اذكر موقف تعرضت فيه للخطـــر وكدت ان تمووت المطلوب من الجميع التفاعل ((ارجو الثتبيت))

[الوافي الذهبي]

السلااااااااااااااااااااااااااام عليكم


اخوااااااااااني اخواتي


نحن في قسم الرعب والعنف




واكيد الكل او الاغلبيه



مروو بتجااااااارب خطيره كادو ان يفقدو بها اغلى مايملكون


وهي حياااااتهم



المطلوووووب سرد قصص حصلت لك او لكي

او لغيركم خطييييره كدت ان تفقد بها حياتك

ونعلق على ذلك ويستفيد بعضنا من بعض من تجارب الحياة القاسيه

وانشالله الموضوع يحوز على رضااكم


واعلموو انكم انتم الذين تكتبون الموضوع وليس انا


وانا حاااااااس ان راح اشوف منكم مواقف غريبه خطره ولولا حفظ الله لنا لما عشنا

الى هذه اللحظه









ابدا انا اولا بنفسي

فلقد مررت بمواقف كثيره منها عندما كنت صغيراا

وهبط المطر ولمست جدار فيه سلك كهرب عاري

ولكن الماء مطر عمل موصل لتياااااار


فانا الى الان اتذكر هذه السعه واحس بها ولولا حفظ الله لي و انه ابعد يدي لوحدي لمت

منذ زمن

ولم يكن احد من اهلي قريب مني او عالم لهذا الشي



موقف اخر حصل لي شفت فيه الموت بام عيوني


وهذا قريب احضر احد الاصدقاء سياره جديده

وطلب مني الركوب معه واسرع بسياره وفقد السيطره
بها مع العلم والله ان كنا نسير بسرعه 180 اتجهت السياره
الى عمود كهرب وعلى بابي وكنت والله اصرخ له ان يجعل مكان الصدمه في اي
مكان اخر من السياره بس لايحط الصدمه على بابي يعني وقتها الوقت مشى بطي مره
وانا اشوف نفسي متجه لعمود بسرعه180 يعني بصير قطع
المهم الرجال وقتها مشغول في نفسه
حت هو يبي الحياه الحمدلله وضع السياه انقلب للخلف يعني صارت تمشي على ورى
وتعدينا العمود وضربنا شجرتين وراحت شنطه سياره وطي الشنطه خلفيه السياره
وخرجت سالما غانما انكتب لي حياااااااه جديده
وانا الى يومكم احمد ربي والحمدلله اني للحين عاااايش
والله منجاني الا ربي

[الوافي الذهبي]

شووووووووووووووووووووووووووووو وين الماركات!!!!!!!!!

[عبودي]

مشكور على الموضوع الرائع

وانا ابقول قصه حصلت وانا صغير

كان ذهبين الى مكه مع اهلي وكان في الطريق

وكان الطريق مظلم وكان ابي مسرع

وخرج على طريق جمل فصدمنا الجمل وكنت جالس في الامام

بين امي و ابي وسقط الجمل على السياره

و انتثر الزجاج على وجهي والحمدالله

انه ما دخل في العين

والحمدالله خرج من الحادث

با اصابات خفيفه

[المنسدح]

مشكووووور


بس انا ما اذكر المواقف تعرضت فيه للخطر


اذا تذكرت لي رجعه


,,وتحياتي,,,

[جريح الصمت]

يسلموووووو على الموضوع

بس انا والله ماأذكر مثل المنسدح إذا تذكرت رديت

مـــــــــــع تـــــــــــــــحـــــــــــ عاشق الهلال يــــــــــــاتــــــــــي

[s3eed]

معندي




بس



مشكور اخوي

[الساهر]

الف الف شكر على الموضوع الرائع



وماعندي اي موقف ومشكور

[بدر الدجى]

السياره جديدة المفروض يمشي شوي شوي ؟؟؟؟؟؟؟؟؟؟؟؟؟؟؟؟

[بطل العالم]

