ابجوره
19-07-2007, 07:53 AM
للشاعر [فهد المساعد]......
من بغى الفرقا لقى له عذر وأسباب ودليل = خل عنك العذر والأسباب دام الحب ضاع
كان ودك بالفراق .. ابشر عسى عمرك طويل = لاتردد وأنت لك كلمه ولك أمر ٍ مطاع
لي عليك انّك تبّت بكلمة ٍ تشفي الغليل = ولك عليّ اني لأوّقف وقفة الرجل الشجاع
لا تجاملني مخافة قال مدري خوف قيل = عمر هرج الناس مايسمن ولايغني جياع
كان قصدك سر حبك أوعدك لأصبح بخيل = واحمل أسرارك معي للموووت قدر المستطاع
بس قلها قل ما احبك ... وابشر بصبر ٍ جميل = لاتحسبني مثل من طبعهم لوي الذراع !
صاحبك ماهو كذا ياصاحب القد النحيل = صاحبك طبعه غريب وغربته غربة طباع
فـ الهوى ما يقبل الحل الوسط ولا القليل = مثل ماهو لاشرى يشري .. ليامن باع بااااع
ثابت ٍ لو هي تميل الارض حدره ... مايميل = يدري ان الفقر ماهو عيب والدنيا متاع
ماعشق لذّة حياته كثر عشق المستحيل = ولاكره حتى مماته كثر كره الأنصياع
كم تعلّم من حياة البدو وش معنى الرحيل = وكم تعلّم من غروب الشمس وش معنى الوداع
وكم تعلّم من سحاب الصيف وش معنى الحصيل = وكم تعلّم من ليال البرد وش معنى الضياع
ايه أنا هذا طريقي موحش وصعب وطويل= وأنت لامنّك تعبت العالم فجوجه وساع
اعتبرني في بداية سكّتك عابر سبيل = ورح وأنا قلبي معك من وجّهت الشراع
(يكفي إني لاذكرت فـ سالفة عشّاق قيل: = عاااشر أحبابه شجاع . وفارق أحبابه شجاع )
وسلامتكم
من بغى الفرقا لقى له عذر وأسباب ودليل = خل عنك العذر والأسباب دام الحب ضاع
كان ودك بالفراق .. ابشر عسى عمرك طويل = لاتردد وأنت لك كلمه ولك أمر ٍ مطاع
لي عليك انّك تبّت بكلمة ٍ تشفي الغليل = ولك عليّ اني لأوّقف وقفة الرجل الشجاع
لا تجاملني مخافة قال مدري خوف قيل = عمر هرج الناس مايسمن ولايغني جياع
كان قصدك سر حبك أوعدك لأصبح بخيل = واحمل أسرارك معي للموووت قدر المستطاع
بس قلها قل ما احبك ... وابشر بصبر ٍ جميل = لاتحسبني مثل من طبعهم لوي الذراع !
صاحبك ماهو كذا ياصاحب القد النحيل = صاحبك طبعه غريب وغربته غربة طباع
فـ الهوى ما يقبل الحل الوسط ولا القليل = مثل ماهو لاشرى يشري .. ليامن باع بااااع
ثابت ٍ لو هي تميل الارض حدره ... مايميل = يدري ان الفقر ماهو عيب والدنيا متاع
ماعشق لذّة حياته كثر عشق المستحيل = ولاكره حتى مماته كثر كره الأنصياع
كم تعلّم من حياة البدو وش معنى الرحيل = وكم تعلّم من غروب الشمس وش معنى الوداع
وكم تعلّم من سحاب الصيف وش معنى الحصيل = وكم تعلّم من ليال البرد وش معنى الضياع
ايه أنا هذا طريقي موحش وصعب وطويل= وأنت لامنّك تعبت العالم فجوجه وساع
اعتبرني في بداية سكّتك عابر سبيل = ورح وأنا قلبي معك من وجّهت الشراع
(يكفي إني لاذكرت فـ سالفة عشّاق قيل: = عاااشر أحبابه شجاع . وفارق أحبابه شجاع )
وسلامتكم