ابجوره
10-04-2007, 02:50 PM
:D رح قل لأبوك امي تبي السوووووووق
الأم : رح قل لأبوك أمي تبي السوق :D
محمد : قلت له .. يقول مافيه سوق لو تموت أنت وأمك مافي سوق:mad:
الأم : : رح ثانية ياغبي :icon1366:
محمد : بروح آخر مره إذا ما طاع مالي دخل :no:
الأم : : أيه طس خلصني ترى حامت تسبدي منك أنت وأبوك الله لايعيده من عرس بغيناه طرب صار نشب
محمد : بابا ماما تقول وديني السوق الله يخليك }} يبهر
الأب : ( وهو يقلب الجريدة ) إلا ورى ماتطس عند أمك لاقوم وأعلمك السوق أنت وياها :icon28:
قطع حديث حمودي دخول الأم وهي طاير الشرر من عيونها
الحين أنت ورى ماتبي توديني السوق :icon28:
أبو محمد : وأنا ماوراي شغل إلا أوديك السوق أجيبك من السوق
أوديك أهلك أجيبك من أهلك !!
احد قايل لك إنك معرسة على ( راجو ) :mad:
أم محمد : يابو محمد الله يخليك لي قلت لك عندنا زواج أبي أتقضى ما باقي إلا أسبوع على موعده ما يمديني أسوي شيء
أبو محمد : زواج أختك !! زواج أخوك !!
أم محمد : لا بس زواج أخو زوجة أخوي وأنت عارف أنها أعز صديقاتي
أبو محمد : مافيه روحه لزواج وشوله السوق
أم محمد : اففففففففففففففففف حسبي الله عليك إذا طول عمرك مكدر علي
وكاتمني وعازلني عن الناس
أبو محمد : : يأشر بيده بمعنى طسي وهو يقلب في القنوات الفضائية
راحت أم محمد لغرفتها .. وهي تصيح .. وتحسب وتندب حظها
وصلت لها ركعتين وجلست تسبح وتدعي أن الله يسخر لهم أبوهم
قطع تسبيحها نغمه الجوال طالعت لقت ( أم زياد يتصل بك )
أم محمد : تكلم نفسها ( ماهوب وقتك أبد يا أم زياد )
أم محمد : هلا والله وغلا أم زياد
حياك الله ياقلبي كيفك وكيف أبو زياد والعيال
صوتي !! أبد مافيني شيء
أبد مانتي غريبة بس جد مافيني شيء
أي والله مثل أختي وأكثر
ابد كالعادة راشد عيّا يوديني لسوق
لا وش أروح معكم يعني كل مره يرفض وأنا أروح معكم
ترى والله صرت أستحي من أخوي
وربي عارفه يا قلبي بس إذا ما وداني لسوق ماهوب موديني الزواج
يا بنت الحلال ما تركت شيء جيته بالطيب بالردى مانفع
ما أقول إلا الشكوى لله
كل اللي تقولينه جربته لبست حطيت شموع ماباقي إلا أحط سم فيران وارتاح
بجرب شورك وهداية الله
قامت أم محمد ولبست وحطة مكياج وبخت لها كم عطر
ونزلت وقالت لشغالة سوي شاهي ومن عقبه خوذي منيرة ومحمد لعبيهم في الحوش وأنتبهي لايفتحون باب الشارع
دخلت أم محمد على راشد وهو منسدح ومغطي وجهه بالجريدة
أم محمد : قلبي قوم اشرب الشاهي قبل يبرد مسويته لك في البريق اللي تحبه:D
راشد : وهو مطير عيونه في أم محمد
وش هالزين يادلول ؟!:icon31:
وش هالحركات .. !؟ كل هذا علشان السوق والزواج ؟!