اول شي مشكور على المرور

ثاني شي احب اقول لكم اني حصلت لي مواقف كثييير سلمني منها الله

لكن ابقول لكم 1 بس

مره كنت اسبح <---قبل اتعلم السباحه

ومشيت ناحيه العميق بدون ما ادري

وزلقت وشوي واغرق

لكن لحق على المدرب بآخر لحظه

والحمد لله على سلامتي

[123123]

اوووه اما انا لو كانوا يصوروني كان طلع فلم هندي
وحدة من المواقف
كان اخوي معطيني السياره اجيب له غرض وانا ماكنت ذاك الزود في السواقه وكنت مهجول يعني راعي تفحيط واخوي يقولي رح من الحارات وبشويش ولا تسرع صاير كأنه ابوي المهم ركبت السيارة واشغلها ويشتغل المسجل اوتوماتيك على راشد الماجد ماذكر الاغنية زين لكن في معنى الاغنية يسبونه وهو مسوي غافل ....الخ
المهم تريشت مع الاغنية يعني تحمست اول شئ مشيت بشويش الين ابتعدت عن البيت
وبعديييييييييين مارحمت السياارة ابد كأنه ببلاش وادعس والف ابغى انطل لكن ماعرفت واحاول ولا عرفت بعدين قلت في نفسي ما اقدرت انطلت مالك الا السرعه واسرع المشكلة اني كنت غشيم وامر من ذاك التقاطع الي طالعلي منه ددسن باكستاني والف واشوف ذيك الشجرة الي كان ودي حبهاااا بقوة لكن عدلت الطارة وتدارك الموقف وجت سليمة مع العلم اني كنت امشي حدود 100 داخل حارة لكن الشارع طويل وفي مطبات وأكلها ولا همتني <<<لأنها مو سيارتي
والحمد والسلام خير ختام

[ولد بريدة]

مشكورعلى الموضوع

[ولد بريدة]

مشكورعلى الموضوع

[الداهية]

يسلموووو الوافي الذهبي على هذا الطرح ,,,.....


عاد انا قصتي قريبه من قصت بطل العالم ...

المهمـ..

يوم من الايان عايلتنا الكريمة مع عيال اخواني وخوااتي رحنا استراحه .. ومبسووطين على الاخير

المه بكل اختصار ..

في وسط تجمع العائلة حوااالي المسبح ...

قمت انا اقوول خن استعرض .. المهم واسوي نفسي وخروو وخروو<<<< ياشين ذيك الهباله


واجيكم مسرعه والله ماردني الا العميــق..<<< وانا ما ادري ان الجهه اللي طبيت فيها عميق احسبها زي الجهه اللي كانوا فيها البزوره

واخابط بالعميق ولا احد جايب خبري .. .. وما ادري بعمري الا بلعت مويا واحااوي اطلع يدي

الا وانتبهتلي اختي الصغيره وقامت تصارخ ..وانهبلووو وابويا واخواني بثيابهم .. مهم عارفين وش يسوون والا ينقز اخوي بثوبه ويسحبني .. ويجي ابويا يبي يسووي غصب عنتر بالهرجه وينقز معه .. وتم انقاذي بسلام .,..

طلعووني زرقاء وسويلي اسعافات وحركاات .. طبعاً هذا الموقف كان لما كنت باولى متوسط ...

[عزة نفسي تكفيني]

مشكور اخوي يعطيك العافية...
وموقفي صراحة مو بعيد عن موقف بطل والداهية
يعني في المسابح
....................
هذا مره
طالعين استراحة
والمسبح مليان.. جيت انا مسويتلي فيها قلت برقى السبرنق
والحمدلله رقيت وطبيت المسبح كان عميق مرررره
طبيت ورحت فاخر شي وابطلع ما قدرت بعييييد خلاص شفت المووت
يوم قربت بطلع الا






