدها ع الجوال عشان ماتسمع امها - : تبين الصدق ولا ولد عمه ..
نوف : هههههه ، الصدق ..
حصه : بس كذا ..
نوف : ههههههه الله يرجك ...
حصه : هههههههه
نوف : هاا شعندكم ..
حصه : والله ماعندنا شي تفشانين
نوف : حلوه تفشانين ههههههه
حصه : هههه والله .. كنا بنطلع بس مالقينا حد يودينا ..
نوف :وين كنتوا بتروحون ..
حصه : لمول ولا كافيه .. نغير جو ..
نوف : امممممم .. شرايك .. نجي انا ورهف ونروح سوا
حصه : حلو ،، بس مين يودينا .. امي عيت نروح مع السواق ..
نوف : يمكن ترضى اذا صرنا معكم .. يعني مو انتي ووفاء لحالكم ..
حصه : بشوف .. اسألها وارد لك
نوف : طيب , انتظرك .. بس لاتعطيني ركبه
حصه : هههههههه لا لا تخافين ..
سكرت منها .. وسالت امها .. ووافقت دام نوف ورهف بيكونون معهم ..
حصه دقت على نوف ..
نوف : هلا حصه .. بشري ؟
حصه : تمت الموافقه بحمد الله ..
نوف : هههه ..حلو .. يلا جايينكم بعد نص ساعه خلوكم جاهزيين ..
حصه : اوك .. بس نروح مع سواقنا ولا سواقكم ؟
نوف : سواقنا .. اذا جينا بدق عليكم اقول لكم ..
حصه : طيب
نوف : يلا باي
حصه : بااي ..
بعد نص ساعه .. جوا رهف ونوف ياخذونهم .. دقت نوف على وفاء ..بس ماردت ..
وفاء : حصه أكيد انهم جوا .. اطلعي ..
حصه : طيب .. ولا تتأخرين ..
طلعت حصه ووقفت عند باب بيتهم التفت يمين ويسار مافي احد ..
بعدين قربت سياره سوداااء مررره كككككشخه .. ووقفت قريب عند الباب ..
حصه استغربت - بقلبها - : ياربي .. هذا نواف وش جايبه هنا ..
لقت وحده جوا السياره تأشر لها .. بعدين دق جوالها .. وردت
نوف : يلا حصه .. تعالي .. وش فيك واقفه ..
حصه : وين السواق ؟
نوف : مو موجود .. خليت نواف يودينا .. بسرعه تعالي ..
حصه - ارتبكت -: انا طلعت بقول لك .. اني تعبانه ماراح اروح ..
طلعت وفاء : يلا حصه ..
نوف : اقوول بسرعه تعاللي ولااايكثر ياويلك ماتجين ..
وفاء: نواف بيودينا ؟ وين السواق ؟
حصه : وانااا شدرااااني تقووول مو موجود وش اسوي لهاا ..
اني ماني رايحه تعبانه ..
وفاء - تسحب حصه - : بتجين غصب ..وسحبتها .. وراحوا وركبوا ..
( نواف مبتسم وهو يراقب تصرفات حصه مع وفاء .. هم و عباياتهم .. اشكالهم نكته وهم يتهاوشون )
ويقول بقلبه : آآخ .. بس .. شكلها ماتبي تجي .. يوم شافت اني انا اللي بوديهم ..
- ابتسم مره ثانيه يوم شافهم جايين - ( الحمدلله ..اشوا اني لحقت على خواتي قبل يروحون مع السواق ..ووديتهم .. وشفت حبيبتي ..)
( نواف يحاكي نفسه .. انت وش تقول .. وش حبيبتك طيب اذا ماقبلت انها تتزوجك .. بتتحطم .. لالا بنت عمي لي ان شاءالله)
قطع تفكيره .. جيه وفاء وحصه ..
رهف كانت قدام .. جمب نواف .. ونوف وراها .. ركبت وفاء أول وجلست بالنص.. و حصه صارت ورا نواف..
وفاء وحصه - بصوت واطي - : السلام عليكم ..
ردو السلام ..
نواف -مبتسم- : شلونكم يابنات ..
وفاء - ببالها ياحليله - : طيبين ..
حصه ( ساكته ) : ....
رن جوال حصه باعلى صوت ..
حصه تفشلت وعلى طول ردت .. ونواف بدت فيه اللقافه وجلس يحاول يسمع ..
حصه - بصوت واطي - : هلا ..مريم
مريم : هلا بك حصه شلونك ..
حصه : طيبه الحمدلله ..
مريم : سلامات ليه غايبه ..
حصه : الله يسلمك .. بس تعبانه شوي ..
مريم : طيب .. بتجين بكرا ؟
حصه : اي ان شاءالله ..