أم محمد : ياقلبي اللي تبيه بيصير ماتبيني أروح مانيب رايحه أهم شيء ماتزعل علي مع أني نفسي أروح وهي تحكي نزلت دمعه من عينها :tears:
حس راشد أنه يقسي عليها قال تنزل دمعتك علشان سوق
بكره بعد المغرب ابشري من يوديك ويعطيك البطاقة وبدال الألف عشرين وتشترين إللي تبين هه وش تبين بعد:icon26:
دلال : يابعد حيي وميتي أنت الله لايخليني منك :clap:
راشد : وهو يضحك ايه اليوم حسبي الله عليك والحين يابعد حيي
دلال : وهي تبتسم وبتشقق من الفرحه ياقلبي لاتأخذ على كلام الزعل وإلا أنا من لي غيرك أنت أبوي وأخوي وأهلي :in_love:
من بكره دلال قامت سوت الغدى بنفسها وبدال الصنف عشره
وتقول في نفسها عسى مايغير رأيه استقبلت أبوهم والابتسامة شاقه وجها شق
وتغدّوا وعينوا من الله خير وقيّلوا
بعد المغرب لبست دلال وتأكدت أن كل شيء موجود في شنطتها لأنها عارفه اليوم إذا ماخلصت أغراضها
تنسى سالفة الزواج
دلال : حمودي رح لبابا قل ماما والمه تقول يالله مشينا
محمد : ماما بروح معك .. ( وجه بزر ماسك طرف ثوب أمه )
دلال : راحت روح بليس وأنا رايحه اتمشى
رح قل لابوك عجل علي
راشد عند الكمبيوتر وفاتح أثمه ولو يطيح البيت بكبره ما دري ومحمد تعب يناديه وهو ماهوب لمه أبد
دخلت عليهم دلال يابو محمد مشينا ترى ماعاد فيه وقت
ابو محمد : أيه أيه البسي عباتك وجاي
دلال : يابن الحلال عباتي علي من أمس يالله مشينا
ابو محمد : يابنت الحلال خمس دقايق بس
دلال : أمري لله خمس دقايق خمس دقايق
يابن الحلال صار لك ساعة وأنت تقول خمس دقايق
ابو محمد : أقولك شوي بخلص سالفة مع رجال ونمشي
دلال : خله يكتبها ولي رجعت تقراها
ابو محمد : ضايف السي ان ان يكتب لي الخبر وأرجع اقراه جالس أناقشة في مشكلة بالمنتدى
أبو محمد يتوضى ويصلي ويبدأ يدور مفتاحه
وأم محمد ياحول تركض وتدور معه وهي تحلطم وحالتها حاله
أبو محمد : يالله مشينا وين حمودي
دلال : وش تبي بحمودي
أبو محمد : بتصور جنبه أبيه ينزل معك لسوق وإلا ناويه تسكعين لحالك
دلال : يعني رجعنا لطير ياللي بزر عمره خمس سنوات كل ماطلعت محل أرسلته معي يراقبني وخربت أخلاقه
أبو محمد : هيييه تبين تروحين لبسي ولدك وألحقيني أنا بالسيارة
معك خمس دقايق إذا ماجيتي بأمشي
دلال وراشد وولدهم محمد في السيارة مافيه صوت غير صوت أبو نوره يغني
غافل الهم قلبي والزمان استدار
............. وشوقي اللي هويته أصبح اليوم ضدي
تقطع أم محمد السكون وهي تخاطب راشد بدون نفس يابن الحلال فكنا من الأغاني
قلت لك ألف مرة مابي عيالي يتعودون عليها
راشد ماكان لمها لأنه مستغرق مع الكلمات ويغني معه
امااا محمد معطي ظهره لأهله ويطالع في العالم من القزازه الخلفية
أبو محمد : وهو يدور مكان يوقف فيه يوصي محمد أنتبه لأمك
ترى أنت الرجال :icon30:
نزلت دلال وهي ماسكه يد ولدها وصفقت الباب بقوه
وهي تتوقع أنها جالسة ترفع ضغط راشد اللي مادري عنها
بدت تلف في محلات الملابس الجاهزة وكل مره تطلب موديل ولون ومقاس وتروح تقيس وترجع