وتطب علي وحده من البنات المشكله انها كانت سمييييينه
واروح انا فيها مره ثانية لنهاية المسبح
والحمد لله طلعت... بلطف من المولى

مشكووور
يعطيك العافية

[فـــــزاع]

السلام عليكم ورحمة الله وبركاته
اولا احب اشكر اخوي الوافي علي الطرح الجميل الممتع
بتسؤلوني ليه ممتع معنها معاناه انا اقول لكم بالنسبه لي دايم اضحك بعد كل مصيبه تصير لي ههههههههه
قصتي غريبه شوي
كنا مسافرين علي سياره وكنا اربعه وعلي سياره وكان اخوي يسوق السياره وكنت تعبان من السهر واوصي اخوي انتبه للخط لانه كنا نسرع
بالطريق المهم شاف اخوي قدامه من مسافه قريبه جمل واقف بالطريق وهو يحذف السياره عنه ويعدلها ويستر الله علينا من الجمل قلت لخوي انت بتعدمنا وقف خلني اسوق
وقفنا وسقت السياره ومشينا وكانو يسولوني فيك نوم وقول لهم لا افا عليكم
المهم نمت وانا اسوق السياره وطلعت من الشارع بكبره وصرت في صراع ارد السياره وهي ماتبي الشارع المهم افترت السياره وقلبت كم قلبه وبعدين وقفت
وكانت السياره واقفه علي شكلها الطببيعي
تعرفون غبار والشباب كانو نايمين
ويسولوني وش صار وش صار
واشوف نفسي انا صرت علي الاكرسي الخلفي
وولد عمي علي كرسي السواق ومبلم
قلت الغبي قلبنا ومت الضحك
وهم يدعون عليه بغيت تذبحنا ويقول والله ماكنت اسوق والله فيصل السواق
وانا ههههههههههههههه
علي طول اعترفت نمت والنايم عذره معه هههههههه
الحمد الله
الله ستر علي اخوي وعيال عمي ولا كانت سوالف
اسمحولي علي الاطاله
تقبل مروري

[الوافي الذهبي]

مشكورين اخواني على المرور والقصص المروعه والجميله و المضحكه

[majadi]

قصتي بسيطة جدا
في يوم عطلة دهبت مع اصدقائي في رحلة الي الصحراء الغربية
و اردنا لعب الكرة قليلا فقمت لتتبيت العوارض للعب كرة القدم طبعا
وبعد ان اكملت تتبيت العارضة وبعد ابعت يدي عن العارضة بقليل ضربت صاعقة العارضة ومن شدة الصدمة اخمي علي للعلم ان العارضة عبارة قضيبين من مادة الالمنيوم لانه خفيف شيئا ما نتبتهما تبيتا متوازيا
وكان ذالك في الصباح الباكر و الجو يغمه الندي شيئا ما
و كان حدسي يخبروني بأن مصيبة ستحدث ...
اسمحولي طولت عليكم
تقبلو مروري

[$الع&زيز$]

مشكووووووووووور على الموضوع الرائع بس أنا ما عندي موقف خطير

[الوافي الذهبي]

مشكورين اخواني على المرور

[اياد جمال]

شكرا موضوعي كنت العب ب بندقيه ولم انتبه لتامين السلاح فانطلق منه رصاصه ومرت بجانب وجهي والحمد لله لم اصب باي اذى ولم العب بالاسلحه منذ تلك الحادثه

[مثايل]

على اني ما احب اذكر ها المووضوع ولا اتذكره عشان كان عمري شهرين اخواني وعماني يقلونه لي فقدت اغلى اثنين امي وابوي في حادث سياره من رماح للرياض تخيلو انا ام شهرين لقوني في التراب مافيني اي شي هذا بس اصيح من الجوع سبحان الله هذا الكلام له 14 سنه كل شي مكتوب تشوفه العين يسلموو لصاحب الموضوع

[مثايل]