مريم : اي .. لاني ابغا كتابي الفيزياء لاتنسين تجيبينه الامتحانات قربت ..
حصه : ان شاءلله بجيبه ..
مريم : انتي بالبيت .. كان امر آخذه لاني طالعه ..
حصه : لا انا اطالعه الحين .. اجيبه لك بكرا ان شاءالله ..
مريم : طيب .. يلا ماطول عليك ..مع السلامه ..
حصه : هلا والله ..
نواف - اللي كأنه كان ينتظر حصه تخلص مكلمه _ : هااا يابنات وين تبون اوديكم ؟
رهف : مادري ..شرايكم ؟
نوف : اممم .. تبون نروح رويال مول ..
البنات : ...
نوف : هاا حصه شرايك ؟
حصه : هاا اي عادي .. اي شي ..
نواف : خلاص رويال مول .. رويال مول
البنات كلهم ساكتين ...
نواف : ماقلنا لك مبروك ع الخطوبه ياوفاء ..
وفاء : الله يبارك فيك .. عقبالك ..
نواف : هههههه .. ادعي لي آخذ اللي في بالي .. ورفع راسه وناظر حصه ..وجت عينه بعينها.. حصه نزلت راسها على طول ..والتفتت ..
وهي تناظر السيارات من يسار.. وتقول في بالها - : جريء وقليل أدب ..
نوف - بقلبها - من هي اللي ببالك بعد لاتكون فاطمه !!آآه انا مو مصدقه ان اعز صديقاتي خانتني ..ماهقيتها منك يافاطمه ..
يعني لهالدرجه انا ساذجه وقلبي طيب ..
قطع تفكيرها نواف يوم شغل الرادوا طلعت له اغنيه - تامر حسني - عينيا بتحبك ..
نواف بباله : سبحان الله حتى الرادوا يحاكي اقدارنا ومشاعرنا ..
رهف - تضايقت من الاغنيه بس ماحبت تقول شي عند بنات عمها-
نواف مبتسم .. ويغني مع الاغنيه ..ولا هامه احد ..
عينيا بتحبك .. وألبي بيحبك .. وحضني بيضمك .. دا يبئى ايه .. معايا وواحشني ..
بعيد بتوحشني .. حبيبي طب أولي .. دا يبئى ايه !!
يعني أيه .. لما كلامي كله يبأ في سريتك .. يعني ايه لما أبئا عايش مش شايف غير صورتك..لأ وصوتي ياحبيبي ماينطأش الا اسمك ..
يعني ليه كل لما اروح مكان اشوفك قمبي .. يعني ليه حبك واخد لي البي روحي وعئلي .. لأ وعمري مالائي نفسي الا وانتا بحضني ..
وفاء - مبتسمه - وتقول جواتها : هههههه نكته هالولد يغني مع الاغنيه .. وداخل معها جو ..ولاكأن احد موجود ..
خلصت الاغنيه ..
نواف : ياربي هالاغنيه اغنيها لشخص من كل جواتي ..
نوف - تبي تقهره - : لا يكون بنت بعد !
نواف : ههههه انا قلت شخص ..ماقلت بنت ..
رهف : طيب من هو ؟
نواف : رافع راسه يناظر حصه وهو مبتسم : هو يعرف نفسه ..
حصه - ذايبه بمكانها - : ..لا تكون بس يانواف تحسبني مثل فاطمه( اللي كان واصلها الكلام من البنات بس ماقالت لأحد )
.. شويات ..
نواف : شلون الدراسه يابنات ؟ كيف ثالث رهف ؟
رهف : الله يهونها ياخيي ..
نواف : عقبالك نوف ..
نوف - من غير نفس - : وش بعد ؟
نواف : ثالث ثانوي ..
نوف : الله يعييني انا وحصه مثلي ..
نواف : ماشاءالله حصه بثاني (نصاب يدري بس يسوي نفسه متعجب )
حصه - بخاطرها - الله يخليك اسكت صوتك يوترني وانا مو ناقصه ( حصه للحين ماتعرف نواف ايش يعني لها وكل ماتفكر فيه تقوم وتحاول تلهي نفسها بشي ثاني حتى ما يفتحها مخها على شي ماراح يصير لانها تعرف نواف لعاب . مع انه عاجبها بس ماحبت تحط أمل )
.. رن جوال نواف ..
نواف : هلا والله وغلا بهالصوت ..
...
نواف : يابعد الغاليين والله ..
..
نواف : والله انا اكثر وش نسوي .. بعد دقايق نتفرغ لكم ..
..
نواف : اوكي ..
..
نواف : ياهلا والله مع السلامه ..
( نواف كان يكلم عبدالرحمن .. بس نوف قالت بخاطرها اكيد هذي فاطمه )
- بعد شوي -
نواف : هذانا وصلنا يلا ..
