لاطـار قلبـي ماتـعـدى غصـونـك
وافـي مثـل راعيـه علـى يميـنـي
لاحـب حـب ولاتعزويـت عـونـك
ولامن شـرى يشـري ولـو بالثمينـي
في كل يوم اسهر واغنـي لحونـك ..!
يـا الـي رحلـت وماتسألـت وينـي؟
يعنـي عشـان الليـل ماخـذ سكونـك
اتقـوم تنسانـي وتنسـى حنيـنـي ؟
عذرك بنومك ! واللقى ضـاع دونـك
يامضيّـع دروب اللقـى مـن يدينـي
لامن دعاك النـوم غمّـض عيونـك ؟؟
تعـال واتمـدد علـى رمـوش عينـي
اشيـاء غيرتـك علـى الـي يبونـك
وانت الي حالفلـي وقايـل تبينـي ..!
غلطان لـو صدقـت انـي اخونـك .!
انـا الوفـى مربـاه فـي راحتيـنـي
شفني رغم طـول المفـارق اصونـك
والا انت ناهب ..! من سنيني سنينـي
يا الـي حياتـي مـا ابيهـا بدونـك ؟
الحـيـن لاردت عـلـي لاتجيـنـي
خاين ..! وجعل ايام عمرك تخونـك ..
غايب ..! وعطرك ريحته في يميني ..!
!! كانك لقيت انسان يملى عيونـك ..؟
حبّه ..! ولكـن لاتساويـه فينـي .!!
حبّه ..! ولكـن لاتساويـه فينـي .!! 
العرض العادي