على اني ما احب اذكر ها المووضوع ولا اتذكره عشان كان عمري شهرين اخواني وعماني يقلونه لي فقدت اغلى اثنين امي وابوي في حادث سياره من رماح للرياض تخيلو انا ام شهرين لقوني في التراب مافيني اي شي هذا بس اصيح من الجوع سبحان الله هذا الكلام له 14 سنه كل شي مكتوب تشوفه العين يسلموو لصاحب الموضوع

[بابنجي]

الله يرحمهم، وأنا كمان حدثلي موقف كنت سوف أذوق فيه الموت وهو:
كنت أنا وأهلي وخالاتي رايحين لكبائن عند خالي الأصغر وبعد ما وصلنا رحت عشان ألعب برمال البحر
ونسوي كرات بالرمل ونرميها على بعض أنا وأختي الكبيرة وبنات خالاتي، وبعد ما خلصنا لعب أتجهنا
للكبينة حقتنا وبعدين ما هي إلا دقايق وأروح وأجهز ملابس السباحة ورحت مسبح النساء وكان في
مسبحين (مسبح للأطفال) و(مسبح للكبار وطبعاً كان عميق)
راحوا البزارين في مسبح الأطفال وأنا وبنات خالاتي وأختي الكبيرة في المسبح العميق
وزي ما تعرفوا في كل المسابح في المسبح الكبير كان في نزلات من الواطي للغريق
وأنا رحت للواطي وقعدت أسبح وأسولف مع بنات خالاتي وكنت مبتدئة في السباحة وبعدها راحوا
كل بنات خالاتي في الغريق إلا أنا فما حبيت أقعد لوحدي في الواطي وبعدين رحت للغريق وكنت متمسكة
في حافة المسبح وفجأة تجي وحدة من بنات خالاتي ودفتني وتمسك الحافة بدلاً مني
وهي تعرف السباحة وأنا إلا أروح وراها وأحاول أمسك فيها عشان ما أغرق وهي تسولف مع الباقين ولا
همها وتدفني وبعدين كانت في وحدة من بنات خالاتي حنونة وهي بصراحة من أطيب بنات خالاتي ولمن شافتني وأنا أرفع يدي وأصارخ
تركت سواليفها وأنقذتني و والله لولاها لكنت الآن داخل القبر
لأن لم تبقى إلا ثواني وأموت
وشكررررررررراً على الموضوع
وآآآآآآآسفة على الإطالة
ودمتم مطخطخين

[الوافي الذهبي]

مشكوره اختي مثايل على المرور

[الوافي الذهبي]

مشكوره اختي بابنجي على المرور

[ببسي بن كولا]

وانا ياكثــر مواقفي اللي اشوف فيها الموت ..

بقول لكم وحــدهـ منهــااا ..

مره كنت انا وعيال عمي رايحيين نقنص وحنا دايم اذا رحنا نسوي مسابقــه بينا في الرمي وكل واحد منا معه

بندق صيــد وحاطين لنا علامه نطلق عليهااا المهم ان حنا خلصنا من الرمي ورحت انا ابي اشرب شي من

السياره ويوم رحت قال ولد عمي للشباب تراني جايب معي رشاش شرايكم نجربه وكان نوعيت الرشاش من

اللي يطلق طلقات ورى بعض وهو فيه شي يضغطونه يخليه يطلق طلقه وحده طلقه وحدها المهم ان ولد عمي

نسى يضغط الزر ..

ومسك الرشاش واطلق على العلامه وعلى طول لف الرشاش وعلى لفته انطلقت الرصاصات الباقيه وكان الرشاش

لاف على جهة السيارهـ اللي انا فيــها وانا ذيك الساعه كنت منزل راسي ادور لي غرض المهم ان الرصاص جى

على قزاز السياره

والله لوأني رافع راسي شعــرهـ كان صرت من عداد الموتى ..