رهف : شكرااا ..
نواف : any taime
دايم اذا تبون تروحون مكان قولوا لي .. احب اشوف هالوجيه الطيبه - يقصد حصه -
ونزلوا ....
نواف يحاكي نفسه : آآه هالبنت أخذت عقلي .. يارب انها فهمت اني اقصدها بالاغنيه ..من اليوم لازم انهي علاقتي بفاطمه ..
وان شاءالله بتزوجها ...ماتخيلها تكون لشخص غيري !!
الا هو رن جواله ..
فاطمه - بدلع - : هلا حبيبي
نواف - بشينه نفس -: هااا شتبين بعد !!
فاطمه : شفيك حبيبي متضايق ؟
نواف : ومن قال لك اني متضايق ..
فاطمه : طيب .. ممكن اعرف وينك ؟
نواف : لاتكونين أمي بس ؟
فاطمه : ياربي نواف .. ليه تعاملني كذا انا زعلتك بشي ؟
نواف - بشينه - : لااااا .. كنت اودي خواتي وبنات عمي للسوق ..
فاطمه - انتهزت الفرصه وماصدقت -: نوف ورهف ؟
نواف - تفاجأ- : تعرفينهم ؟
فاطمه : اي معاي بالمدرسه ( فاطمه من نذالتها .. ماقالت انها صديقة نوف لانها حاطه أمل انها ببتزوجه وتبيه يعرف انها مع اخته بالمدرسه ولا تقدر تقول له
اخذت رقمك من جوال اختك )
نواف : طيب كيف علاقتك معهم ؟
فاطمه - تكذب حتى مايفكر بأحد غيرها -: أف لاتذكرني .. خاصه ببنت عمك هذي .. مغروره وشايفه نفسها مدري شعليه ..
نواف - عصب- عاد هذي حبيبته : حــــدك عــــاد ..
فاطمه : وشو حبيبي ؟
نواف - معصب بجد - : ما أسمح لك تتكلمين على بنت عمي كذا ..
فاطمه : طيب .. خلاص كل شي ولا زعلك ..
نواف : انا كنت بكلمك .. وانتي زين دقيتي .
فاطمه بدلع وثقه:مشتاق لي يابعدي ..
نواف - بلا مبالاه -: لا
فاطمه : نواف .. انا زعلااانه منك
نواف : أبرك ساعه ..
فاطمه : طيب ممكن اعرف ليه تعاملني كذا ..
نواف : اسمعي .. انا رجال .. ماعندي الا الصراحه ..
فاطمه : ...
نواف : انا صحيح اني كلمتك .. لكني اخاف ربي .. ولا عمري تجرئت وسويت شي أكثر من التكليم ..
انا ماحب العب بمشاعر بنت ناس ..
فاطمه : طيب .. ليه هالكلام كله ؟
نواف : لازم ننهي علاقتنا ..
فاطمه - بدت تبكي - : ليه ؟ انا زعلتك ؟؟..
نواف : لا .. وانا ماكد وعدتك بشي ... انا رجال امشي في طريقي ماعمري تعرضت لاحد ..
فاطمه : انت اكيد زعلان من شي .. وحطيتك حرتك فيني .. انا بعذرك الحين لاني حاستك متضايق .. وبكلمك بعدين
نواف : مع الف سلامه .. –وسكر-
نواف يكلم نفسه : هالبنت ماعندها كرامه .. بتلزق نفسها فيني غصب ..يارب ياكريم ترزقني بالبنت اللي انا اتمناها ..
واصير لها وتصير لي .. ونعيش حياه سعيده ..
دق عبدالرحمن على نواف :
نواف : هلا والله وغلااا ..
عبدالرحمن : هلا بك .. ياخي وينك مختفي ؟
نواف : كنت اودي الاهل للسوق ..
عبدالرحمن : مااشاااااءالله .. وش طاري عليك ؟ مايت يهودي ؟
نواف : هههههههه حرام عليك ..
عبدالرحمن : المهم ؟ وينك ؟
نواف : قلت لك كنت اودي الاهل للسووووووق ..
عبدالرحمن : أقصد تعال .. خلنا نروح لكافيه ولا شي ..
نواف : انت وينك الحين ؟
عبدالرحمن : انا بالاستراحه ..
نواف : اححححلف ؟ داري انك بالاستراحه
عبدالرحمن : أجل وشوله تسأل ؟
نواف : أي استراحه طيب !! في مليون عشر طعش استراحه ..
عبدالرحمن : هههههه استراحتنا .. يلا تعال انتظرك ..
نواف : جااي جاي ..
-وسكر منه .. وراح للاستراحه ..-
دخل نواف .. السلام ..
ردوا الشباب السلام ..
عبدالرحمن : ارحبوووو ..<