ألين ما أخذت فستان ماهي مقتنعة فيها لكن عن قوله أنها ماشرت جديد ;)
بعد ماخلصت من الفستان باقي الإكسسوارات والصندل وأنتم بكرامة
وهي تلف مرت من المطاعم ونشب لها محمد يبي يأكل
أم محمد : يا بابا لي قضينا نجي نتعشى :essen:
محمد : ماما جوعان أبي أكل بطني يوجعني
أم محمد : يا ذا النشبة أقولك باقي شوي ونخلص وتاكل جعلك العله
محمد : وهو يصيح والعالم يطالعون مابي أبي أكل
أم محمد :تعال جعلك البلش أنت وأبوك وش تبي تتسمم
محمد :وهو يمسح دموعه أبي بطاطس
وقفت أم محمد عند ماك هات وجبة طفل
محمد :ماما أبي ببسي
أم محمد :خير لا مافيه ببسي الوجبة معها عصير
محمد :لا ماما مابي أبي ببسي
أم محمد :ياقلبي الببسي يوجعك في بطنك وبعدين ماتكبر وتصير مثل بابا وعندك سيارة
محمد : بخبث أنتي تشربين ببسي وبابا يشرب ببسي
أم محمد :وهي تاحكي عمرها وش هالبلشه لو بجلس أجادله قفلوا العالم
تطلع بوكها وتحاسب وتطلب ببسي صغير لمحمد
وتأخذه لصالة المطاعم وتحط الأكل قدامه
يالله ياقلبي سمي بالله وأنا بروح أشوف المحل اللي هناك دقيقتين وراجعه
كمل محمد أكل ودلال راحت تكمل أغراضها وانتهى الشوبنق وأشترت اللي تبيه
.. الساعة عشر ..
( أبو محمد يتصل بك ) :icon26:
أم محمد : هلا إيه خالصين هذاني عند بوابه أربعه
أم محمد :السلام عليكم
أبو محمد : وعليكم السلام .. هه عساك خلصتي
أم محمد :أيه أبشرك بس والله الأسعار نار
أبو محمد : لاقينكم يالحريم يلعبون عليكم يأخذون الإيجار والفواتير من ظهورنا .. حمودي وش سويتوا في السوق
محمد : ماما جابت لي عشاء وراحت تتسوق لوحدها
أبو محمد : وش اللي يقول هالبزر
أم محمد :ابد بذني يبي يأكل وطلبت له وتركته يأكل لين أقضي
أبو محمد : لا ياشيخة وإلا تبين تمشين على حل شعرك
أم محمد :وش أللي امشي على حل شعري ولو بمشي هالبزر بيردني
وترى زودتها وتحملتك كل سنه أقول بيتغير حالي
أبو محمد : الغلط موب عليك علي أنا الثور اللي فاكك على حل شعرك
أم محمد :وصوتها عالي وش اللي فاكني على حل شعري لايكون الأخ معرس علي من كباريه ( ثقافة الافلام المصريه)
أبو محمد : اوص ولا كلمة زيادة ولو أنك حرمة صاحية
ماجدعتي ولدك في المطاعم ورحتي تشبرين السوق
وصلوا البيت وكل واحد يتفنن في تجريح الثاني وسبه وحمودي نايم ورى ( شبها ونام ):icon30:
وزاد الأمر بينهم وبدت أم محمد تصرخ وتقول الشرهة علي اللي صبرت
إنسان مريض بالشك مثلك المفروض ماجلس عنده ساعة وحده
كل سنه أقول بيتغير بس مافيك طب ولا رجاء
وكان رد راشد الوحيد إذا مو عاجبك ضفي قشك وروحي لأهلك
بعد ماخلصت دلال ضف أغراضها راحت غرفة منيرة وحمودي وشافتهم نايمين شافت الدنيا كلها فيهم
جلست تفكر فيهم وش ذنبهم يصيرون ضحيه مشاكل
تفكر في بيتها في غرفتها في مطبخها
حتى راشد غالي عندها رغم قسوته عليها وشكه الزايد
وعارفة أنه يحبها وأن اللي فيها قبل يتعبها يتعبه
وفي نفس الوقت ملت من الشك اللي أوقات ماتدري وش سببه !!