[@@صميدعي فله@@]

سلام للجميع اما انا مواقف لاتعد ولا تحصى بس اللهم لك الحمد والشكر على كل شي
كنت دوبني طالع من الدوام زهقان ملان قرفان من نفسي متوجه للبيت وشغلي الشاغل الغداء وش مسويه
الوالده وكنت ماشي بكل هدوء ولا فكرت اني اسرع وعند الدوار ولا واحد مسرررررررع وقف فجأه وانصدمت ولا هديك السياره صدمتني بقوه من الخلف وانا اللي رحت فيها انصقعت بالطاره وانخبطت بزجاج الباب الاول ويدي اليسرى اصيبت بكسور والتواء بسيط بالكاحل اول مانخبطت بالمرتبه ونيييييييييييييييييييت وقلت اه يمه انتي وينك وبعدها غيبت عن الدنيا صحيت ولا القى نفسي بالعنايه المركزه وترى هاد الحادث الثالث لي بس الحمدلله ربي قادر على كل شي هههههههههه اخواني يتريقوا شكلك تروح مع البنات مع السواق
وسلامتكم من كل شر وسوء

[الوافي الذهبي]

مشكور اخي ببسي ابن كولا على المرور

[الوافي الذهبي]

صميدي فله مشكور على المرور

[بنت الرياض..]

مشكووور اخوي ع الموضوع

الصراحه مواقف من جد مؤثره بس ملاحظه إن الشباب أكثرهم بالسيارات والحوادث مواقفهم >> مقبوله

أما البنات أكثرهم بعد السباحه >> هههههه الله يهديكم لحد يسبح مره ثانيه ولا يعني عشان الغريق شهيد..

المهم أخواني و أخواتي إنتبهوا لأنفسكم والله يحفظكم من كل مكروه>> عاد أنا ما أدري وش فيني اليوم كل شوي
أطيح على موضوع عن الحوادث الله يستر بس..



عاد أنا الحمد لله ما قد صارت لي مواقف ويارب مانسمع مكروه بقريب ولا ببعيد..

[الوافي الذهبي]

مشكوره اختي بنت الرياض على المرور

[انين الشوق]

الحمد لله مامريت علىا موقف خطر



او اذا كان مريت وتذكرت رجعت لكـ :)

[[[بدون اسم]]]

والله انا صارلي اني كنت طامر الشارع ويجيكـ ذاكـ الددسن الي موشح ومصار بيني انا وياه الا متر او مترين المهم انه قاطع الاشاره وانا على عماي بروح الحق على المح ل لايسكر عشان الاذان

[الوافي الذهبي]

مشكور خيو انين على المرور

[الوافي الذهبي]

مشكور اخ بدون اسم على المرور

[ساري1]

أولاً اشكركم على الموضوع المميز والمثير: بالنسبة لي والله بتوفيق من الله طلعت من بلاوي الواحدة كافية للقضاء على حوادث سيارات وغيرها وذكرني الداهية السباح الماهر الله يستر عليه بقصة حصلت معي سألني واحد من اخوياي تعرف تسبح قلت له يعني وأنا والله اغرق في طشت للركب عموماً رحنا مسبح وكنت واقف وفجأءة حب يمزح معي دزني بالمسبح وأنزل تحت للقاع وقمت ارافس برجولي ويدي طبعاً هذي الحركة جديدة للخروج من الماء ولكن عيب من عيوب هذه الحركة ( الرفس) أنك لاتتحرك من مكانك عموماً كان في تفكير الصديق الوفي أنني سوف أخرج ولكن عندما مضى وقت ليس بسيط عرف بأني ما عندي سالفه وقام بالقفز وماحسيت إلا وهو رافعني فوق قال لي تقول تسبح وانت ما عندك سالفه قلت له لايا أخي أنا حبيت مثل ما دزيتني تطلعني قام يبغى يرجعني بالماء وقلت له والله والله والله العظيم ماعندي سالفه معرف اسبح بس فكني شرك

[الوافي الذهبي]

العفة اخي مشكور على القصه

[اسامةالبرنس]

:strongsad:ما ادرتش تتكهرب وتخلصن