لحن الفراق لبلادي العــــــــــراق

[الزعــيم]

السلام عليكم ورحمة الله وبركاته

سرف بيهه الحوافر سحگت حسين
وترض ضلوعه ويخضرن گناطر

واحنه باربعينه نروح حفّاي
خاطر نسحگ ضلوع الحوافر

احنه من الحسين وذاك عاشور
ترسنه الموت وحلوك المگابر

يمرنه الموت بس مانعرف الموت
اذا طحنه تظل تحچي الضماير

ولأن ملگه زلم مانغدر الطاح
دور ظهورنه وشوف الخناجر

وأمنه محزمه وبالموكب تبات
وسگن دمعاتهه عروگ الچوادر

توصينه الصبر لعيون الحسين
وتركبنه عله متون المخاطر

وميه تجيب اذا عشره يطيحون
يخسه الگالك عن أمي عاجر

.......

وشبعنه اهواي ليل وموت ودموع
ومانحمل بعد شوغات واشواگ

وصلنه وعزلت كل المحطات
وسمعنه السچه تعزف لحن الفراگ

وأحنه أهل الحرب وأهل الهجومات
نتلگه المنايه بحيل عشاگ

وهذني اتفاگنه يدورن على الموت
ونريضهن غصب لعيون العراگ

وعلي بلايه رصاص وياخذن ثار
مليناهن صبر واتفاگنه اتفاگ

إذا ثارن قيامه وينفخ الصور
وتلتف الرگب مايلتف الساگ

گضينه سنين وياهن عراريس
وخلص ليل السواتر غزل وشباگ

نسوان التفگ بس ساعة الموت
إتشلبه عله الزلم وتنشف ارياگ
إتشلبه عله الزلم وتنشف ارياگ

[مقدم وراء]

مشكووور على الموضوع الجميل واصل ابداعك

[شموخ أنثى]

الله ينصرهم ان شاءالله..

ومشكوووووووور..

[الزعــيم]

الله يعطيكم العافة ومشكورين

[شهودة]

شكرا على الكلمات الرائعة يازعيم
شكراااااااااااااااااااااااااااااااااااااااااااااا

[الزعــيم]

مشكوووووووووووور

[الزعــيم]

مشكوووور

[bint muscat]

صح لسانك"
تسلم زعيم ع القصيدة الاكثر من رااائعة"
ولا تحرمنا من ابداااعاتك"

[الزعــيم]

مشكووور على الردووووووووود الحلوة