ملطووووووووووووووووووووووووووووووووووووووووووووووو وووووووووووش...
الأم : رح قل لأبوك أمي تبي السوق :D
محمد : قلت له .. يقول مافيه سوق لو تموت أنت وأمك مافي سوق:mad:
الأم : : رح ثانية ياغبي :icon1366:
محمد : بروح آخر مره إذا ما طاع مالي دخل :no:
الأم : : أيه طس خلصني ترى حامت تسبدي منك أنت وأبوك الله لايعيده من عرس بغيناه طرب صار نشب
محمد : بابا ماما تقول وديني السوق الله يخليك }} يبهر
الأب : ( وهو يقلب الجريدة ) إلا ورى ماتطس عند أمك لاقوم وأعلمك السوق أنت وياها :icon28:
قطع حديث حمودي دخول الأم وهي طاير الشرر من عيونها
الحين أنت ورى ماتبي توديني السوق :icon28:
أبو محمد : وأنا ماوراي شغل إلا أوديك السوق أجيبك من السوق
أوديك أهلك أجيبك من أهلك !!
احد قايل لك إنك معرسة على ( راجو ) :mad:
أم محمد : يابو محمد الله يخليك لي قلت لك عندنا زواج أبي أتقضى ما باقي إلا أسبوع على موعده ما يمديني أسوي شيء
أبو محمد : زواج أختك !! زواج أخوك !!
أم محمد : لا بس زواج أخو زوجة أخوي وأنت عارف أنها أعز صديقاتي
أبو محمد : مافيه روحه لزواج وشوله السوق
أم محمد : اففففففففففففففففف حسبي الله عليك إذا طول عمرك مكدر علي
وكاتمني وعازلني عن الناس
أبو محمد : : يأشر بيده بمعنى طسي وهو يقلب في القنوات الفضائية
راحت أم محمد لغرفتها .. وهي تصيح .. وتحسب وتندب حظها
وصلت لها ركعتين وجلست تسبح وتدعي أن الله يسخر لهم أبوهم
قطع تسبيحها نغمه الجوال طالعت لقت ( أم زياد يتصل بك )
أم محمد : تكلم نفسها ( ماهوب وقتك أبد يا أم زياد )
أم محمد : هلا والله وغلا أم زياد
حياك الله ياقلبي كيفك وكيف أبو زياد والعيال
صوتي !! أبد مافيني شيء
أبد مانتي غريبة بس جد مافيني شيء
أي والله مثل أختي وأكثر
ابد كالعادة راشد عيّا يوديني لسوق
لا وش أروح معكم يعني كل مره يرفض وأنا أروح معكم
ترى والله صرت أستحي من أخوي
وربي عارفه يا قلبي بس إذا ما وداني لسوق ماهوب موديني الزواج
يا بنت الحلال ما تركت شيء جيته بالطيب بالردى مانفع
ما أقول إلا الشكوى لله
كل اللي تقولينه جربته لبست حطيت شموع ماباقي إلا أحط سم فيران وارتاح
بجرب شورك وهداية الله
قامت أم محمد ولبست وحطة مكياج وبخت لها كم عطر
ونزلت وقالت لشغالة سوي شاهي ومن عقبه خوذي منيرة ومحمد لعبيهم في الحوش وأنتبهي لايفتحون باب الشارع
دخلت أم محمد على راشد وهو منسدح ومغطي وجهه بالجريدة
أم محمد : قلبي قوم اشرب الشاهي قبل يبرد مسويته لك في البريق اللي تحبه:D
راشد : وهو مطير عيونه في أم محمد
وش هالزين يادلول ؟!:icon31:
وش هالحركات .. !؟ كل هذا علشان السوق والزواج ؟!
أم محمد : ياقلبي اللي تبيه بيصير ماتبيني أروح مانيب رايحه أهم شيء ماتزعل علي مع أني نفسي أروح وهي تحكي نزلت دمعه من عينها :tears:
حس راشد أنه يقسي عليها قال تنزل دمعتك علشان سوق
بكره بعد المغرب ابشري من يوديك ويعطيك البطاقة وبدال الألف عشرين وتشترين إللي تبين هه وش تبين بعد:icon26:
دلال : يابعد حيي وميتي أنت الله لايخليني منك :clap:
راشد : وهو يضحك ايه اليوم حسبي الله عليك والحين يابعد حيي
دلال : وهي تبتسم وبتشقق من الفرحه ياقلبي لاتأخذ على كلام الزعل وإلا أنا من لي غيرك أنت أبوي وأخوي وأهلي :in_love:
من بكره دلال قامت سوت الغدى بنفسها وبدال الصنف عشره
وتقول في نفسها عسى مايغير رأيه استقبلت أبوهم والابتسامة شاقه وجها شق
وتغدّوا وعينوا من الله خير وقيّلوا
بعد المغرب لبست دلال وتأكدت أن كل شيء موجود في شنطتها لأنها عارفه اليوم إذا ماخلصت أغراضها
تنسى سالفة الزواج
دلال : حمودي رح لبابا قل ماما والمه تقول يالله مشينا
محمد : ماما بروح معك .. ( وجه بزر ماسك طرف ثوب أمه )
دلال : راحت روح بليس وأنا رايحه اتمشى
رح قل لابوك عجل علي
راشد عند الكمبيوتر وفاتح أثمه ولو يطيح البيت بكبره ما دري ومحمد تعب يناديه وهو ماهوب لمه أبد
دخلت عليهم دلال يابو محمد مشينا ترى ماعاد فيه وقت
ابو محمد : أيه أيه البسي عباتك وجاي
دلال : يابن الحلال عباتي علي من أمس يالله مشينا
ابو محمد : يابنت الحلال خمس دقايق بس
دلال : أمري لله خمس دقايق خمس دقايق
يابن الحلال صار لك ساعة وأنت تقول خمس دقايق
ابو محمد : أقولك شوي بخلص سالفة مع رجال ونمشي
دلال : خله يكتبها ولي رجعت تقراها
ابو محمد : ضايف السي ان ان يكتب لي الخبر وأرجع اقراه جالس أناقشة في مشكلة بالمنتدى
أبو محمد يتوضى ويصلي ويبدأ يدور مفتاحه
وأم محمد ياحول تركض وتدور معه وهي تحلطم وحالتها حاله
أبو محمد : يالله مشينا وين حمودي
دلال : وش تبي بحمودي
أبو محمد : بتصور جنبه أبيه ينزل معك لسوق وإلا ناويه تسكعين لحالك
دلال : يعني رجعنا لطير ياللي بزر عمره خمس سنوات كل ماطلعت محل أرسلته معي يراقبني وخربت أخلاقه
أبو محمد : هيييه تبين تروحين لبسي ولدك وألحقيني أنا بالسيارة
معك خمس دقايق إذا ماجيتي بأمشي
دلال وراشد وولدهم محمد في السيارة مافيه صوت غير صوت أبو نوره يغني
غافل الهم قلبي والزمان استدار
............. وشوقي اللي هويته أصبح اليوم ضدي
تقطع أم محمد السكون وهي تخاطب راشد بدون نفس يابن الحلال فكنا من الأغاني
قلت لك ألف مرة مابي عيالي يتعودون عليها
راشد ماكان لمها لأنه مستغرق مع الكلمات ويغني معه
امااا محمد معطي ظهره لأهله ويطالع في العالم من القزازه الخلفية
أبو محمد : وهو يدور مكان يوقف فيه يوصي محمد أنتبه لأمك
ترى أنت الرجال :icon30:
نزلت دلال وهي ماسكه يد ولدها وصفقت الباب بقوه
وهي تتوقع أنها جالسة ترفع ضغط راشد اللي مادري عنها
بدت تلف في محلات الملابس الجاهزة وكل مره تطلب موديل ولون ومقاس وتروح تقيس وترجع
ألين ما أخذت فستان ماهي مقتنعة فيها لكن عن قوله أنها ماشرت جديد ;)
بعد ماخلصت من الفستان باقي الإكسسوارات والصندل وأنتم بكرامة
وهي تلف مرت من المطاعم ونشب لها محمد يبي يأكل
أم محمد : يا بابا لي قضينا نجي نتعشى :essen:
محمد : ماما جوعان أبي أكل بطني يوجعني
أم محمد : يا ذا النشبة أقولك باقي شوي ونخلص وتاكل جعلك العله
محمد : وهو يصيح والعالم يطالعون مابي أبي أكل
أم محمد :تعال جعلك البلش أنت وأبوك وش تبي تتسمم
محمد :وهو يمسح دموعه أبي بطاطس
وقفت أم محمد عند ماك هات وجبة طفل
محمد :ماما أبي ببسي
أم محمد :خير لا مافيه ببسي الوجبة معها عصير
محمد :لا ماما مابي أبي ببسي
أم محمد :ياقلبي الببسي يوجعك في بطنك وبعدين ماتكبر وتصير مثل بابا وعندك سيارة
محمد : بخبث أنتي تشربين ببسي وبابا يشرب ببسي
أم محمد :وهي تاحكي عمرها وش هالبلشه لو بجلس أجادله قفلوا العالم
تطلع بوكها وتحاسب وتطلب ببسي صغير لمحمد
وتأخذه لصالة المطاعم وتحط الأكل قدامه
يالله ياقلبي سمي بالله وأنا بروح أشوف المحل اللي هناك دقيقتين وراجعه
كمل محمد أكل ودلال راحت تكمل أغراضها وانتهى الشوبنق وأشترت اللي تبيه
.. الساعة عشر ..
( أبو محمد يتصل بك ) :icon26:
أم محمد : هلا إيه خالصين هذاني عند بوابه أربعه
أم محمد :السلام عليكم
أبو محمد : وعليكم السلام .. هه عساك خلصتي
أم محمد :أيه أبشرك بس والله الأسعار نار
أبو محمد : لاقينكم يالحريم يلعبون عليكم يأخذون الإيجار والفواتير من ظهورنا .. حمودي وش سويتوا في السوق
محمد : ماما جابت لي عشاء وراحت تتسوق لوحدها
أبو محمد : وش اللي يقول هالبزر
أم محمد :ابد بذني يبي يأكل وطلبت له وتركته يأكل لين أقضي
أبو محمد : لا ياشيخة وإلا تبين تمشين على حل شعرك
أم محمد :وش أللي امشي على حل شعري ولو بمشي هالبزر بيردني
وترى زودتها وتحملتك كل سنه أقول بيتغير حالي
أبو محمد : الغلط موب عليك علي أنا الثور اللي فاكك على حل شعرك
أم محمد :وصوتها عالي وش اللي فاكني على حل شعري لايكون الأخ معرس علي من كباريه ( ثقافة الافلام المصريه)
أبو محمد : اوص ولا كلمة زيادة ولو أنك حرمة صاحية
ماجدعتي ولدك في المطاعم ورحتي تشبرين السوق
وصلوا البيت وكل واحد يتفنن في تجريح الثاني وسبه وحمودي نايم ورى ( شبها ونام ):icon30:
وزاد الأمر بينهم وبدت أم محمد تصرخ وتقول الشرهة علي اللي صبرت
إنسان مريض بالشك مثلك المفروض ماجلس عنده ساعة وحده
كل سنه أقول بيتغير بس مافيك طب ولا رجاء
وكان رد راشد الوحيد إذا مو عاجبك ضفي قشك وروحي لأهلك
بعد ماخلصت دلال ضف أغراضها راحت غرفة منيرة وحمودي وشافتهم نايمين شافت الدنيا كلها فيهم
جلست تفكر فيهم وش ذنبهم يصيرون ضحيه مشاكل
تفكر في بيتها في غرفتها في مطبخها
حتى راشد غالي عندها رغم قسوته عليها وشكه الزايد
وعارفة أنه يحبها وأن اللي فيها قبل يتعبها يتعبه
وفي نفس الوقت ملت من الشك اللي أوقات ماتدري وش سببه !!
ملطووووووووووووووووووووووووووووووووووووووووووووووو وووووووووووش...